Deutsch-Pennsylvanischer Arbeitskreis
Wie's g'schtaert hot
Sitter Moi 2003 gebt's in Deitschland en G'sellschaft mit Name "Deutsch-Pennsylvanischer Arbeitskreis e.V." (German-Pennsylvanian Association). Baut 50 Leit, wu geindresst sinn in was am aageh iss in die Deitscherei, kumme zweemol zamme im Yaahr: fer die Glieder Versammling und fer Event Deutsch-Pennsylvanischer Tag. Die anner Zeit schaffe sie zamme iwwer's weltweit Gewebb.
2003 bis 2010
2003: Schtaert vum DPAK-Neiigkeetebrief Deutsch-Pennsylvanisches Echo mit en latt Information iwwer was am aageh iss in Pennsylvanisch Deitschland. 2004: Schtaert vun die Pennsylvaanisch-Deitsche Gehle Bledder (Yellow Pages). 2006: Publication vun en neier "Pennsylvania German Reader" mit Title Mit Pennsylvaanisch-Deitsch darich's Yaahr. 2006: Sitter Harebscht 2006 gebt's alle Yaahr en Deutsch-Pennsylvanischer Tag im alte Land. Sell iss en Versammling, ass Blatz nemmt an unnerschiddliche Bletz. 2007: Sitter sell Yaahr helft der DPAK mit, 's deitsch Wikipeedelche ans geh gricke un besser mache. 2010: Fer's erscht Mol hot der DPAK alle Events un Versammlinge zamme grickt, ass Blatz nemme zwischich Hanning un Tschuun. Der Name vun sell Project iss En Friehyaahr fer die Mudderschprooch.
Sitter 2010
Die Glieder welle browiere, pennsylvaanisch-deitsche Blatznaame zammegricke. Sell sett helfe, um noht verleicht deel pennsylvaanisch-deitsche Schtroossezeeche uffzuhenke ariyets in Pennsylvaani.
Newich sellem welle sie indressante Bletz fer Pennsylvaanisch-Deitsche im alte Land finne - Bletz, ass mer bsuche sett, wammer im alte Land iss.
Board
- Uff'm Board sinn
- President: Dr. phil. Michael Werner (sitter 2003)
- Vice President: Frank Kessler (sitter 2003)
- Glied uff'm Board un Geldhewer: Prof. Dr. Heinz Helfrich (sitter 2006)
- Glied uff'm Board un der Kall fer die Public Relations: Dr. phil. Walter Sauer (sitter 2003)
- Glied uff'm Board un der Kall fer Contacts in die Deitscherei: Edward Quinter (sitter 2009)
- Nimmie uff'm Board sinn
- PD Dr. phil. habil. Helmut Schmahl (2003-2006)
- Prof. Dr. David Valuska (2003-2009)
Honorary Members
- Prof. C. Richard Beam (2004)
- Prof. Dr. Don Yoder (2009)
Was mer duh kann
Ferschur kammer mitschaffe fer alles am geh halte. Meh Information grickt mer uff'm Heemetblatt vum "DPAK" im weltweit Gewebb.