Halle (Saale)
Halle om suurliin Hummogu-S'aksamaal, Saksi-Anhalti liidomaal. 31. joulukuu pääväl 2022 elli liinan 242 083 inemist[1] ja tuuperäst om taa Saksi-Anhalti kõgõ suurõmb liin.
Liinan om Riiklinõ Küberagentuur, Saksa Luudusuurmiisi Akadeemiä Leopoldina - Riiklinõ Tiidüse Akadeemiä ja Riiklinõ Kultuuriasutus.
Üten Leipzigi liinaga tege Halle Leipzigi-Halle-Liinastu, kon eläs päält mill'oni inemise. Bitterfeldi ja Merseburgiga tege liin Kesk-Saksamaa Keemiäkolmnurga (Mitteldeutsches Chemiedreieck).
Hallet om edimäst kõrda nimmat 806. aastagal.[2] Teno Francke Asotusõlõ, mink August Hermann Francke 1698. aastagal lei, sai Hallest sotsiaal-humanistligu haridusõ keskus. Halle om üts vähätsit S'aksa liino, miä Tõsõn ilmasõan suurõlt är es häötedäq ja tuuperäst om tuu liinapilt esieräline.[3]
Hallõn om Martin-Lutheri ülikuul, miä om üts vanõmbit ülikuulõ S'aksamaal. Taa luudi 1502. aastagal.[4]
Lätteq[toimõndaq | toimõndaq lätteteksti]
- ↑ https://genesis.sachsen-anhalt.de/genesis//online?operation=table&code=12411-0001&bypass=true&levelindex=1&levelid=1687254019918#abreadcrumb
- ↑ Hans-Joachim Mrusek: Halle/Saale. Seemann, Leipzig, 2., verb. Aufl., 1964, S. 17.
- ↑ https://www.mz.de/halle-saale/als-halle-aufatmete-was-der-stadtarchivar-zum-weltkriegsende-vor-75-jahren-sagt-36579062
- ↑ https://www.uni-halle.de/