Vikipedio:Enhavo de Vikipedio povas elvoki ĉe vi proteston
Vikipedio starigis antaŭ si kuraĝan taskon dokumenti ĉiujn esencajn sciojn de la homaro, kaj tial ĝi enhavas centmilojn da artikoloj pri tre diversaj temoj. Relative malmultaj el tiuj temoj foje estas cenzurataj fare de aŭtoritatoj, edukejoj, dungantoj, gepatroj.
- Kelkaj artikoloj de Vikipedio priskribas vortojn aŭ esprimojn, konsideratajn de kelkaj legantoj kiel insultaj, maldecaj aŭ ofendaj.
- Vikipedio enhavas multajn bildojn, kelkaj el kiuj povas esti konsideritaj kiel maldecaj aŭ eĉ ofendaj. Ekzemple, kelkaj artikoloj povas enhavi bildojn, kiuj montras scenojn kun perforto aŭ homan anatomion.
- Multaj artikoloj malferme priparolas disputigajn temojn. Leĝoj de pluraj landoj preskribas punon pro publikigo aŭ eĉ rigardado de materialoj pri kelkaj temoj. Aliaj artikoloj enhavas informojn pri danĝera aŭ riska agado (vidu la atentigojn Vikipedio:Malgarantio kaj Vikipedio:Vi uzas Vikipedion je propra risko).
- Vikipedio enhavas intrigmalkaŝilojn.
- Vikipedio povas enhavi incitaĵojn, kiuj povas kaŭzi malboniĝon de sanstato de homoj kun posttraŭma stresa malordo (angle: Posttraumatic stress disorder).
- Endas noti, ke Vikipedio estas malfermita por kontribuoj de iu ajn, tial ajnatempe en Vikipedio povas aperi vandalaĵoj.
- En Vikipedio troveblas medicinaj, juraj kaj aliaj informoj, kiujn kutime provizas profesiuloj. Vikipedio ne anstataŭas konsilon de profesiuloj. Atentu: Vikipedio ne donas jurajn konsilojn (angle: Wikipedia:Legal disclaimer) kaj Vikipedio ne donas medicinajn konsilojn.
Nuntempe Vikipedio subtenas publikigon de ajnaj informoj, kondiĉe ke tiu publikigo ne malobservas la ekzistantan politikon de Vikipedio kaj la leĝojn de Usono, kie situas la serviloj de Vikipedio.
Ajnakaze Vikipedio senĉese evoluas, kaj multaj artikoloj povas enhavi erarojn, esti malneŭtralaj, enhavi lokismojn aŭ ripeti unu alian, aŭ simple bezonas plibonigon. Ni ĝojos, se la legantoj helpos nin venki tiujn problemojn. Absolute plej multaj artikoloj estas verkitaj precipe fare de personoj, kiuj ne estas ekspertoj pri koncerna temo kaj ne havas akademiajn aŭ profesiajn meritojn en tiu tereno.
Vikipedio povas enhavi neprecizajn informojn, kiuj ne estus inkluditaj al ordinaraj enciklopedioj. Sciterenoj brakumataj de Vikipedio ne estas homogenaj kaj dependas de preferoj de volontuloj kiuj verkas artikolojn (ekzemple, temoj, interesaj por teĥnike spertaj junuloj, povas ricevi plian atenton, kvankam ne nepre). Oni ne konkludu pri graveco de iu temo surbaze de ĝia ĉeesto en Vikipedio, kaj oni ne opiniu ke temo gravas nur ĉar ĝi estas traktita en Vikipedio.