Wikipedia:全靓文章
全靓文章，係赣话哇个赞，内容写的好的文章。
而今共有11个全靓文章。
人名[編寫源代碼]
人名，佢係拕用做区别个人嗰独立性、家族归属性，箇类有排他差异性质嗰一种特别语言。佢係一只人嗰个人符号标志，係只超越时空嗰文化现象。每只人名都係追述得正早以箇只人嗰先祖嗰历史符号。但係只只地方嗰风俗文化都不同，咁也就有滴子人名文化冇拕归入箇只人名体系。
1989年，联合国大会颁布儿童嗰权利嗰条约，里头嗰第7条第1项话“细伢子等出生嗰时间要直接登记佢嗰名字”、“细伢子，生下来就拥有有自家嗰名字嗰权利”（shall have the right from birth to a name）。
宋应星[編寫源代碼]
宋应星（1587年 - 1666年?），字长庚，南昌府奉新县北乡雅溪牌坊村人。佢係明朝好有名嗰科学家。
宋应星写嗰《天工开物》箇本17世纪嗰百科全书容得许时间大量嗰科学技术门类，里头就有火药武器箇滴子尖端武器、技术嗰介绍。佢到历史上舞出嗰巨大成就，𠵹佢有时间会拕人跟法国嗰科学家狄德罗比得一起，话宋应星係“中国嗰狄德罗”。
利玛窦嘚南昌嗰经历[編寫源代碼]
利玛窦住嘚南昌嗰经历係话意大利传教士、学者利玛窦到公元1595年6月-1598年6月嗰箇段时间里头住嘚南昌嗰经过历程。居昌嗰期间，佢通过兵部侍郎石星嗰好友王继楼医生，结识到许时间江西嗰社会名流，像建安王朱多㸅、乐安王朱多焿、江西巡抚陆万垓、南昌知府王佐、文学家李日华、理学家章潢箇滴子南昌嗰上流人物。佢也短得机会就刊发关于西方宗教知识嗰书册，末后佢都拕邀请到江西第一学府——白鹿洞书院进行讲学活动，做起中国嗰第三间教堂——“圣堂”。
古罗马嗰货币[編寫源代碼]
古罗马嗰货币係话由罗马共和国到罗马帝国嗰西半部份，即公元前4世纪-公元11世纪箇段时间里头建立嗰金属货币体制。佢拢共有金质嗰奥娄斯、银质嗰德拿留斯、青铜质嗰色斯特州斯同得都潘州斯、黄铜质嗰阿斯箇滴子货币。古罗马嗰货币到拕希腊影响嗰地区都係通行得正嗰，仲怕佢俚有自简嗰货币系统。
公元3世纪过后，德拿留斯拕安铎尼年努斯顶替，末后安铎尼年努斯自简也到货币改革里头拕银质嗰阿根透斯、青铜质嗰霍利斯顶替吥位置。箇之后，罗马帝国嗰主要货币都係金质嗰所利都斯同得别滴子青铜质地嗰细零毫子。
南昌贡院[編寫源代碼]
南昌贡院係江西古时间举行科举乡试嗰考场所在。到1905年科举制度拕废吥以前，全赣嗰秀才会三年一到嗰来南昌贡院参加比试，考中及第嗰就係“举人”，头名举人称“解元”。
江西人历来作兴读书，盛行业儒之风，因为江西自身地狭人稠，科举就有提供嘚一般人登科出仕嗰社会功用。《西园杂记》里头话南昌府“市井多儒雅之风”，吉安府“环吉水百里之疆多业儒”，广信府“下逮田野小民生理裁足，皆知以课子孙读书为事”，故係封建时代有“翰林多吉水，朝士半江西”嗰话法。
江西嗰民居[編寫源代碼]
江西嗰民居主要拕分做赣派建筑、徽派建筑、客家围屋三只主要嗰组成形式，也係江西嗰传统文化里头嗰重要内容。江西三面环山、北首临江嗰独特地理环境舞得江西嗰本地建筑有鲜明嗰自身特色，佢到居住嗰编制等级、建筑嗰大细规模、选址嗰风水观念也都形成自简嗰一套文化属性。
赣粤运河[編寫源代碼]
赣粤运河係条规划嘚嗰运河，佢计画搦长江同得珠江连合，北起九江嗰鄱阳湖口，走赣江，路过南昌、吉安、万安、赣州进桃江，卡过分水岭入广东，顺得浈水经过南雄、韶关，一径抵达广州嗰珠江出海口。
赣粤运河拢共有1237公里𠵹莽，江西境内会占得759公里，係总长嗰61%左右。
阿历山德·麦琨[編寫源代碼]
阿历山德·麦琨（英文：Alexander McQueen），1969年3月17号出世，2010年2月11号过身，係只英国嗰时装设计师。佢嗰设计风格异于常俗、手法独到新颖，故係有“Enfant terrible”（狼犺崽）嗰叫法。
阿历山德·麦琨先头担任过嗰五年Givenchy嗰首席设计师，末后创立自简拥有嗰高级订制品牌Alexander McQueen同得McQ。凭得佢嗰天才设计，Björk、Lady Gaga、Rihanna都係佢嗰客户群，更假四年拕选做嗰“英国年度设计师”（British Designer of the Year）。
冕服[編寫源代碼]
冕服係古时间代表得至高礼制嗰衣著体系，係皇帝嘚祭拜天地、宗庙、正旦、圣节等礼祀活动里头著嗰衣裳。完套嗰冕服主要含得冕冠、衣裳（上衣、中衣、下裳）、袴、袜、舄、腰带（革带、大带）、蔽膝、佩玉、绶、剑、圭等构件。冕服嗰“形制”依得佢俚嗰款式、色气、大细，拕分成不同等级，形成国家嗰正式典章制度，箇就係“以礼为服制”。
冕服係王公贵胄嗰专有服饰，不同等级嗰贵族又拕配以不共样嗰冕服，皇帝也揸得出席场合嗰不同穿著相配嗰冕服。冕服制度嗰奠定係华夏人中央集权社会嗰象征。各自利益集团形成差别等级、阶层，承认自简所属嗰价值地位。天子通过箇只等级秩序统治四方，佢嗰服饰搦佢同得别嗰社会人群区分开，係下底人不得僭越嗰规章。
To Autumn[編寫源代碼]
《To Autumn》（《至秋》）係英国浪漫主义诗人吉茨嗰一首诗。箇只作品嘚1819年9月19号写正，第年发表嘚吉茨嗰诗集里头。《To Autumn》係吉茨嗰“1819年 六大俄打”嗰最晏嗰诗作。箇首诗有三只诗节，每只诗节有一十一行韵文，描述季节嗰进程变化，由作物嗰晏熟到大收再到秋末冬来嗰许几日。诗作通过对秋天嗰拟人化、收获嗰丰产、视听嗰感官，表现出丰富嗰想像力。《To Autumn》拕评做英语最精彩杰出嗰短篇诗之一、英语抒情诗最常刊选嗰作品之一。
Notting Hill[編寫源代碼]
《Notting Hill》係1999年5月21号上映嗰一部英国浪漫喜剧电影，係嘚伦敦嗰罗町侯（Notting Hill）拍嗰。佢嗰剧编係Richard Curtis，制片係Duncan Kenworthy，导演係Roger Michell，主演係Hugh Grant、Julia Roberts、Rhys Ifans、Emma Chambers、Tim McInnerny、Gina McKee跟到Hugh Bonneville。
箇部电影得到蛮多嗰好评，係英国电影史上最卖座嗰发行影片。佢赢得英国影视艺术学院奖（BAFTA）、英国喜剧奖（British Comedy Awards）、英国音乐奖（Brit Awards）等等。