Алмашлӱм

Алмашлӱм (алмашташ да лӱм мут-влакын ушымышт дене ышталтын), тыгак шоялӱм, шояк лӱм (рушла Псевдони́м) — палыме айдемын чын лӱм олмеш кучылтмо лӱмжӧ. Тӱҥ шотышто артист, сылнымут пашаеҥ-влак кучылтыт. Эрвелне (мутлан, китай да япон культурышто) ожно мер статусым вашталтымеке лӱмым вашталтеныт, католик тыныште да танле тыныште юмызо-влак саныш пурымеке лӱмым вашталтат, но юмызо-влакын черке лӱмыштым алмашлӱм манын огыт ойло.

Интернет шарлыме дене алмашлӱм-влакым кучылтмаш чот шарлен. Тӱнямбал эҥыремышвотышто шагал кӧ шке лӱм почеш шинча.