Bella Vista (Itapúa)
| Bella Vista Bella Vista | ||
|---|---|---|
| Tetã |  Paraguái
| |
| Tetãvore | Itapúa | |
| Távayguakuéra | 10.738 ava | |
| Ape távagui | km² | |
| ISO | ||
| Yvatekue | m | |
| Koordinasion | ||
Bella Vista ha’e peteî tetãvore’i opytáva tetãvore Itapúa, Paraguái-pe. Opyta táva Paraguaýgui 410 km rupi. Ñaguahê ko tetãvore’ípe peteî taperakamby osêva Ruta 4 Juan León Mallorquín rupi.
Ha’e colonia alemán rehegua, omohenda va’ekue karai Erdmann Fischer ha José Bohn ary 1918-pe. Ojekuaa abvei Bella Vista Alto Paraná-gua ramo.
Oiko kuri ichugui tetãvore’i upe ary 1959 ramo.
Hembiasakuke
Umi coloniakuéra alemana Hohenau, Obligado ha Bella Vista peteîchante oñepyrû ha imba’apokuéra rupi oñembohéra "Colonias Unidas (Itapúa)". Upe ymave guaremá ha’e Hohenau, opytáva 50 km noreste gotyo Encarnación gui, oñemoñepyrû va’ekue ary 1898 rupi, tetã sambyhykuéra ome’êrei ramo guarem 30.000 ha yvy oñemohenda hagua upe colonia peteîha, oñefunda va’ekue mokõ ary rire, upe ary 1900-pe.
Economía
Yvy neporãva jajuhu rupi ko’árupi, tapichakuéra omba’apo ñemitÿme ha avei vakakuéra ñemoñáme, ha upe oñeñotÿvéva ha’e ka’a ha avei tung. Mymbakuéra rehegua katu oñemoña vaka ha ovecha.
Ko tetãvore’ípe jajuhu heta industria-kuéra ha avei tenda oñemba’apohápe ita ñeguenohêpe. Río Paraná rembe’ýpe jajuhu ko’ã puerto-kuéra:
- Puerto Italia.
- Puerto Santa Clara
- Puerto Fordi’i
Población
Tapichakuéra Bella Vista-gua py’ÿinte oho tetã ambuekuérape, upeicha rupi ndahetái ko’ápe ojeiko. He’i upe Dirección General Estadistica, Encuestas y Censo, ary 1972-pe ko táva oguereko 10.467 tapicha oikovéva ipype, ary 1982-pe 13.249, ary 1992-pe 7.954 tapicha. Ko’ã ramo guarã 10.738 tapichánte ha hetamive kuimba’ekuéra. Hetave ojeiko okaháre.
Geografía
Opytáva tetãvoreItapúa-pe, Bella Vista rupi heta ñu kuéra jajuhu, tapichakuéra oipurúva ñemitÿ vakakuérare ñeñangarekorã.
Ko tetãvore’i Bella Vista korapy oguahê:
Norte gotyo Distrito de Obligado ha Distrito de Pirapó.
Sur gotyo opyta tetã Argentina, oñemboja’óva Río Paraná rupi.
Este gotyo opyta tetãvore’i Pirapó.
Oeste gotyo ojepyso tetãvore’i Obligado.
Comunicaciones
Ñaguahê ko tetãvore’ípe tape rakãmby osêva Ruta 6 Juan León Mallorquín-gui.
Tapekuéra oporogueraháva ko’árupi iporã porã, upeicha rupi coloniaháre kuéra heta tapicha oho ha oúva oguerahava hembipurukuéra jajuhu.
Heta mbayruguata porã ha tuicháva oporogueraháva opa hendárupi. Oî katu oporogueraháva Paraguay peve avei.
Bella Vista oguereko tape oguejyha avion-kuéra michî ha ndajuichaitéiva. Upéicha avei jajuhu telefonokuéra digital, radioemisora ha repetidora-kuéra canal TV rehegua.
Ykuéra rehegua
Ykuéra rehegua tuichavéva ha’e Río Paraná. Ombohykue Bella Vista rembe’y ipukukue javeve ko República de Argentina korapy ha oguereko heta ysyrykuéra osêva ichugui: Ko’ãva ysyrykuéra ho’a ko Paranáme: Mbororé ha Itá Caguaré, ha oîve.
Clima
Arahakukue Bella Vista-pe ha’e ko tetãvore Itapúa-peguáicha. 21 ºC rupínte ha ro’yha ára rupi oguejy -4 ºC peve. Ñañemo’aguîvévo jahávo río Paraná rembe’ýpe ro’yvéntema. Arahakúpe nda’ijyvatetéi arahaku, ohupyty hakuvérõ 38 ºC peve.
Amakuéra rehegua, peteî ary javeve oky 1.700 mm . Javykuéra oky’iveha ha’e jasypokõi ha jasypoapy; okyveha katu ha’e jasypa.
Demografía
Tapichakuéra oikovéva koápe 10.105. Ha ñamañáramo ko’ãvare, jajuhu 78% oñembohógava okaháre.
Omombe’úva mba’échapa ko’árupi ojeikove:
- Tapichakuéra ndoguerekóiva gueteri 15 ary, 38,2%.
- Mbovýpa kuñakuéra imemby, 2,8 mitã.
- Tapichakuéra nomoñe’êkuaáiva haipyre 11,0 %.
- Tapichakuéra omba’apóva sector primario-pe, 46,8 %.
- Tapichakuéra omba’apóva sector secundario-pe, 21,4%.
- Tapichakuéra omba’apóva sector terciario-pe, 30,4 %.
- Tapichakuéra omba’apóva kokuérupi, 46,4 %.
- Ogakuéra oguerekóva electricidad, 86,1%.
- Ogakuéra ojey’uhápe ypotî porã, 23,6%.
Turismo
Ko tetãvore’i Bella Vista tenda iporãva pirakuéra ñeguenohêrã, ha avei tendakuéra iporãra Camping-rã.
Oguereko avei yrembe’y porã río Paraná ári, upéicha avei oñeha’ã hagua umi deportekukéra yrupigua. Tendakuéra ojehohápe tembi’u tetã ambuegua je’urã jajuha restaurante "Papillón", opytáva távaBella Vista-pe, "km" 50 Ruta VI «Juan León Mallorquín»ari, ojejapo porãhápe tembi’u alemán.
Bibiografía
- Publicaciones del semanario “Tiempos del mundo”
- Geografía del Paraguay.
- Che Retá Paraguay.
- Datos del la DGEEC.