Викиувер: Марий кугыжаныш университетыште Википедий шотышто семинар эртен

Таче, шыжа тылзын 30-шо кечынже, Марий кугыжаныш университетыште "Марий йылме электрон кумдыкышто" семинар эртен. Мероприятийыште тӱҥ шотышто Марий Википедий нерген мутланеныт: кузе у лаштыкым ышташ, кузе Марий Википедийыште улшо статьям тӧрлаташ, кузе Викиклатыш фото але видеом але вес медиа файлым пурташ.