སེང་གདོང་མའི་ཐལ་རྡེབ།
༄༅། །སེང་གདོང་མའི་ཐལ་རྡེབ་རྒྱུན་ཁྱེར་བཞུགས་སོ།།
༄༅། །སྐད་ཅིག་རང་ཉིད་མཁའ་འགྲོ་མ། །སེང་གེའི་གདོང་ཅན་སྐུར་གསལ་བའི། །ཐུགས་ཀའི་སྔགས་ཀྱི་འཕྲོ་འདུ་ཡིས། །གནོད་བྱེད་མ་ལུས་ཚར་བཅད་གྱུར།། ཨཿཀཿསཿམཿརཿཙཿཤཿདཿརཿསཿམཱཿརཿཡཿཕཊཿ ཅེས་ཅི་ནུས་བཟླས་མཐར། ན་མོ། རྩ་བརྒྱུད་བླ་མ་ཡི་དམ་ལྷ། །མཁའ་འགྲོ་བདུད་འདུལ་དྲག་མོ་ཡི། །བདེན་པ་ཆེན་པོའི་བྱིན་རླབས་ཀྱིས། །བདག་དང་རྒྱུ་འབྱོར་ཡོན་བདག་གི། །བྱད་ཁ་ཕུར་ཁ་རྦོད་གཏོང་སོགས། །མི་མཐུན་ཆག་ཆེ་ཉམ་ང་ཀུན། །སྡང་བར་བྱེད་པའི་དགྲ་ལ་བྷོ། །གནོད་པར་བྱེད་པའི་བགེགས་ལ་བྷོ། །བདུད་དགྲ་བྱད་མའི་སྟེང་དུ་བྷོ། །རྗེས་ཤུལ་མེད་པར་ཟློག་གྱུར་ཅིག །ཅེས་ཐལ་རྡེབ་བྱ། ཁྲོ་མོའི་རིག་སྔགས་ནུས་པའི་མཐུས། །བྱང་ཆུབ་སྒྲུབ་པའི་བར་ཆད་བདུད། །གནོད་བྱེད་མ་ལུས་ཚར་བཅད་ནས། །བསམ་དོན་ཡིད་བཞིན་འགྲུབ་པར་མཛོད།། །།