མགོན་པོའི་གསེར་སྐྱེམས།

༈ མགོན་པོའི་གསེར་སྐྱེམས་བཞུགས་སོ།།

༈ བླ་མ་ཡི་དམ་ཡེ་ཤེས་མཁའ་འགྲོ་མ། །ཁྲག་འཐུང་རྒྱལ་པོའི་རྣམ་ཐར་གསུམ་གྱི་ཡུམ། །བདེ་ཆེན་གཅིག་ཏུ་འཆར་བའི་ལྷ་ཚོགས་ལ། །གསེར་སྐྱེམས་འབུལ་ལོ་བཅོལ་བའི་འཕྲིན་ལས་མཛོད། །མཧཱ་ཀཱ་ལ་ལྕམ་དྲལ་ཐམས་ཅད་དང་། །རེ་ཏི་མཆེད་བཞི་སྒོ་མཚམས་ལྷ་མོ་བརྒྱད། །ཆོས་ཀྱི་དབྱིངས་ལས་འཆར་བའི་ཁྲག་འཐུང་ལ། །གསེར་སྐྱེམས༴ །འཇིགས་བྱེད་ཆེན་མོ་བརྒྱད་དང་ཉི་ཤུ་བཞི། །སྒོ་བཞིའི་ཞིང་སྐྱོང་མ་མོ་མཁའ་འགྲོའི་ཚོགས། །རྩ་རླུང་ཁམས་ལས་འཆར་བའི་ལྷ་ཚོགས་ལ། །གསེར་སྐྱེམས༴ བཀའ་སྡོད་སྡེ་བརྒྱད་ཕྱོགས་སྐྱོང་རྒྱལ་པོ་བཞི། །བཙུན་མོ་ནང་མི་གཉེན་དང་དམག་གི་ཚོགས། །འཇིག་རྟེན་ལས་ལས་གྲུབ་པའི་དྲེགས་པ་ལ། །གསེར་སྐྱེམས་འབུལ་ལོ་བཅོལ་བའི་འཕྲིན་ལས་མཛོད།། །།