文身最大嗰器官

世界头上最大嗰动物——蓝鲸嗰骨头架子

文身最大嗰器官係话世界头上嗰全部生物里头，佢嗰文身器官嗰体积係最大嗰。地球上最大嗰动物不见得硬有最大嗰器官，细滴子嗰动物也能有特别大嗰器官。一般来话，哺乳动物最大嗰器官係佢嗰皮。

动物

水里头嗰蓝鲸

蓝鲸

所有活得嗰动物里头，蓝鲸拥有好几只世界纪录。像：

• 佢嗰舌头嗰重量有2.7吨。
• 佢嗰嘴容得下90吨嗰吃嗰。
• 佢嗰心有1200斤许重，有时间都达得到1800斤。
• 佢嗰主动脉嗰直径有23公分许阔。
• 佢嗰卵长度有2.4米许莽。

别嗰动物

非洲嗰长颈鹿

• 大西洋巨型鱿鱼嗰眼睛嗰直径有50公分许阔。
• 长颈鹿嗰颈同到尾巴都係陆地动物里头最莽嗰。
• 渡信天翁嗰翼展有3.63米许阔。
• 亚洲野水牛嗰角，由根到尖，有4.24米许莽。
• 抹香鲸嗰大脑係最大也係最重嗰，有9公斤许重。
• 北极狮鬃水母係最莽嗰动物，连得佢嗰触手一下算能有36米许莽。

人类

器官纪录

• 人最莽嗰骨头係股骨。
• 人最大嗰动脉係主动脉，最大嗰静脉係肝段下腔静脉。
• 人最大嗰体内器官係佢嗰肝。佢也係最重嗰，有1.6公斤许重。
• 人最大嗰体外器官係佢嗰皮。
• 人最莽嗰肌肉係脚上嗰缝工肌。

个人纪录

麦丝·芒芝

• 史蒂芬·泰乐（Stephen Taylor）嗰舌头係最莽嗰，有9.5公分许莽。女嗰里头最莽嗰舌头係亚尼卡（Annika）佢嗰，有7公分许莽。
• 丝霍娜娜·班拉多娃（Svetlana Pankratova）係女嗰里头脚最莽嗰，佢嗰身高係1.9米，佢嗰脚就有1.5米许莽。
• 麦·亨利（Mark Henry）嗰牙係最大嗰，佢右首嗰门牙有1.2公分许阔，2.28公分许莽。
• 里·热曼（Lee Redmond）嗰指甲子係最莽嗰，有7.513米许莽。
• 谢秋萍嗰头发係最莽嗰，2004年嗰时间佢嗰头发有5.627米许莽。
• 咸·朗瑟（Hans Langseth）嗰胡子係最莽嗰，1927年佢过身嗰时间佢嗰胡子有5.33米许莽。
• 纳野·监（Naya Ganj）嗰耳刀毛係最莽嗰，有13.2公分许莽。
• 川上敏惠（Toshie Kawakami）嗰眉毛係最莽嗰，有15.1公分许莽。
• 弗来迪·史牧（Freddie Smook）嗰脚係最大嗰，佢嗰脚係37公分许莽，15公分许阔。
• 克思·荣（Cathie Jung）嗰腰係最细嗰，有38.1公分许狭。
• 莫墨·俄罪勒（Mehmet Ozyurek）嗰鼻公係最大嗰，有8.8公分许莽。穆罕默特·古力嗰鼻公係最莽嗰，有14公分许莽。
• 刘华嗰手係最大嗰，佢嗰左手大指拇头、食指同到中指分别係26公分、30公分跟15公分咁莽。
• 爵纳·法堪（Jonah Cardeli Falcon）嗰卵係最莽嗰，佢勃起嗰时间有34.29公分许莽。
• 麦丝·芒芝（Maxi Mounds）嗰胸係最大嗰，佢嗰胸围有153.67公分许阔。
• 蒋·梅若（Jon Brower Minnoch）係历史上最重嗰人，到1983年佢过身之前，佢嗰体重有636公斤。而今在世最重嗰人係马虐·乌里布·加者（Manuel Uribe Garza），佢嗰体重係597公斤。