Nothoorn
| Wappen | Karte |
|---|---|
|
|
| Basisdaten | |
| Bundsland: | Nedersaksen |
| Landkreis: | Graofschup Beynthem |
| Håchte: | 22 m ü. Normalnull |
| Fläche: | 149,64 km² |
| Inwohner: | 53.084 (30. September 2005) |
| Bevolkingsdichte: | 355 Einwohner je km² |
| Postleitzahlen: | 48501-48531 (alte PLZ 4460) |
| Telefonvorwahl: | 0 59 21 |
| Kfz-Kennzeichen: | NOH |
| Amtlicher Gemeindeschlüssel: | 03 4 56 015 |
| Website: | www.nordhorn.de |
| Politik | |
| Bürgermeister: | Meinhard Hüsemann (SPD) |
Nothoorn (Nedersaksisch ok: Noordhorn, Duuts: Nordhorn) is de Kreisstadt van deyn Landkreises Gråfschup Beynthem in'n Südwesthook van Nedersaksen kott bie de hollaunsche Greynse.
Wår de Naam vandan koump
De Stad wöd in de Gråfschup Nothoorn of ok Notthöörntin nöömt. De Schrievwiese in Urkunden bint: Norhthornon 890 n.Chr., Northornon, Nodehorn, Northorne 1184 op Segels van 1400 bis 1827, dann Nordhorn.
'et geff 'ne Geschichte wo deyn Naam Nothoorn ontstån is un wårüm dät Wappen van Nothoorn een Hörn hev: In't Süden van Nothoorn lich de Stad un besünners de Borg in Bad Beynthem in de Gråfschup Beynthem. Dår hev de Gråfschup ok sinen Naam van. 'ät de Kriech was, un de Stad Nothoorn angreppen wööd, blåste man dår een Hörn, dät Nåt-Hörn, üm så de Meynschen te waarschüwn un Hölpe ut Beynthem te ropn. Weil Nothoorn ín't Noordn lich, maakte man dår mischin 'Nordhorn' van.
Ma 'n Hörn bruktn ok de Schippers up de Vechte. Bie Nevel kunen se sik met Hörne tegensietich kennbar maakn.
Eene weetnschaplike Variante van de Wappendeutung seg, dät dät Wort Hörn, 'ät Hook of Landmarke te vestån is. Een Noordhoorn was dann äs 'nen Hook in't Noordn (Stück Bauground de't Vechtedaal in steckt) uptevattn.[1]
Of de Beynthemer de Stad eren Naamn gevn hebbt, is wa' antetwiffeln. Besünners weil man Nothoorn van Beynthem nich es mål seen kan. Tüschn Beynthem un Nothoorn lich deyn Isterberg. Ok was de in dé tied noch heel wat meer Woud. Dät Beynthemsche Woud un dät Teutoborger Woud bis nå 'n Harz was dumåls een döörgånd Woud.
Ma de Overleevering vetellt wa' van't
- 'Vorhandensein eines Wachtturmes im Vechtetal, von dem aus die Bewohner in Kriegszeiten durch Feuer oder durch das Horn des Wächters vor den herannahenden Feinden gewarnt wurden. Diese Erklärung geht auf eine Urkunde aus dem Jahre 1341 zurück, in der der Name wirklich NODEHORNE (Nothorn) geschrieben wird, und die Stadt noch heutigen Tages ein Horn in ihrem Wappen führt.
- Der Name hat natürlich nichts mit einem Nothorn oder gar mit einem Gotte Nod zu tun. In dem Werdener Heberigister steht 890 Norhthornon und 1050 Northornon, in der Urkunde von 1184 Northorne. Auf den Stadtsiegeln erscheint zwischen 1400 und 1715 auch Northorne und erst von 1827 an Nordhorn.' [2]
Historie
De Stee wår vandääge Nothoorn lich, is seynt de Iestied bewoond. Dät bewiest archeologische Funde in Frensdörp, Bookhout, Oudendörp, Hesepe en Båkelde.
Seynt 12 v. Chr. bis 10 n. Chr. unnernömn de römischen Feydheern Drusus, Tiberius, Germanicus en Varus in't Geheel 13 Feydtöchte nå Binnengermanien (Germania Magna), dät Gebiet wår dú nog vreye Germanen levdn. Vanut dät Kastell bie Xanten wöödn disse Töchte unnernömn. Man meent, dät de Römer mischien langs de Vechte un over Saundpääde döört Venn gån bint. Disse Päties wöödn läter wichtige Handelsrouten, de unner anner Brüssel, Amsterdam, Bremen un Hamborg vebünen.
Tegn Eynde van de 4e Jårhunnert, dú de Völkerwanderung begün, kwamn de Saksn äit meer in't Westen. Se vedrevn de Tubanten wieter in't Westen nå Twente. Nådät Karl deyn Groten dät Gebiet van de Saksn veoverd had, kwaump de eerste Greynse tuschn de Stämme van de Frankn en de Saksn, de in de Greynse tüschn Hollaund un Dütschlaund overleevt hev.
't eerste Mål nöömd wööd Nothoorn 900, wår man't in een Register van dät Klooster Werden an de Ruhr tegn koump as Northhornon.
Üm 1180 koump Nothoorn unner de Regeering van de graven van Beynthem. Se boudn dú 'ne Borg op eene Insel in de Vecht, wår ok dät Dörpien Nothoorn lach. Bis 1912 wanen hiervan noch Reste over. Lääter wöödn dé an de Kaunte maakt üm Stee vöör de St. Augustinuskerke te maakn.
Negn Dääge nå Pfingsten in't Jår 1379 gaff Graaf Bernhard I. van Beynthem Nothoorn Stadrechte. Dät Dörpien an de Vechte was vöör de Graafn 'nen wichtig Handelsplatz wödn. Met't ökonomische Wellstaund kaump ok dät kulturelle Leven in disse Jårn up Höchte. De Augustiner stiftet 1394 dät Klooster Marienwolde in Frenswegen.
Bevölkerung
In Nothoorn leevt 53.093 Meynschn (up'n 31. Dezember 2005) up een Areal van 149,64 km², de Bevölkerungsdichte van de Stad is dan 355 Inwooner up een km².
28,14% van de Nothöörnschn bint evangelisch reformierte Christen, 21,05% Lutherschn, 29,19% Roomsch katholik un 21,64 Prozent Mitglieder van kinne of van eene anner Religionsgemeinschaft.
Einwohnerentwicklung
(Äit to'n 31. Dezember)
|
|
Politik
Stadraat
Na de Kommunalwahl van'n 9. September 2001 vedeelt sik de 43 Sitze in'n Raat van de Stad Nothoorn as folgt:
Dor bi kummt de Börgermeester, de ok Stimmrecht in'n Stadraat hett.
Städtepartnerschaften
- Coevern seint 1963
- Montivilliers (Fraunkriek) seint 1963
- Reichenbach in'n Vogtlaund (Dütschlaund) seint 1987
- Malbork (Polen) seint 1991
Rifferenties
- ↑ Heinrich Specht (1979), Nordhorn, Geschichte einer Grenzstadt, Das Bentheimer Land, Band 22, Nothoorn: Heimatverein der Grafschaft Bentheim e.V.
- ↑ Heinrich Specht (1979), Nordhorn, Geschichte einer Grenzstadt, Das Bentheimer Land, Band 22, Nothoorn: Heimatverein der Grafschaft Bentheim e.V.
|
Dissen Artikel is in gråfschupper Plätt schrevn, dät 'nen westfälischen Dealekt is. |