दार्चुला — बैतडीको शिवनाथ गाउँपालिका–१ स्वालामा महाकाली नदीमा बगेर एक बालिकाको मृत्यु भएको छ । शनिबार बिहान नदीमा नुहाउने क्रममा बगेर स्थानीय १४ वर्षीया रजनी चाडको मृत्यु भएको हो ।
रजनीसँगै महाकालीमा नुहाउन गएकी १२ वर्षीया अस्मिता चाड बेपत्ता भएको जिल्ला प्रहरी कार्यालयका बैतडीले जनाएको छ । उनीहरु बिहान साढे ९ बजेतिर महाकालीमा पौडी खेल्न गएको बुझिएको छ । पौडी खेल्ने क्रममा डुबेर बेपत्ता भएकी रजनी मृत अवस्थामा फेला परेकी छन् भने अस्मिता अझै बेपत्ता रहेकी बैतडी प्रहरीका प्रवक्ता बलराम पाण्डेले बताए ।
बेपत्ता अस्मिताको खोजी कार्य जारी रहेको उनले जनाए ।