Siglo 14
- E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
| Parti di | di dos milenio  |
|---|---|
| Name | 14th-century, Trecento |
| Presedí pa | 13th century |
| Siguí pa | siglo 15 |
| Fecha | 14. century |
| Fecha inisial | 1301 |
| Fecha final | 1400 |
| Category for births in this time period | Category:14th-century births |
| Kategoria ligá | Category:14th century-related lists |
| Lista di tema | list of state leaders in the 14th century, list of shipwrecks in the 14th century, list of monarchs who lost their thrones in the 14th century, list of 14th-century religious leaders, Chronological list of saints and blesseds in the 14th century |
Siglo 14 (tambe siglo dieskuater òf siglo XIV) ta kuminsá dia promé di yanüari 1301 i ta kaba dia 31 di desèmber 1400. E ta e di kuater siglo di e dos milenio den kalènder gregoriano. E ta konosi komo e siglo di e pèst. Ta estimá ku e siglo aki a testiguá morto di mas ku 45 mion hende dor di desasternan polítiko i natural, tantu na Oropa komo na e Imperio Mongoles.[1][2] West Afrika a eksperensiá kresementu ekonómiko i prosperidat.
Oropa[editá | editá fuente]
Na Oropa, e 'Pèst Pretu' a tuma bida di 25 mion hende, eliminando un terser parti di e poblashon oropeo[3], mientras Reino di Inglatera i Reino di Fransia a bringa otro largu den e Guera di Shen Aña, despues ku e morto di rei Carlos IV di Fransia a kondusí na un reklamashon di e trono franses pa rei Edward III di Inglatera. E periodo aki ta ser konsiderá e altura di kavaleria i ta marka e kuminsamentu di identidatnan nashonal separá fuerte, tantu na Inglatera komo na Fransia i tambe e fundashon di e Renasementu italiano i e Imperio Otomano.
Asia[editá | editá fuente]
Na Asia, Tamerlane (Timur), a establesé e Imperio Timurid, e di tres imperio mas grandi den historia ku a yega di wòrdu establesé pa un solo konkistadó. Estudionan ta kalkulá ku e kampaña militarnan di Timur a kousa morto di 17 mion persona, ku ta representá alrededor di 5% di e poblashon mundial na e momento ey. Sinkrónikamente a surgi e Renasementu Timurida. Den e mundu árabe, e historiadó i sientífiko polítiko Ibn Khaldun i e eksploradó Ibn Battuta a duna un kontribushon signifikante. Na India, e sultanato di Bengal a separá for di e sultanato di Delhi, un nashon komersial importante mundialmente. E sultanato a ser deskribí dor di e oropeonan komo e pais mas riku pa hasi komèrsio kune.[4] E korte mongoles a wòrdu ekspulsá for di China i ta kai bèk riba Mongolia; e Ilkhanato a kai; e Chaghatayid a disolbé kibrando den dos i e teritorio 'Horda di Oro' a pèrdè su posishon komo un poder grandi den Oropa Oriental.
Afrika[editá | editá fuente]
Na Afrika, e imperio riku di Mali, un produktor enorme di oro, a alkansa, teritorial i ekonómikamente, su punto kulminante bou di e reinado di Musa I di Mali, e individuo mas riku den e tempu medieval, i kisas esun mas riku di tur tempu.[5][6]
Amérika[editá | editá fuente]
Na e kontinente merikano, e pueblo di Mexica a funda e siudat di Tenochtitlan, mientras e siudat di Cahokia, di origen Mississippi, a keda abandoná.
Mira tambe[editá | editá fuente]
Referensia
|