राष्ट्रपति पदमा ७ वर्ष आसीन भएर शीतल निवासबाट फर्केकी विद्यादेवी भण्डारीले सक्रिय राजनीतिबाट अलग हुनै पर्छ भन्ने मान्यता नरहेको बताएकी छन् । कान्तिपुरसँगको विस्तृत अन्तर्वार्तामा उनले भनेकी छन्, ‘म न ढोकामा चुकुल लगाएर कोठामा बस्छु, न वनवास जान्छु भनेकी छु ।’
नेपाल र चीनले दुई मुलुकबीचको परराष्ट्रमन्त्री तहको नयाँ संयुक्त आयोग संयन्त्र आवश्यक रहेकोमा जोड दिएका छन् । काठमाडौंमा मंगलबार सम्पन्न भएको नेपाल–चीन कूटनीतिक परामर्श संयन्त्रको १६ औं बैठकमा परराष्ट्रमन्त्री तहकै नयाँ संयन्त्र आवश्यक रहेकोमा दुवै पक्षले जोड दिएका हुन् ।
कोशी प्रदेश सरकार गठनविरुद्ध कांग्रेसका केदार कार्कीले दायर गरेको रिट खारेज भएको छ । सर्वोच्च अदालतले एमाले-माओवादी गठबन्धनबाट मुख्यमन्त्री बनेका हिक्मत कार्की नेतृत्वको प्रदेश सरकारविरुद्ध केदार कार्कीले दायर गरेको रिट खारेजको फैसला गरेको छ ।
सर्वोच्च अदालतले कोशी प्रदेशका पूर्वमुख्यमन्त्री केदार कार्कीको रिट खारेज गर्नुको आधार सरकारलाई समर्थन दिने दल र सांसदहरूले समर्थन फिर्ता लिएको अवस्थामा पनि प्रदेश सभाबाट विश्वासको मत नलिएर संविधानको पालना नगर्नु रहेको भनेको छ ।
परीक्षा नियन्त्रण कार्यालयबाटै स्नातक तहका करिब ५ सय विद्यार्थीको उत्तरपुस्तिका हराएको घटनामा संलग्न दोषीलाई कारबाही गर्नुको सट्टा त्रिभुवन विश्वविद्यालयका उपकुलपतिलगायत पदाधिकारीले संरक्षण गरेका छन् ।
आँखाको उपचारमा देशमा मात्रै नभई विश्वमै प्रख्यात तिलगंगा आँखा अस्पताल अब विश्वविद्यालयका रूपमा सञ्चालन हुने भएको छ । बोर्ड अफ ट्रस्टी मोडलमा स्थापना हुने विश्वविद्यालयले नेपालमै आँखाको स्वास्थ्यसम्बन्धी उच्च शिक्षा अध्ययन, अध्यापन, अनुसन्धान गर्ने गरी तिलगंगा नेत्र विश्वविद्यालय विधेयक संसद्मा दर्ता भएको छ ।
एक गाग्री पानी ल्याउनका लागि हरेक दिन तीन घण्टा नछुट्याई धरै छैन, चौरजहारी नगरपालिका–११ जोगिनेटाकी सुनिता ओलीलाई । जोगिनेटा खोलाबाट सोलार लिफ्टमार्फत ७ वर्षअघि निर्माण गरिएको खानेपानी आयोजना गत कात्तिक १७ को भूकम्पले क्षतिग्रस्त भएपछि जोगिनेटाका १५० घरधुरीलाई खानेपानीको सास्ती पर्दै आएको छ ।
उत्पादन र रोजगारीका क्षेत्रमा लगानी बढाउनका लागि आन्तरिक र बाह्य ऋण लिन लागिएको अर्थमन्त्री वर्षमान पुनले बताएका छन् । सरकारको प्राथमिकता आन्तरिक उत्पादन बृद्धि र रोजगारी सिर्जना गर्ने रहेकाले त्यसका लागि स्रोत व्यवस्थापन गर्न ऋण लिन लागिएको उनले स्पष्ट पारेका छन् ।
नेकपा (एकीकृत समाजवादी) का अध्यक्ष माधवकुमार नेपालले गलत प्रवृत्तिविरुद्ध नयाँ सांस्कृतिक जागरण पैदा गर्न आवश्यक रहेको बताएका छन् ।
अर्थ मन्त्रालयका सचिव मधुकुमार मरासिनीले बैंकहरूमा रहेको ६ खर्ब लगानीयोग्य रकमलाई बजारमा लैजान आर्थिक नीतिमार्फत सरकारले सहजीकरण गर्ने बताएका छन् ।
