འབུམ་སྡེ་གླིང་རི་དྭགས་ས་ཁོངས།
༉ འབྲུག་རྒྱལ་ཁབ་ཀྱི་ས་གནས་ བྱང་ཤར་ཁ་ཐུག་ལུ་ ས་གཞི་རྒྱ་ཚད་ ཀི་ལོ་མི་ཊར་གྲུ་བཞི་ ༡༥༢༠.༦༡ འབད་མི་ འབུམ་སྡེ་གླིང་རི་དྭགས་ས་ཁོངས་འདི་ རྒྱ་མཚོའི་མཐའ་མ་ལས་ མཐོ་ཚད་མི་ཊར་ ༡༥༠༠ ལས་ ༦༠༠༠ ཚུན་གྱི་ས་ཁར་ཆགས་ཏེ་ཡོད། ས་ཁོངས་འདི་གིས་ འབུམ་སྡེ་གླིང་རྒེད་འོག་རྩིས་པའི་བཀྲ་ཤིས་གཡང་རྩེ་རྫོང་ཁག་གི་ས་གནས་མང་ཤོས་ཅིག་ཁྱབ་སྟེ་ཡོདཔ་ཨིན། ས་ཁོངས་དེ་ སྤྱི་ལོ་ ༡༩༩༥ ལུ་འཅར་གཞི་བརྩམས་ཡོདཔ་ད་ སྤྱི་ལོ་ ༡༩༩༨ ལུ་གཞི་བཙུགས་འབད་ནུག། འདི་ནང་ སྔོ་ཤིང་དང་སྲོག་ཆགས་ཀྱི་རིགས་ལེ་ཤ་ཅིག་ཡོདཔ་ད་ མཚོ་དང་འབུམ་གླིང་གི་ལུང་གཤོང་ལ་སོགས་པའི་མཐོང་སྣང་མཇའ་ཆི་ཆི་སྦེ་མཐོན་ནི་ཡོདཔ་ཨིན། ས་ཁོངས་འདི་ནང་ ཆོས་དང་ལམ་སྲོལ་དང་འབྲེལ་བའི་་ས་གནས་མ་འདྲཝ་ལེ་ཤ་ཅི་ར་ཡོད། ས་ཁོངས་འདི་ འབྲུག་རྒྱལ་ཁབ་ནང་ ཆུ་ཆེན་སྦོམ་ཤོས་ཅིག་ཨིན་མི་ གྲངས་མེད་ཆུ་དང་མཁོ་ལོང་ཆུའི་འགྲམ་ལུ་ཆགས་ཏེ་ཡོདཔ་ད་ ས་ཁོངས་འདི་ གལ་གནད་ཅན་གྱི་བྱ་རིགས་ས་ཁོངས་སྦེ་ངོས་འཛིན་འབད་དེ་ཡོད།
ཁུངས་གཏུག།[ཞུན་དག།]
- Wikipedia contributors. (2021). Bumdeling Wildlife Sanctuary. In Wikipedia, The Free Encyclopedia. Retrieved from https://en.wikipedia.org/w/index.php?title=Bumdeling_Wildlife_Sanctuary&oldid=1012220049