(Go: >> BACK << -|- >> HOME <<)
Lompat ke isi

Nani Wartabone

Lonto Wikipedia, ensiklopedia pereyi bahasa Hulontalo
Nani Wartabone
Potret Nani Wartabone
Pilotutu 30 April 1907
Bendera Walanta Suwawa, Hindia Belanda
Yilate 3 Januari 1986(1986-01-03) (umur 78)
Bendera Indonesia Suwawa, Indonesia
Tempat peristirahatan Desa Bube Baru, Suwawa [1]
Kebangsaan Indonesia
Popēhu Politisi
Tahun aktif 1923–1986
Penghargaan Pahlawan Nasional Indonesia
Monumen Nani Wartabone yang terletak di Kota Gorontalo

Nani Wartabone (pilotutu 30 Januari 1907 – yilate to Suwawa, Gorontalo, 3 Januari 1986 to umuru 78 lotawunu) yito tawu lo Hulontalo ta lo'otapu gara'i Pahlawan Nasional Indonesia to taawunu 2003. Perjuangan liyo tilumula lonto mopotihulo wawu ma lowali sekretaris Jong Gorontalo to Surabaya to taawunu 1923. Lapato limo taawunu, tiyo lowali Ketua Partai Nasional Indonesia (PNI) Cabang Gorontalo.

Proklamator lonto pobbutuwa[boli'a | boli'a bungo]

Nani Wartabone tala ngotaliyo lo pejuang revolusioner kemerdekaan Indonesia to Hulontalo. To masa lotutumuliyo, tiyo wayi-wayito to organisasi wawu berjuang molaawani kolonialisme to Hulontalo. Tiyo mulai berjuang, lopotihula wawu lowali sekretaris Jong Hulontalo to Surabaya taawunu 1923. Limo lo taawunu lapatiyo ma'o, tiyo lowali ta`uwa Partai Nasional to Hulonthalo.[2]

Nani wolo mongo taapulu pejuang kemerdekaan Hulontalo lopotihulo Komite 12 u loposiyapu proklamasi kemerdekaan Indonesia to Hulontalo 3 taawunu to`udipo proklamasi kemerdekaan Indonesia to Jakarta. Poristiwa proklamasi Hulontalo u pilobacaliyo lowali paduma wawu motivasi ode pejuang-pejuang nasional, wayitiyo te Soekarno wawu Muhammad Hatta tomimbihu mopolayi'o kemerdekan moto penjajah.

Proklamasi Hulontalo maa lo'olengge tilanggulo le Nani Wartabone, sambe tiyo maa lo'otapu gara'i Sang Proklamator lonto pobbutuwa.

Tutumulo[boli'a | boli'a bungo]

Nani wartabone wala'iyo le Zakaria Wartabone, pegawai taa hemokalaja ode totombulua Hindia Belanda. Tiiloliyo olo uyito-yito wali ningrat lonto ngngala'a lo Olongiya to Hulontalo.

Openu tiyamoliyo hemokalaja to Walanta, tiyo o bibilohu u hihihede to penjajah. Tiyo diila motipudu oto siko-sikola sababu modungohe olio guru-gurulio u berkebangsaan Walanta mayilaba mobobaha bangusa moto otolopa wawu hemohina ra'iyati.

Nani wartabone hiyambola porna membebaskan tahanan orangtuanya sababu diila sambe hilao momilohe ra`iati hukumaniolo.[3]

Awal Pergerakan Kemerdekaan[boli'a | boli'a bungo]

Ti Pak Nani Wartabone mulai aktif lo pojuangi Indonesia anggadu tiyo lo sikola to Surabaya. Ti Pak Nani lapatao lopotihulo organisasi Jong Gorontalo to Surabaya. To tawunu 1928, tiyo lo bale de Hulontalo wawu lo hutu perkumpulan tani (hulanga). Ti Pak Nani Wartabone olo lopotihulo cabang PNI wawu Partindo. Ti Pak Nani Wartabone olo aktif to Persyarikatan Muhammadiyah Gorontalo, Sulawesi.

Tokoh Muhammadiyah Sulawesi[boli'a | boli'a bungo]

To Persyarikatan Muhammadiyah Ti Pak Nani Wartabone aktif wawu mambo u menggerakan roda organisasi. To buku Biografi Nani Wartabone u silusuni lo FKIP Unsrat to Hulontalo (1985) lolele wanu anggadu tawunu 1930, Ti Pak Nani Wartabone woli Pak Imam A Nadjamuddin berinisiatif lopotihulo grup muhammadiyah Suwawa[4].

Maksudu li Pak Nani Wartabone lomaso de Muhammadiyah deuwito liyo mo dakwah alihu umat Islam mowali mopo amali ajaran Islam lo ti otutuwa wawu olo Ti Pak Nani hemo posadari tentang semangat perjuangan dan kebangsaan. Sababu uwito aktivitas dakwah liyo layita he imatowa lo kepolisian Belanda. Sambe mohelu po’ongolo he ancamuwa liyo u waupa liyo.[5]

Peristiwa 23 Januari 1942[boli'a | boli'a bungo]

Tolo tawunu to'u dipo proklamasi kemerdekaan Indonesia to 17 Agustus 1945, tiyo wawu ra'iyati u mulo-mulo lohutu proklamasi kemerdekaan lo Gorontalo, de uyito to tanggal 23 Januari 1942[6].

Lapatao tentara lo Sekutu olahe liyo lo Japangi to Popateya Asia-Pasifik, Hulontalo ma mulayi pobuwolo lo Walanta to tanggal 28 Desember 1941. Bohuliyo gudang lo bongo wawu yinulo to Pabean wawu Talumolo. Nani Wartabone wawu ra'iyati lo Gorontalo molawani. Timongoliyo modeupo pejabat lo Walanta u onggo luwo to Hulontalo. To tanggal 23 Januari 1942, ra'iyati lo Hulontalo hepunguliyolo kota Hulontalo. Komandan Detasemen Veld Politie WC Romer wawu ngololota heupaliyo to pasukan li Pak Nani Wartabone.

Zaman Pendudukan Jepang[boli'a | boli'a bungo]

Ngohula lapato "Proklamasi Kemerdekaan Nasional" to hulontalo, tentara lo japangi le dungga de hulontalo. To 26 Februari kapal perang lo japangi lo barangkat mayi monto Moladu le dungga to pelabuhan lo hulontalo. Tentara lo japangi silambutiya liyo lo umo piyo Li Pak Nani Wartabone sababu haharapu japangi momantu, bo ternyata japangi lopoluwalayi aturangi mongentelo mopo titae bandera merah putih wawu longahulo alihu Hulontalo tunduk ode japangi.

Ti Pak Nani Wartabone ja satuju lo hihile lo japangi boyito. Bo karna ja kawasa molawani japangi, tiyo patao lo lola kota hulontalo lobale ode kambungu liyo to suwawa.

To suwawa Ti Pak Nani Wartabone bo heo meengi. Rakyati u pipihaku oli Pak Nani Wartabone akhiri liyo melakukan mogok massal sambe hulontalo madelo kota mati. Japangi jaa sanangi akhiri liyo lo mitana oli Pak nani sambe tiyo wilaupo lo japangi to 30 Desember 1943 wawu dilelo liyo de Moladu wawu yiluliya liyo dema japangi kala lo lawani sekutu to perang duniau oluwo liyo to 6 Juni 1945.

Proklamasi Kemerdekaan Indonesia 17 Agustus 1945[boli'a | boli'a bungo]

Proklamasi Kemerdekaan u pilo baca li Pak Soekarno wawu Hatta lali tonggak sejarah yilo lo mardeka to Indonesia maso-maso olo hulontalo. U mopo kuwati pemerintahan nasional to Hulontalo Ti Pak Nani lo tiayo 500 bohulotawu lali pasukan keamanan wawu pertahanan, tingoliyo momodali sinapangi u yilahu lingoliyo monto tentara lo japangi.

Perjuangan Mempertahankan Kemerdekaan[boli'a | boli'a bungo]

Monumen Perjuangan Li Pak Nani Wartabone to Kota Gorontalo

Lapato Proklamasi Kemerdekaan Indonesia to 17 Agustus 1945, bangsa Indonesia to Hulontalo olo menghadapi upaya agresi militer Belanda u hila mobale mojaja nusantara. Perjuangan mopolanhangi kemerdekaan Indonesia botiye tantu musi mengalami pengorbanan, penangkapan wawu pengasingan wawu olo penyiksaan lo Walanda, maso-maso olo u ilalamiya mayi li Pak Nani Wartabone.


Penolakan terhadap Republik Indonesia Serikat[boli'a | boli'a bungo]

Ti Pak Nani Wartabone tala tuwawu tokoh monto Indonesia Timur u jamo huta bentukiya liyo pemerintahan Republik Indonesia Serikat (RIS).

To konsep Negara Republik Indonesia Serikat, Hulontalo milaso liyo ode Negara Bagian monto Negara Indonesia Timur.

Jaa pilo satujuwa li Pak Nani Wartabone lalandasi to keyakinan liyo wanu RIS botiye bo pemerintahan boneka u pilomake lo Belanda alihu Indonesia tetapu terpecah wawu gambangi kawasa lingoliyo ulangi.


Perlawanan terhadap PERMESTA[boli'a | boli'a bungo]

Kepemimpinan li PakNani Wartabone sebagai tokoh revolusioner Indonesia Timur terusik ulangi, to’u PRRI/PERMESTA lo hama kawasa to wilaya-wilaya to Sulawesi[7].

Dari kiri ke kanan di depan: Brigjen Dr. Moestopo, Brigjen Djatikusumo, Residen Nani Wartabone, Letjen A.H. Nasution, Mayor Noermathias, Brigjen Gatot Subroto. Sedangkan di belakang terlihat: Letkol Sukendro dan Letkol Rudi Pringadie

To Hulontalo, pengaruh le Letkol Ventje Sumual wawu taman-tamani liyo ma he orasawa. Ventje Sumual lo po proklamasi pemerintahan PRRI/PERMESTA to moladu to bulan Maret 1957.

Residen Sulawesi Utara di Gorontalo[boli'a | boli'a bungo]

Lapato PRRI/PERMESTA kala to Hulontalo, Ti Pak Nani Wartabone lali Pejabat penting to Sulawesi Utara. To saati boyito lali ibukota lo wilayah Sulawesi Utara, pipisawa wolo Moladu.

Ti Pak Nani Wartabone pata’o yilantikiya liyo lali Residen Sulawesi Utara to Hulontalo. Wawu olo Ti Pak Nani yilantikiya liyo lali anggota DPRGR lali utusan golongan tani.

Perlawanan terhadap Komunisme[boli'a | boli'a bungo]

To peristiwa lo G30S tawunu 1965, Ti Pak Nani Wartabone lali ta’uwa to dimuka lo lawani komunis to wilayah boyito.

Wafat[boli'a | boli'a bungo]

Ti Pak Nani Wartabone yilate to Jumat to tanggal 3 Januari 1986, to Suwawa, Hulontalo[8].

Testimoni Jenderal Besar A. H. Nasution[boli'a | boli'a bungo]

Jenderal Besar TNI AD Abdul Haris Nasution olo to bulan Maret tawunu 1986 sempat longohi testimoni khusus to’u ti Pak Nani Wartabone yilate, diantaraliyo:[9][10]

  • “Dengan pimpinan Nani Wartabone dan kawan-kawan menggeser kekuasaan Belanda dengan gilang gemilang, adalah hari yang pantas dicatat di dalam rangkaian ukiran sejarah perjuangan fisik, dan perlu kiranya diketahui oleh seluruh warga negara Indonesia, agar sesuatu yang berharga di tubuh Ibu Pertiwi ini tidak hilang ditelan waktu begitu saja.
  • "Perlu disadari bahwa di masa lampau dalam situasi dan kondisi waktu itu adalah langka untuk mencari seorang pimpinan yang berani, jujur dan cerdas seperti yang dilahirkan oleh bumi Gorontalo. Semangat 23 Januari 1942 adalah pencerminan watak manusia merdeka yang ikhlas mengorbankan segala-galanya demi untuk kemerdekaan”.

To halama wumbutiyo mota, Jenderal A. H. Nasution lo luladu kesan-kesan liyo deli Pak Nani Wartabone, deuwito liyo:

  • "Nani Wartabone adalah teladan pejuang yang konsisten. Tak banyak pejuang kita yang demikian, karena itu perjuangannya haruslah disejarahkan kepada generasi-generasi mendatang, karena konsistensi adalah prinsip ke 1 dalam ilmu strategi pejuang”.
  • “Saya tak menduga bahwa saya akan jadi teman seperjuangan dekat dengan tokoh historis ini, yakni di masa terjadinya pemberontakan PRRI/Permesta yang dibarengi intervensi tertutup Amerika Serikat tahun 1958-1961. ……… Maka kesekian kalinya tampillah pejuang patriot perwira Nani Wartabone dengan prakarsa yang amat saya hargai selaku KASAD/Penguasa Perang yang dewasa itu dapat tugas memulihkan keutuhan dan keamanan seluruh RI”.

Penghargaan[boli'a | boli'a bungo]

Letnan Jenderal Abdul Haris Nasution selaku KASAD pada saat itu memberikan penghargaan kepada Nani Wartabone

Daftar Rujukan Ilmiah[boli'a | boli'a bungo]

  1. Marunduh, S.U., 1988. Peristiwa Merah Putih 23 Januari 1942 di Daerah Gorontalo. Fakultas Sastra, Universitas Sam Ratulangi.
  2. Marali, A., 2009. Peranan pasukan rimba di Gorontalo dalam upaya mempertahankan negara kesatuan Republik Indonesia (Studi kasus peristiwa Permesta 1958) (Doctoral dissertation, Universitas Negeri Malang).
  3. Hercahyani, D., 2008. Sejarah pembentukan Gorontalo dari Kabupaten menjadi propinsi 1953-2000 (Doctoral dissertation, Universitas Indonesia. Fakultas Ilmu Pengetahuan Budaya).
  4. Kulap, M., 2017. Developing The Cultural Literacy of Local History of Gorontalo Students Through The Learning Materials “Nani Wartabone And January 23, 1942 Events in Gorontalo”.
  5. Kulap, M., Warto, M. and Joebagio, H., 2017. Nationalism of Nani Wartabone: Nation Character Building Foundation of Indonesia. International Journal of Multicultural and Multireligious Understanding, 4(3), pp. 12–21.
  6. Kimura, E., 2007. Marginality and opportunity in the periphery: The emergence of Gorontalo province in North Sulawesi. Indonesia, (84), pp. 71–95.
  7. Isla, M., 2019. Kajian Patung Monumen Perjuangan Nani Wartabone Melalui Latar Belakang Dan Visualisasinya (Doctoral dissertation, Universitas Komputer Indonesia).
  8. Al-Rasyid, H.H. and Saprillah, S., 2018. THE NATIONALITY MOVEMENT IN GORONTALO. Analisa: Journal of Social Science and Religion, 3(02), pp. 279–295.
  9. Damis, M., 2019. DAERAH GORONTALO DALAM PERUBAHAN POLITIK NASIONAL. HOLISTIK, Journal Of Social and Culture.
  10. Nuralia, L. and Imadudin, I., 2010. Kisah Perjuangan Pahlawan Indonesia. Ruang Kata.
  11. Junaedi, D., 2014. Pahlawan-pahlawan Indonesia Sepanjang Masa. IndonesiaTera.

Referensi[boli'a | boli'a bungo]

  1. ↑ markassemut.com: Monumen Nani Wartabone
  2. ↑ "tokohindonesia.com: Nani Wartabone". Diarsipkan dari versi asli tanggal 2013-05-13. Diakses tanggal 2016-01-31. 
  3. ↑ merdeka.com: Profil Nani Wartabone
  4. ↑ https://kumparan.com/amay-djibran/nani-wartabone-dan-persyarikatan-muhammadiyah-1zrhomOMphj/2
  5. ↑ "pahlawanindonesia.com: Biografi Pahlawan Nani Wartabone". Diarsipkan dari versi asli tanggal 2015-05-20. Diakses tanggal 2016-01-31. 
  6. ↑ https://news.detik.com/x/detail/intermeso/20230810/Hikayat-Proklamasi-Kemerdekaan-di-Gorontalo-pada-1942/
  7. ↑ https://www.kompas.com/stori/read/2021/06/22/160000779/nani-wartabone--peran-perjuangan-dan-permesta?page=all
  8. ↑ https://nasional.tempo.co/read/1545943/nani-wartabone-proklamator-dari-gorontalo-3-tahun-sebelum-17-agustus-1945
  9. ↑ "Gerakan Patriotik di Gorontalo". investor.id (dalam bahasa Indonesia). 2021-01-22. Diakses tanggal 2022-08-16. 
  10. ↑ Madjalah Angkatan Darat (1958) Penghargaan oleh A.H. Nasution kepada Nani Wartabone.

Pranala luar[boli'a | boli'a bungo]

Templat:Pahlawan Indonesia


Kategori:Tokoh dari Gorontalo 0425142436/http://www.geocities.com/kepulauan/northsulawesi/gorontal.htm Situs resmi Provinsi Gorontalo]

Yilotapu lonto "https://gor.wikipedia.org/w/index.php?title=Nani_Wartabone&oldid=56302"