झापा — चट्याङ लागेर झापामा मंगलबार दुई जनाको मृत्यु भएको छ । मृत्यु हुनेमा गौरीगंज गाउँपालिका-८ का ४२ वर्षीय लीला भनिने विकास गिरी र कमल गाउँपालिका- २ समाईगढी बस्ने वर्ष ४६ का राजन खड्का रहेको जिल्ला प्रहरी कार्यालय झापाले जनाएको छ ।
गिरीको धानको बिउ उखार्ने क्रममा मंगलबार बिहान चट्याङ लाग्दा घटनास्थलमै मृत्यु भएको थियो ।
त्यस्तै खड्कालाई घरबाट खेत तर्फ जाने क्रममा चट्याङ लागेको थियो । घाइते उनको दमकस्थित आम्दा अस्पतालमा उपचारका क्रममा मृत्यु भएको प्रहरीले जनाएको छ ।