Mjeśůnc
Mjeśůnc to je jydnostka czasu. S anfanga bůł zwjůnzany s cyklym mjeśůnczka, kerygo uokres synodyczny mo 29 a půł źymskij doby. Skiż tygo co roka ńy idźe potajlować gynał růwno na mjyśůnce synodyczne (uokres zwrytńyńćo śe Źymje naobkoło Klary ńy je podźelny bes reszty bez mjeśůnc synodyczny), nojprzůd wkludzano do kalyndorza dodatkowe dńi, ńy przipisane do żodnygo mjeśůnca. Ńyskorzi potajlowano rok na mjeśůnce we sposůb umowny, bes zwjůnzku s fazuma mjeśůnczka. Terozki momy jeich dwanoście a sům uůne roztůmajtyj dugośći:
- styczyń - 31 dńi
- luty - 28 dńi, a we lotach przestympnych 29
- marzec - 31 dńi
- kwjećyń - 30 dńi
- moj - 31 dńi
- czyrwjec - 30 dńi
- lipjec - 31 dńi
- śyrpjyń - 31 dńi
- wrześyń - 30 dńi
- paźdźerńik - 31 dńi
- listopad - 30 dńi
- grudźyń - 31 dńi
| Mjeśůnce | |||
| Styczyń • Luty • Marzec • Kwjećyń • Moj • Czyrwjec • Lipjec • Śyrpjyń • Wrześyń • Paźdźerńik • Listopad • Grudźyń | |||