Armas

Un arma es cualce aparata cual pote es usada con la intende de causa dana o feri. Los es usada per aumenta la usosa de ativias como xasa, crimin, polisia, defende, e gera. En un contesto plu grande, armas pote es videda como inclui cualce cosa usada per gania un vantaje tatical, stratejial, material, o mental supra un oposor o ojeto de un enemi. An ce ojetos comun, como bastones, rocas, autos, o penetas pote es usada como armas, multe armas es desiniada per la intende, estendente de utiles simple como bastones, spadas, e axes, a cosas tan complicada como misiles balistica intercontinental, armas biolojial, e siberarmas. Alga cosa cual ia es reusada, cambiada, o bonida per deveni un arma de gera es nomida "armida", como un virus armida o un laser armida. Simil, un person, veculo, o nasion cual ia reseta armas es nomida "armada", e un colie grande de persones e cosas armada es, simple, un armada.