Mimi Karlsen, forseti grænlenska þingsins, heimsótti Alþingi í dag. Átti hún fund með Birgi Ármannssyni forseta Alþingis þar sem þau ræddu m.a. samstarf þjóðþinganna á vettvangi norræns og vestnorræns samstarfs.

Utanríkismálanefnd Alþingis fór í þriggja daga heimsókn til Tyrklands 29.–31. maí. Tyrkland er aðildarríki NATO og hefur sótt um aðild að Evrópusambandinu. Markmiðið heimsóknarinnar var að efla tvíhliða samskipti þinganna, ræða stjórnmálastöðuna í Tyrklandi og hlutverk Tyrklands á alþjóðavettvangi m.a. gagnvart yfirstandandi átökum í Úkraínu annars vegar og Miðausturlöndum hins vegar.

Birgir Ármannsson, forseti Alþingis, heimsótti breska þingið í dag í boði Lindsey Hoyle, forseta neðri málstofu. Á fundi þeirra bar hæst samskipti þjóðþinganna og það sem efst er á baugi í þingstörfum og stjórnmálum í löndunum. Þá átti forseti Alþingis fund með forseta lávarðadeildarinnar, John Francis McFall baróni af Alcluith.