སྨོན་ལམ་བླ་མ་ཆོས་རྒྱལ།

༄༅། །གྲུབ་ཆེན་གླིང་རས་ཀྱིས་མཛད་པའི་བླ་མ་ཆོས་ཀྱི་རྒྱལ་པོ་བཞུགས་སོ།།

༄༅། །བླ་མ་ཆོས་ཀྱི་རྒྱལ་པོ་རྗེ་རིན་པོ་ཆེས་ཐོག་མ་མཛད་པའི་བླ་མ་ཡང་དག་པ་ཡོངས་ཀྱི་དགེ་བའི་བཤེས་གཉེན། །ཆོས་མཛད་སྒྲུབ་པ་པོ་ཐམས་ཅད་སྐུ་ཁམས་བཟང་ཞིང་། །སྐུ་ཆེ་ཕྲིན་ལས་རྒྱ་ནམ་མཁའ་དང་མཉམ་པར་གྱུར་ཅིག། །བླ་མ་སངས་རྒྱས་སུ་འདུག་པ་མི་རུ་བཟུང་། །བརྒྱུད་པ་ཉེ་རིང་དུ་བགྲངས་པ་མཐོལ་ལོ་བཤགས། །ཐ་སྙད་བཏགས་པ་རུ་འདུག་པ་དོན་དུ་བཟུང་། །ཚིག་སྐྱོན་ང་རྒྱལ་དུ་རྩོད་པ༴ །བར་ཆད་རང་སེམས་སུ་འདུག་པ་འདྲེ་རུ་བཟུང་། །བསྲུང་བ་དྲག་སྔགས་སུ་བགྲངས་པ༴། །འཁོར་བ་མྱང་འདས་སུ་འདུག་པ་དངོས་པོར་བཟུང་། །སྡུག་བསྔལ་བཙོན་ར་རུ་བསྒོམས་པ༴། །རྣམ་རྟོག་ཡེ་ཤེས་སུ་འདུག་པ་སྐྱོན་དུ་བཟུང་། །སྤང་བྱ་དྲི་མར་བལྟས་པ༴། །ཆོས་སྐུ་རོ་གཅིག་ཏུ་འདུག་པ་སོ་སོར་བཟུང་། །ཆོས་ལ་ཕྱི་བཤོལ་བྱས་པ་མཐོལ་ལོ་བཤགས། །ཞེས་པ་གྲུབ་ཆེན་གླིང་གིས་མཛད་པའོ། །དུས་གསུམ་བདེ་གཤེགས་རྣམས་ཀྱི་སྤྱན་ལམ་དུ། །བཀའ་བཞིན་གཞུང་མ་སྐྱོང་བ་མཐོལ་ལོ་བཤགས། །རྗེ་བཙུན་བླ་མ་རྣམས་ཀྱི་སྤྱན་ལམ་དུ། །ཚོགས་གསོག་ཡོ་བྱད་ཆུང་བ༴ །ཡི་དམ་ལྷ་ཚོགས་རྣམས་ཀྱི་སྤྱན་ལམ་དུ། །མ་རྟོགས་སྤོང་ལེན་བྱས་པ༴། །དཔའ་བོ་མཁའ་འགྲོ་རྣམས་ཀྱི་སྤྱན་ལམ་དུ།། ཁས་བླངས་དམ་བཅའ་ཉམས་པ༴། །ཆོས་སྐྱོང་སྲུང་མ་རྣམས་ཀྱི་སྤྱན་ལམ་དུ། །གཏོར་མ་ལོ་ཟླར་འགྱངས་པ། མཆེད་དང་ལྕམ་དྲལ་རྣམས་ཀྱི་སྤྱན་ལམ་དུ། །དམ་ཚིག་བརྩེ་གདུང་ཆུང་བ༴། །དྲིན་ཅན་ཕ་མ་རྣམས་ཀྱི་སྤྱན་ལམ་དུ། །དྲིན་ལན་ལན་གྱིས་མ་བློན༴། །འགྲོ་དྲུག་སེམས་ཅན་རྣམས་ཀྱི་སྤྱན་ལམ་དུ། །ཐུགས་རྗེའི་དཔྱང་ཐག་ཆད་པ་མཐོལ་ལོ་བཤགས། _{།ཞེས་པ་འགྲོ་མགོན་ཞང་གིས་མཛད་པའོ།།}