Komèt
Komèt punika benda angkasa ingkang mèmper asteroid, nanging mèh sadaya kadhapur saking gas (karbon dioksida, metana, hawa) lan lebu ingkang beku. Komèt ndarbèni orbit utawi lintasan ingkang bentukipun elips, langkung lonjong lan dawa tinimbang orbit planet. Komèt ingkang cerah mesthinipun narik kawigatosan tiyang kathah.
Ciri fisik
Nalika komèt nyelaki pérangan-lebet Tata Surya, radiasi saking srengéngé njalari lapisan ès paling njawi nguap. Arus lebu lan gas ingkang kaasilaken mbentuk setunggaling atmosfer ingkang ageng nanging tipis sanget ing saubengipun komèt, kasebat coma. Akibat tekanan radiasi srengéngé lan angin srengéngé ing coma punika, kadhapur buntut raksasa ingkang nebihi srengéngé.
Coma lan buntut komèt mbalikaken cahya srengéngé lan saged kapirsani saking bumi manawi komèt punika cekap celak. Buntut komèt bènten-bènten wujud lan ukuranipun. Sansaya celak komèt kasebat kaliyan srengéngé, sansaya dawa buntutipun. Wonten ugi komet ingkang boten ndarbéni buntut.
Ciri orbit
Komèt makaping-kaping ngubengi srengéngé, nanging peredaranipun mbetahaken wekdal ingkang lami. Komèt dipunbéntenaken miturut rentangan wekdal orbitipun. Rentangan wekdal cendhak punika kirang saking 200 taun lan rentangan wekdal ingkang rowa punika langkung saking 200 taun. Lumrahé, wujud orbit komèt punika elips.
Komèt misuwur
Wonten sapérangan komèt ingkang misuwur, umpaminipun:
- Komèt Halley, muncul 76 taun sepindhah.
- Komèt West
- Komèt Encke, muncul tigang taun sepindhah
- Komèt Hyakutake
- Komèt Hale-Bopp
Artikel iki minangka artikel rintisan. Kowé bisa ngéwangi Wikipédia ngembangaké. |