Денисова, Татьяна Яковлевна

Татьяна Яковлевна Денисова
Татьяна Денисова
Марий мурызо Татьяна Денисова. 2013 ий. П. Васильевын фотожо.
Шочын	1965 ий 10 сорла(1965-08-10) (58 ий)
Шочмо вер	Марий АССР, Морко кундем Масканур ял
Тыршымаш алан	мурызо
Йоча-влак	Иван
Чап пӧлек да премий	Марий Эл Республикысе тӱвыран сулло пашаеҥже (1998), Марий Эл Республикын сулло артистше (2003)
Медиафайлы на Викискладе

Марий мурызо Татьяна Денисова сценыште.
П. Васильевын фотожо.

Татьяна Денисова (1965 сорла 10, Марий АССР, Морко кундем, Масканур ял) — марий мурызо, Марий Эл Республикысе тӱвыран сулло пашаеҥже (1998), Марий Эл Республикын сулло артистше (2003).

Ӱмыргорно да усталык паша

Ялыште

Морко кундем Масканур ялеш шочын. Ачажат гармоньчо лийын, аважат мураш йӧратен. Школ деч вара 24-ше № Моркысо СПТУ-м тунем пытарымеке (1983), Моркышто штукатур-малярлан пашам ыштен. Училище пелен "Рвезылык" ансамбль лийын, Татьяна тушто солист семын мурен.

Йошкар-Олаште

1985 ийыште Йошкар-Олашке толеш да парикмахерлан ышташ тӱҥалеш. Тиде ийынак "Марий памаш" ансамльыште шуаралташ тӱҥалеш. Гармоньымат шокталта. 1993 ий гыч соло-концерт-влакым Марий Эл мучко гына огыл, Россий мучкат ончыкта. Россий кӱкшытысӧ да калык-влак кокласе муро конкурслаште дипломант лӱмым сулен. Марий эстрадыште ик эн йӧратыме мурызо-профессионал-влак коклаште. Марий Эл Республикысе тӱвыран сулло пашаеҥже (1998) да Марий Эл Республикын сулло артистше (2003) лӱмым сулен.

Еш

Эргыже Иван уло. Шорт-трек спортсмен улеш, Россий кӱкшытысӧ таҥасымашлаште шуаралтеш.

Марий Эл Радиошто йоҥгышо мурыжо-влак

Шкет мурымаш

Уремет воктене

• Ачай-авай
• Ах, шовырем
• Вучыдымо вашлиймаш
• Изи кайык
• Ит ончал
• Ит чамане
• Кум корно
• Ломбо
• Лӱҥгалтыш (RMX)
• Марий ӱдыр
• Марий Элем
• Молан
• Молан (ныжыл)
• Морко вел
• Муро пиалем
• Ондале мыйым
• Пеледыш пайрем
• Таҥем-таҥем
• Таҥем-таҥем (RMX)
• Тошкемыштем пеледын ломбо
• Тошто таҥ
• Тулла йӱлем
• Тулото
• Тый кӱлат
• Ужарге лай
• Чон мура
• Шапалга-шапалга
• Шарнымаш ломбо
• Шкет гармонь
• Шуанвондо
• Каенат
• Тыяк веле

Дуэт

• Йӧратымаш верч (Слава Сладков дене пырля)
• Таҥем-таҥем (RMX) (Олег Славин дене пырля)

Негыз

1. Мочаев В.А./Марий Биографий Энциклопедий - Йошкар-Ола, 2007. - 107 лашт.
2. Марий Эл Радио, Мурсем тӱняште передача.