Vikipediya:İnzibatçılar

Vikipediyanın inzibatçı alətləri tez-tez bir süpürgəyə bənzədilir və bu da inzibatçılığın bəzən "süpürmək" kimi təsvir olunmasına səbəb olur. Real dünyadakı bir süpürgəçidə işlədiyi yerin hər otağının açarı ola biləcəyi kimi, inzibatçıların da müəyyən bir rola görə icazələri var. Ancaq digər istifadəçilərdən daha önəmli bir istifadəçi deyillər.

İnzibatçılar, adminlər, sisop (sistem operatoru; ing. sysop, system operator) və ya keçmiş adı ilə idarəçilər — Azərbaycanca Vikipediyada müxtəlif texniki alətləri istifadə etmək hüququ olan redaktorlar. Bu alətlərə istifadəçiləri bloklamaq, tam mühafizə edilmiş səhifələri redaktə etmək, səhifələri mühafizə etmək və mühafizəni ləğv etmək, səhifələri silmək və bərpa etmək, səhifələrin adını heç bir texniki məhdudiyyət olmadan dəyişmək, səhifələrdə versiyaları gizlətmək, səhifələrin tarixçələrini bərpa etmək və birləşdirmək aiddir.

İnzibatçılar müvafiq səsvermədən sonra könüllü olaraq bu məsuliyyəti öz üzərlərinə götürürlər. Vikimedia Fondunun işçisi kimi fəaliyyət göstərmirlər. Müvafiq funksiyalar qeyri-müəyyən müddətə verilsə də, istifadəçi öz iradəsi ilə və ya Meta-da qüvvədə olan qlobal siyasətə uyğun olaraq 2 ildən artıq müddətdə töhfə vermədikdə, inzibatçı hüququ ləğv edilə bilər. Onlardan heç vaxt alətlərindən istifadə etmələri tələb olunmur və iştirak etdikləri mübahisədə üstünlük qazanmaq üçün istifadə etməməlidirlər. İnzibatçı Vikimedia sistem administratorları ("sysadmins") ilə qarışdırılmamalıdır.

Azərbaycanca Vikipediyada hal-hazırda 15 inzibatçı var (inzibatçı hüququ olan istifadəçilərin tam siyahısı).

İnzibatçıların siyahısı

Qrafik

İnzibatçıların fəaliyyət qrafiki

İnzibatçı statusunun verilməsi ilə bağlı səsvermələr

Kholat Syakhl (müzakirə  • töhfələr)-ya inzibatçı statusunun verilməsi ilə bağlı səsvermə

Səsvermə 19 iyun – 4 iyul 2024-cü il tarixləri arasında keçirilir (Ümumdünya vaxtı ilə 4 iyul 2024-cü il saat 10:53-də səsvermə dayandırılır)

İnzibatçı statusumun 2 ay bundan əvvəl icmanın qərarı ilə məndən alınmasından sonra yenidən namizəd olmaq istədim. Bilirəm ki, seçilmək şansım 10% belə deyil, sadəcə icazənizlə səbəbləri haqqında 1-2 kəlimə yazmaq istərdim.

1. İnzibatçı alətləri olmadan fəaliyyət göstərmək mənə çox çətindir. Ana səhifə kaskad mühafizəsi altında olduğu üçün müdaxilə imkanım yoxdur və Ana səhifə ilə bağlı məsələlərə görə hər dəfə Nemoralis və Gadirə müraciət etmək məcburiyyətində qalıram. Nemoralisin müzakirə səhifəsində ona ünvanladığım mesajlara buradan (1, 2) baxa bilərsiz. Gadir müzakirə səhifəsində də oxşar məzmunlu müraciətlərim olub.
2. Məqalə namizədləri bölməsində lazım olan arxivləşdirmələri apara bilmirəm. Məsələn, bir məqaləni namizədlik səhifəsindən, qiymətləndirmə səhifəsinə keçirmək və sonda ona status verib, müəyyən edilmiş yaxşı məqalə, seçilmiş məqalə bölmələrinə əlavə etmək hüququm yoxdur. Əgər bu hüququm olsaydı hesab edirəm ki, həmin bölmələrdəki əvvəlki fəaliyyətimi qaldığım yerdən davam edərdim. Sura Shukurlu mövzu ilə bağlı mənə bir dəfə xəbərdarlıq etmişdi ki, inzibatçı olmadığınız üçün qiymətləndirmə səhifəsinə yeni namizədləri əlavə etməyin.
3. Xəbərlər bölməsi Azvikidə ən çox sevdiyim bölmədir. Həmin bölmə 2015-ci ildə elə mənim tərəfimdən yaradılıb və bölmənin aktiv saxlanılmasında daim fəal olmuşam. Hər dəfə hansısa inzibatçının müzakirə səhifəsinə yazıb demək istəmirəm ki, zəhmət olmasa filan xəbəri əlavə et.
4. Yeni gələn həftənin məzmunları hər dəfə bir ölçüdə qarşımıza çıxır. Məsələn bəzən həftənin seçilmiş məqaləsinin məzmunu çox böyük olur, yaxşı məqalə isə daha kiçik olur. Bir sözlə kiçik düzəlişlər, toxunuşlar tələb edir ki, texniki olaraq bunu edə bilmirəm.
5. Vandalizm halları ilə mübarizədə fəal olmağa çalışıram, patrul kimi də fəaliyyətim məncə pis deyil. İnzibatçı olsam daha məhsuldar ola biləcəyimi düşünürəm.
6. Müddətli inzibatçılıq - Təklif edirəm ki, 1 il müddətinə inzibatçı seçilim. Əgər seçilsəm, bir ilin tamamında elə bu səhifədə haqqımda etimad səsverməsi başladılsın və onun nəticəsinə müvafiq olaraq statusun məndə saxlanılıb-saxlanılmamasına qərar verilsin.
7. Bu günə qədər olan problemlərin arxada qaldığına təminat verirəm. Etiraf edirəm ki, az şeylər baş verməyib, ancaq mənim məqsədim sadəcə olaraq Azvikiyə daha çox fayda verməkdir. Hesab edirəm ki, nə qədər həvəsim, istəyim varsa Azvikiyə fayda vermək mənim adıma daha uğurlu bir seçim olar.
8. İcma daxili hər hansısa bir münaqişəyə müdaxil olacağım təqdirdə statusu könüllü formada təhvil verəcəyimi bəyan edirəm. Hesab edirəm ki, istifadəçilər arasındakı problemləri həll edəcək kifayət qədər inzibatçı mövcuddur.
9. Səsvermə hüququ olan bütün həmkarları məsələyə münasibət bildirməyə dəvət edirəm. Söz verirəm ki, heç kimi heç harada dəvət etməyəcəm, sadəcə girib münasibət bildirin. Hər birinizə dərin hörmətlə. — Bu imzasız yazı Kholat Syakhl (m • t) adlı istifadəçi tərəfindən əlavə edilib; 10:53, 19 iyun 2024 (UTC)

Statusun verilməsinin lehinə

1.  Lehinə: Keçmiş və son zamanlardakı fəaliyyətini nəzərə alaraq. Qeyd edim ki buraya dəvətlə gəlmədim son dəyişikliklərdə gördüm. (şablon yerləşdirmədən bu yazıma nəzər yetirin) -- Hörmətlə:☞QRAF☜   (✉ → ♕) 11:05, 19 iyun 2024 (UTC)
2.  Lehinə: - uğurlar! C Mirəli2001 (müzakirə) 11:42, 19 iyun 2024 (UTC)

Statusun verilməsinin əleyhinə

1.  Əleyhinə: — Toghrul R (m) 11:41, 19 iyun 2024 (UTC)
2.  Əleyhinə: Eminn (müzakirə) 11:49, 19 iyun 2024 (UTC)
3.  Əleyhinə: — Araz Yaquboglu (müzakirə) 11:50, 19 iyun 2024 (UTC)
4.  Əleyhinə: əvvəlki səsvermədən sadəcə 2 ay keçib. Bu özünü doğrultmaq üçün elə də uzun müddət deyil. — Turkmen ^müzakirə 11:51, 19 iyun 2024 (UTC)
5.  Əleyhinə: təəssüf ki, dəstəkləyə bilmirəm. Vikipediyaya çox bağlı olduğunuzu və faydalı olmağa çalışmağınızı başa düşürəm, amma fəaliyyətinizlə bağlı çox ciddi problemlərə görə bu hüquq sizdən yaxın zamanda alındı. Etimad üçün hələ daha çox müddət lazım olduğunu düşünürəm. Hörmətlə, Gadir^müzakirə 11:57, 19 iyun 2024 (UTC)
6.  Əleyhinə:— samral ^müzakirə 12:10, 19 iyun 2024 (UTC)
7.  Əleyhinə: Yox. İnzibatçılığın alınması səsverməsindən cəmi bir neçə ay keçib və orda da kifayət qədər problemlər qeyd olunub. Bir neçə ay keçəndən sonra heç nə olmamış kimi yenidən namizəd olmaq icma ilə zarafat etməkdir. Ana səhifədəki məzmunun yenilənməsi üçün mütləq inzibatçı statusu vacib deyil, başqa texniki üsullarla etmək olar. "Hansısa bir münaqişəyə müdaxil olacağım təqdirdə könüllü istefa verəcəm" sözünüzə isə əminəm mən daxil olmaqla heç kim inanmır. Keçən səsvermədə də belə bir cümlə işlətmişdiniz amma axırı necə oldu hamımız gördük. Dəstəkləmirəm. Nemoralis (müzakirə) 12:14, 19 iyun 2024 (UTC)
8.  Əleyhinə: təəssüf ki, yox. Son səsvermədən cəmi 2 ay keçib. Düşünürəm ki, icmanın fikrini dəyişmək üçün heç olmasa 1-2 il gözləmək lazım idi.— Kosmik Ozan ^utora! 13:35, 19 iyun 2024 (UTC)
9.  Əleyhinə: istifadəçi bipolyardır, gah deyir Vikipediyadan küsmüşəm, qoyun fəaliyyət göstərim, gah da inzibatçı olmaq istəyir. Səs ovçuluğu sübut edilmişdi və ondan sonra mən təklif irəli sürəndə bloklamaq lazım idi. --► Hörmətlə: SolaVirum 13:38, 19 iyun 2024 (UTC)
10.  Əleyhinə: mənim yazmaq istədiyim çox şeyi yuxarıda dostlar yazıblar. Grenzsoldat 19:05, 19 iyun 2024 (UTC)
11.  Əleyhinə: — Xeyal ^(müzakirə) 16:11, 20 iyun 2024 (UTC)
12.  Əleyhinə: oxşar şərhlərlə həmfikrəm - Dr.Wiki54 (müzakirə) 20:00, 20 iyun 2024 (UTC)

Bitərəf

1.  Bitərəf: — Mən şəxsən bu mövzuda özümü bitərəf sayıram. İnzibatçı seçilərsə uğurlar. Seçilməsəndə heç də ruhdan düşmə. Vusalsuvarov1996 (müzakirə) 18:34, 20 iyun 2024 (UTC)

Şərhlər

Toghrul R, zəhmət olmasa qarşı səsinizin səbəbini deyə bilərsizmi ? Elə lehinə səs verib, səbəb yazmayan həmkarlardan da eyni şeyi rica edirəm.— Kholat Syakhl (müzakirə) 11:47, 19 iyun 2024 (UTC)

@Kholat Syakhl məncə, səbəblər aydındır. İcma qərarı ilə çıxarılmısınız, ondan əvvəlki çıxarılma isə inzibatçı alətlərindən düzgün istifadə etməmək olub. Qeyri-inzibatçı kimi dəyərli töhfələr verəcəyinizdən əminəm — Toghrul R (m) 11:49, 19 iyun 2024 (UTC)

@Turkmen sizcə özünü doğrultmaq üçün zaman aralığı nə qədər olmalıdır ? Kholat Syakhl (müzakirə) 11:53, 19 iyun 2024 (UTC)

@Toghrul R cavabınız üçün təşəkkür edirəm. Kholat Syakhl (müzakirə) 11:54, 19 iyun 2024 (UTC)

@Nemoralis hansı texniki üsuallarla etmək olar bunu ? Məsələn, Ana səhifədəki Xəbərlər bölməsinə bir istifadəçi necə müdaxilə edə bilər ? Kholat Syakhl (müzakirə) 12:17, 19 iyun 2024 (UTC)

Texniki imkanlar icazə versə, yeni istifadəçi qrupu yaratmaqla. Bu barədə KM-da müzakirə aparmaq olar. Hörmətlə, Gadir^müzakirə 12:22, 19 iyun 2024 (UTC)

@Gadir, inzibatçı olmaq istəyib, arzusuna çatmayanlar qoyarsız qrupun adını 😇 Kholat Syakhl (müzakirə) 12:24, 19 iyun 2024 (UTC)

@Nemoralis sualıma cavab vermədiniz. Kholat Syakhl (müzakirə) 21:48, 19 iyun 2024 (UTC)

@Eldarado, @White Demon, @Sortilegus zəhmət olmasa @Solavirumun yuxarıda haqqımda yazdığına baxın. Bioplar deyib, təhqir edib və nəzakət qaydalarını pozub. Ümüd edirəm ki, sadəcə diaqnoznuzu deyib, deməyəcəksiz. Kholat Syakhl (müzakirə) 21:54, 19 iyun 2024 (UTC)

Mən bu barədə ona xəbərdarlıq etmişəm. Hörmətlə, Gadir^müzakirə 22:02, 19 iyun 2024 (UTC)

Kholat Syakhl, əgər bipolyar deyilsənizsə, deməli icmanı dolayırsınız? Ya odur, ya bu. --► Hörmətlə: SolaVirum 22:22, 19 iyun 2024 (UTC)

@Solavirum siz sadəcə yuxarıda yazdığınız sözlərlə öz tərbiyənizi icmaya nümayiş etdirmiş olursuz. Çox təəssüf ki, bu sözlərinizə görə sizi bloklayacaq bir inzibatçı yoxdur ortada. İcmanı dolamamışam, sadəcə namizəd olmuşam, əgər razı deyilsinizə sadəcə olaraq qarşı səs verin, ağzınıza gələni danışmayın. Dərin hörmətlə: Kholat Syakhl (müzakirə) 23:24, 19 iyun 2024 (UTC)

@Kholat Syakhl, təəssüf ki, siz də nəzakət qaydalarını pozursunuz. Qayda pozuntusuna qayda pozuntusu ilə cavab vermək düzgün deyil. Münaqişə daha da böyüməsin deyə, daha əvvəldən yaşadıqları problemləri də nəzərə alaraq hər iki istifadəçiyə 3 aylıq qarşılıqlı əlaqə bloku tətbiq etdim. Hörmətlə, Gadir^müzakirə 00:02, 20 iyun 2024 (UTC)

@Gadir diqqətiniz üçün təşəkkür edirəm, ancaq hesab edirəm ki, qarşılıqlı əlaqə bloku indiki məqamda doğru qərar deyildi. Məsələn, iki istifadəçidən biri ünsiyyət zamanı digərinə sən bipolyarsan deyirsə bunu sübut etməlidir. Ortada müvafiq diaqnoz olmalıdır ən azından. Əgər bunun belə olmadığını bildiyi halda bənzətmə edirsə, artıq bu tərbiyəsizlikdir. Məsələn, sizə sual edirəm ki, mən nəzakət qaydasını hansı formada, hansı sözümlə pozmuşam ? Lütfən bunu izah edə bilərsinizmi. Kholat Syakhl (müzakirə) 00:24, 20 iyun 2024 (UTC)

Bloku ona görə tətbiq etdim ki, o yazır, siz yazırsınız, get-gedə mübahisə daha da pis yol alır, qızışır, bir-birinizə daha sərt ifadələr yazmağa davam edirsiniz. "...öz tərbiyənizi icmaya nümayiş etdirmiş olursuz.", "...ağzınıza gələni danışmayın." kimi ifadələr Vikipediyalıq deyil. Mən həll yolu kimi bu addımı atdım, digər istifadəçilərin başqa təklifi varsa, buyursunlar. Hörmətlə, Gadir^müzakirə 00:28, 20 iyun 2024 (UTC)

@Nemoralis mən yuxarıda bənd-bənd izah etmişəm ki, bu status mənə texniki işləri görmək üçün lazımdır. Güncəl, Ana səhifəyə müdaxilə edə bilmək imkanım olsa heç inzibatçı olmaq kimi bir iddiam da olmaz. Siz yuxarıdakı şərhinizdə qeyd etmisiz ki, Ana səhifənim yenilənməsi üçüm inzibatçı olmaq lazım deyil, bunu başqa texniki üsullarla da etmək olar. Hansı üsullardır onlar ? Kholat Syakhl (müzakirə) 00:41, 20 iyun 2024 (UTC)

Kholat Syakhl, sizin bu seçkiniz mənə 15-30 may 2019-cu il seçkinizi xatırlatdı. O vaxt Cekli və siz qarşılıqlı bloklamalara görə idarəçi (inzibatçı) statusundan məhrum olunmuşdunuz. Azviki üçün çox dəyərli işlər görən Cekli o gedən getdi, amma siz statusu itirəndən 2-3 gün sonra yenidən seçki təşəbbüsçüsü oldunuz, idarəçi seçildiniz, dalınca heç çox gözləmədən bürokrat seçkisi təşkil etdiniz, bürokrat da oldunuz. O vaxtkı idarəçi seçkinizə baxıram - 55 vikipediyaçı lehinizə səs verib, onların bəzilər bu seçkidə əleyhinizədir, bəziləri də səsvermədə niyə yoxdur, ehtimal edirəm. Mən o vaxtı da sizin seçkidə münasibət bildirmədim, çünki nəticə əvvəlcədən bəlli idi (nəyə görə bəlli idi, onu bilənlər bilir), indi də münasibət bildirmirəm, çünki nəticə əvvəlcədən bəllidir (nəyə görə bəllidir, yenə bununla bağlı susmağa üstünlük verirəm). Məncə, sizin daha uzun bir müddət neytral azviki redaktorlarının etimadını qazanmaq üçün statussuz fəaliyyət göstərmənizə ehtiyac var. Sizə sonrakı fəliyyətinizdə uğurlar arzulayıram.--Sortilegus (müzakirə) 18:31, 20 iyun 2024 (UTC)

Həmçinin bax

• İnzibatçılara müraciət
• İnzibatçıların iş bölgüsü
• İnzibatçıların və bürokratların seçilməsi qaydaları
• İnzibatçılığa namizədlik üçün təlimatlar
• Bürokratlar
• Arxiv

Xarici keçidlər

• İnzibatçıların əsas fəaliyyət statistikası