ཕྱག་ཆེན་སྔོན་འགྲོའི་ངག་འདོན་བསྡུས་པ།

༄༅། །དཔལ་འབྲུག་པའི་ལུགས་ཀྱི་ཕྱག་ཆེན་སྔོན་འགྲོའི་ངག་འདོན་བསྡུས་པ་བཞུགས་སོ།།

༄༅། །བླ་མ་དམ་པའི་ཞབས་ལ་ཕྱག་འཚལ་ལོ། _{།འདིར་སྔོན་འགྲོའི་ངག་འདོན་ཉུང་བསྡུས་ཤིག་དགོད་པར་བྱ་སྟེ། དེ་ཡང་ཐོག་མར་བདེ་བའི་སྟན་ལ་ལུས་དྲང་པོར་བསྲངསཏེ་རླུང་རོ་ལན་གསུམ་བསལ། དེ་ནས་ངག་བྱིན་རླབས་ནི།} ཨོཾ་ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨོ། ཨཾ་ཨཿ ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵཿསྭཱཧཱ། ཨོཾ་ཡེ་དྷརྨཱ་ཧེ་ཏུ་པྲ་བྷ་བ་ཧེ་ཏུནྟེ་ཥཱནཏ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མཧཱ་ཤྲམ་ཎཿསྭཱཧཱ། _{ཞེས་ལན་གསུམ་བཟླ། དེ་ནས་སྔོན་འགྲོ་ལ། ཐུན་མོང་ཕྱིའི་སྔོན་འགྲོ་དང་ཐུན་མིན་ནང་གི་སྔོན་འགྲོ་གཉིས་ལས། དང་པོ་ཐུན་མོང་ཕྱིའི་སྔོན་འགྲོ་ལའང་བཞི་ལས། དང་པོ་དལ་འབྱོར་རྙེད་དཀའ་ནི།} དལ་འབྱོར་འདི་ནི་རྙེད་པ་ཤིན་ཏུ་དཀའ། །སྐྱེས་བུའི་དོན་གྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་སྒྲུབ་ན། །ཕྱིས་འདི་ཡང་དག་འབྱོར་པར་ག་ལ་འགྱུར། _{།གཉིས་པ་འཆི་བ་མི་རྟག་པ་ནི།} སྲིད་གསུམ་མི་རྟག་སྟོན་ཀའི་སྤྲིན་དང་འདྲ། །འགྲོ་བའི་སྐྱེ་འཆི་གར་ལ་བལྟ་དང་མཚུངས། །འགྲོ་བའི་ཚེ་འགྲོ་ནམ་མཁའི་གློག་འདྲ་སྟེ། །རི་གཟར་འབབ་ཆུ་ལྟ་བུར་མྱུར་མགྱོགས་འགྲོ། _{།གསུམ་པ་ལས་རྒྱུ་འབྲས་ནི།} དུས་ཀྱིས་བསྙེན་ནས་རང་ཉིད་འགྲོ་བའི་ཚེ། །ལོངས་སྤྱོད་མཛའ་དང་གཉེན་བཤེས་རྗེས་མི་འབྲང་། །སྐྱེས་བུ་དེ་ནི་གར་གནས་གར་འགྲོ་ཡང། །ལས་ནི་གྲིབ་མ་བཞིན་དུ་རྗེས་སུ་འབྲང་། _{།བཞི་པ་འཁོར་བའི་ཉེས་དམིགས་ནི།} སྲིད་གསུམ་རྒ་དང་ནད་ཀྱི་སྡུག་བསྔལ་འབར། །འདི་ན་འཆི་མེ་རབ་འབར་མགོན་མེད་དེ། །སྲིད་ལས་བྱུང་ལ་འགྲོ་བ་རྟག་ཏུ་རྨོངས། །བུམ་པར་ཆུད་པའི་བུང་བ་འཁོར་བ་བཞིན། _{།ཞེས་བརྗོད་ཅིང་བསྒོམ་པར་བྱའོ། གཉིས་པ་ཐུན་མིན་ནང་གི་སྔོན་འགྲོ་ལའང་ཞི་ལས། དང་པོ་རྒྱུད་ད་དུ་རུང་བར་བྱེད་པ་སྐྱབས་སེམས་ནི།} མདུན་མཁར་ལཾ་ལས་གསེར་གྱི་ས་གཞིའི་དཀྱིལ། །མཚོ་དབུས་དཔག་བསམ་ཡལ་ག་ལྔ་པའི་ལྟེར། །སེང་ཁྲི་པདྨ་ཉི་ཟླ་བརྩེགས་པའི་ཁར།། དྲི་ཅན་རྩ་བའི་བླ་མ་རྡོ་རྗེ་འཆང་། །རྒྱན་དང་ཆས་རྫོགས་འོད་ཀློང་བཞུགས་པའི་སྟེང་། །བརྒྱུད་པའི་བླ་མ་ཁྲོམ་ཚོགས་ཚུལ་དུ་གསལ། །མདུན་དུ་ཡི་དམ་གཡས་སུ་སངས་རྒྱས་དང་། །རྒྱབ་ཏུ་དམ་ཆོས་གཡོན་དུ་དགེ་འདུན་དང་། །མཐའ་སྐོར་དཔའ་བོ་མཁའ་འགྲོ་ཆོས་སྐྱོང་བཅས། །མཁའ་ལ་སྤྲིན་ཕུང་འཁྲིགས་ལྟར་བཞུགས་པར་གྱུར། _{།ཅེས་ཚོགས་ཞིང་གསལ་བཏབ།} མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་ཆོས་ཀྱི་སྐུ་ལ་སྐྱབས་སུ་མཆིའོ། །མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་ལོངས་སྤྱོད་རྫོགས་པའི་སྐུ་ལ་སྐྱབས་སུ་མཆིའོ། །མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་ཐུགས་རྗེ་སྤྲུལ་པའི་སྐུ་ལ་སྐྱབས་སུ་མཆིའོ། །མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་རིན་པོ་ཆེ་ལ་སྐྱབས་སུ་འཆིའོ། _{ཞེས་ཕྱག་བཅས་ཅི་ནུས་དང་།} སངས་རྒྱས་ཆོས་དང་དགེ་འདུན་དང་། །རྩ་བ་གསུམ་དང་གཉུག་སེམས་ལ།། དེང་ནས་བྱང་ཆུབ་སྙིང་པོའི་བར། །བདག་དང་འགྲོ་ཀུན་སྐྱབས་སུ་མཆི། _{ཞེས་སྐྱབས་འགྲོ་ལན་གསུམ།} ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་ལྟར། །སྨོན་འཇུག་བླ་མེད་བྱང་ཆུབ་སེམས། །དམ་པ་བདག་པའི་བདུད་རྩིས་བདག་གཞན་གྱི། །སྡིག་ལྟུང་སྦྱོང་བ་མཛད་དུ་གསོལ། །ཨོཾ་བཛྲ་གིས་བསྐྱེད་པར་བགྱི། །ཞེས་སེམས་བསྐྱེད་ལན་གསུམ། ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོའོ། _{།ཞེས་ཡན་ལག་བདུན་པ་བྱ།} ས་གཞི་སྤོས་ཆུས་བྱུགས་ཤིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །གུ་རུ་ཨི་དཾ་མཎྜལ་ལ་ཀཾ་ནིརྱ་ཏ་ཡཱ་མི། _{ཞེས་མཎྜལ་ཕུལ།} ཚོགས་ཞིང་རྣམས་རྩ་བའི་བླ་མ་ལ་བསྡུས། དེ་ཡང་འོད་དུ་ཞུ་ནས་རང་ལ་ཐིམ་པར་_{བསྒོམ་མོ། །གཉིས་པ་འགལ་རྐྱེན་སྡིག་སྒྲིབ་སྦྱོང་བར་བྱེད་པ་རྡོར་སེམས་བསྒོམ་བཟླས་ནི་} རང་ཉིད་ཐ་མལ་སྤྱི་བོ་རུ། །པད་དཀར་ཟླ་བའི་གདན་གྱི་སྟེང་། །ཧཱུྃ་ལས་རྡོ་རྗེ་རྩེ་ལྔ་པ། །ལྟེ་བར་ཧཱུྃ་གིས་མཚན་པ་ལས། །འོད་འཕྲོས་དོན་བྱས་སླར་འདུས་པ། །ཡོངས་གྱུར་ངོ་བོ་བླ་མ་ལ། །རྣམ་པ་རྡོར་སེམས་སྐུ་མདོག་དཀར། །ཞལ་གཅིག་ཕྱག་གཉིས་རྡོར་དྲིལ་བསྣམས། །སྙེམས་མ་གྲི་ཐོད་འཛིན་ལ་འཁྱུད། །གཉིས་ཀའང་དར་རིན་རུས་པས་བརྒྱན། །རྡོ་རྗེ་པདྨའི་སྐྱིལ་ཀྲུང་གིས། །བཞུགས་པའི་གནས་གསུམ་ཡིག་འབྲུས་མཚན། །ཐུགས་ཀའི་ཧཱུྃ་ལས་འོད་འཕྲོས་པས། །རྒྱལ་བ་སྲས་བཅས་རྡོར་སེམས་ཀྱི། །རྣམ་པར་སྤྱན་དྲངས་དབྱེར་མེད་གྱུར། །ཐུགས་ཀར་ཟླ་སྟེང་རྡོ་རྗེའི་ལྟེར། །ཧཱུཾ་མཐར་ཡིག་བརྒྱས་བསྐོར་སོགས་ལས། །བབས་པའི་བདུད་རྩིས་བདག་གཞན་གྱི། །སྡིག་ལྟུང་སྦྱོང་བ་མཛད་དུ་གསོལ། །ཨོཾ་བཛྲ་སཏཱ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ། ཌྀ་ཌྷོ་མེ་བྷ་བ། སུ་ཏོཥྱོ་མེ་བྷ་བ། སུ་པོཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ་ཙིཏྟཾ་ཤྲཱི་ཡ་ཀུ་རུ་ཧཱུཾ། ཧ་ཧ་ཧ་ཧ་ཧོཿབྷ་ག་ཝན་སརྦ་ཏ་ཐཱ་ག་ཏ་བཛྲ་མཱ་མེ་མུཉྩ། བཛྲ་བྷ་བ། མཧཱ་ས་མ་ཡ་སཏྭ་ཨཱཿ _{ཞེས་ཡི་གེ་བརྒྱ་པ་བརྒྱ་སྟོང་སོགས་ཅི་ནུས་བཟླས་མཐར།} མགོན་པོ་བདག་ནི་མི་ཤེས་རྨོངས་པ་ཡིས། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོ། །སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། ཅེས་གསོལ་བ་བཏབ་པས། རྡོ་རྗེ་སེམས་དཔའ་ཡབ་ཡུམ་འོད་དུ་ཞུ་ནས་རང་ལ་ཐིམ་པར་གྱུར་_{པར་བསམ་མོ། །གསུམ་པ་མཐུན་རྐྱེན་ཚོགས་རྫོགས་པར་བྱེད་པ་མཎྜལ་ནི།} མདུན་མཁར་དག་ཞིང་བཀོད་པས་མཛེས་པའི་དབུས། །རི་རབ་སྟེང་དུ་པདྨ་འདབ་བཞིའི་ལྟེར། །སེང་གེའི་ཁྲི་དང་པད་ཉི་ཟླ་གདན་ལ། །དཔལ་ལྡན་རྩ་བའི་བླ་མ་རྡོ་རྗེ་འཆང་། །ཡུམ་བཅས་ཡེ་ཤེས་འོད་ཀློང་བཞུགས་པའི་མཐར། །དུས་གསུམ་རིས་མེད་བླ་མའི་ཚོགས་ཀྱིས་བསྐོར། །མདུན་དུ་འཁོར་ལོ་སྡོམ་སོགས་ཡི་དམ་ལྷ། །གཡས་སུ་ཤཱཀ་ཐུབ་ལ་སོགས་སངས་རྒྱས་དང་། །རྒྱབ་ཏུ་ཡུམ་ཆེན་གསུང་རབ་གླེགས་བུས་བསྐོར། །གཡོན་དུ་སྤྱན་རས་གཟིགས་སོགས་དགེ་འདུན་དང་། །བར་མཚམས་དཔའ་བོ་མཁའ་འགྲོ་ཆོས་སྐྱོང་བཅས། །མཁའ་ལ་འཇའ་སྤྲིན་འཁྲིགས་ལྟར་བཞུགས་པར་གྱུར། _{།ཅེས་གསལ་བཏབ་ནས། ཡན་ལག་བདུན་ལས། དང་པོ་ཕྱག་འཚལ་བའི་ཡན་ལག་ནི།} རྒྱལ་བ་ཀུན་དངོས་བླ་མ་ལ། །ལུས་ངག་ཡིད་གསུམ་གུས་པའི་བློས།། སྤྲོ་བའི་སྙིམ་པ་དང་བཅས་པས། །རབ་ཏུ་བཏུད་དེ་གུས་ཕྱག་འཚལ། _{།ཞེས་ཕྱག་བྱ། མཆོད་པའི་མཎྜལ་ནི།} རི་རབ་གླིང་བཞི་གླིང་ཕྲན་ཉི་ཟླ་ལྕགས་རི་བཅས།།རིན་ཆེན་སྣ་བདུན་གཏེར་གྱི་བུམ་པས་ལེགས་བཀང་སྟེ། །བདག་ལུས་ལོངས་སྤྱོད་སྣང་སྲིད་བཅས་པ་ཀུན་འབུལ་ན། །ཐུགས་རྗེ་ཆེན་པོས་དགོངས་ཏེ་བཞེས་ནས་བསྐྱབ་ཏུ་གསོལ། །གུ་རུ་ཨི་དཾ་མཎྜལ་ལ་ཀཾ་ནིརྱ་ཏ་ཡཱ་མི། _{ཞེས་པས་ཕུལ། ཡན་ལག་ལྷག་མ་ནི།} དངོས་སུ་བཤམས་དང་ཡིད་ཀྱིས་སྤྲུལ། །ཕྱི་ནང་གསང་བ་བླ་མེད་པ། །མཆོད་སྤྲིན་རྒྱ་མཚོའི་ཚོགས་རྣམས་ཀུན། །རྣམ་པ་ཀུན་ཏུ་མཆོད་པར་འབུལ། །ཐོག་མེད་དུས་ནས་བསགས་པ་ཡི། །ཐུན་མོང་ཁྱད་པར་དང་འགལ་བའི། །མི་དགེ་བཅུ་སོགས་ཉེས་པའི་ཚོགས། །མ་ལུས་འགྱོད་པའི་སྒོ་ནས་བཤགས། །ནམ་མཁའི་མཐར་ཐུག་ཕྱོགས་ཀུན་ཏུ། །འགྲོ་ལ་ཕན་པར་མཛད་པ་ཡི། །དུས་གསུམ་རྒྱལ་བ་སྲས་བཅས་ལ། །དགའ་བའི་སེམས་ཀྱིས་རྗེས་ཡི་རང་། །སྣ་ཚོགས་ཚུལ་གྱིས་གདུལ་བྱ་ལ། །རང་རང་བསམ་པ་ཇི་ལྟ་བར། །ཟབ་པ་དང་ནི་རྒྱ་ཆེ་བའི། །ཐེག་ཆེན་ཆོས་འཁོར་བསྐོར་དུ་གསོལ། །སྐུ་གསུང་ཐུགས་ཀྱི་འཕྲིན་ལས་ཀྱི། །གསང་བ་བསམ་གྱིས་མི་ཁྱབ་པས། །ཇི་སྲིད་འཁོར་བ་དེ་སྲིད་དུ། །མྱ་ངན་མི་འདའ་བཞུགས་སུ་གསོལ། །བདག་གཞན་ཀུན་གྱིས་བསགས་པ་ཡི། །དུས་གསུམ་དགེ་བ་གཅིག་བསྡུས་ནས། །མར་གྱུར་འགྲོ་བ་མ་ལུས་པ། །བྱང་ཆུབ་སྙིང་པོ་ཐོབ་ཕྱིར་བསྔོ། _{།ཞེས་བརྗོད་ཅིང་བསྒོམ། དེ་ནས།} མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་ཆོས་ཀྱི་སྐུ་ལ་སྐྱབས་སུ་མཆིའོ།། མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་ལོངས་སྤྱོད་རྫོགས་པའི་སྐུ་ལ་སྐྱབས་སུ་མཆིའོ། །མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་ཐུགས་རྗེ་སྤྲུལ་པའི་སྐུ་ལ་སྐྱབས་སུ་མཆིའོ། _{ཞེས་པ་རྣམས་ཅི་རིགས་པ་དང་།} མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་རིན་པོ་ཆེ་ལ་སྐྱབས་སུ་འཆིའོ། _{།ཞེས་ངོ་བོ་ཉིད་སྐུའི་གསོལ་འདེབས་གང་མང་བྱས་ནས།} ཚོགས་ཞིང་རྣམས་གཡས་བསྐོར་གྱིས་བསྡུས་ཏེ་རྩ་བའི་བླ་མ་ལ་བསྟིམ། དེ་ཡང་འོད་དུ་ཞུ་ནས་རང་ལ་ཐིམ་པར་གྱུར། _{ཅེས་བརྗོད་ཅིང་བསྒོམ་མོ།། ་ ༈ བཞི་པ་བྱིན་རླབས་འཇུག་པར་བྱེད་པ་བླ་མའི་རྣལ་འབྱོར་ནི།} ཨོཾ་སྭབྷཱ་ཝ་ཤུདྡྷཿསརྦ་དྷཱརྨཱཿསྭབྷཱཝ་ཤུདྡྷོཉཧཾ། སྟོང་པའི་ངང་ལས་རང་ཉིད་རྣལ་འབྱོར་མ། །དམར་གསལ་ཞལ་གཅིག་ཕྱག་གཉིས་སྤྱན་གསུམ་པ། །གཅེར་མོ་སྐྲ་གྲོལ་ཐོད་པའི་ཅོད་པན་ཅན། །ཕྱག་གཡས་གྲི་གུག་གཡོན་པས་ཐོད་ཁྲག་འཛིན། སྐུ་ལ་རུས་པའི་ཕྱག་རྒྱ་ལྔ་ཡིས་བརྒྱན། །ཁ་ཊྭཾ་ག་བསྣམས་མི་མགོའི་དོ་ཤལ་འཕྱང་། །ཞབས་གཉིས་བརྐྱང་བསྐུམ་པད་ཉི་བམ་རོའི་སྟེང་། །ཡེ་ཤེས་མེ་དབུས་བཞུགས་པའི་སྤྱི་བོའི་ཐད། །སེང་ཁྲི་པདྨ་ཉི་ཟླའི་གདན་སྟེང་བུ། དྲིན་ཅན་རྩ་བའི་བླ་མ་རྡོ་རྗེ་འཆང་། །ཡབ་ཡུམ་རྒྱན་ཆས་མཛེས་པའི་དབུ་གཙུག་ན། །བརྒྱུད་བླ་ཐོ་བརྩེགས་ཚུལ་བཅས་བཞུགས་པར་གྱུར། _{།ཅེས་གསལ་བཏབ་ནས། ཕྱག་ཆེན་བརྒྱུད་པའི་གསོལ་འདེབས་ནི།} རྡོ་རྗེ་འཆང་ཆེན་ཏིལླི་ནཱ་རོ་དང་། མར་པ་མི་ལ་སྒམ་པོ་མཐའ་ཙ་པ། །སྣ་ཕུ་པ་དང་དཔལ་ལྡན་འབྲུག་པ་ལ།། གསོལ་བ་འདེབས་སོ་མཆོག་གི་དངོས་གྲུབ་སྩོལ། །སངས་རྒྱས་དབོན་དང་གཞོན་ནུ་སེང་གེ་དང་། །ཉི་མ་སེངགེ་རྡོ་རྗེ་གླིང་པའི་ཞབས། །སྤོས་སྐྱ་པ་དང་སེང་གེ་རྒྱལ་པོ་ལ། །གསོལ་བ་འདེབས་སོ་མཆོག་གི་དངོས་གྲུབ་སྩོལ།། ཀུན་དགའ་སེང་གེ་མཁན་ཆེན་རྡོ་རིན་པ། །བློ་གྲོས་སེང་གེ་མཁྱེན་བརྩེ་རྟོགས་ལྡན་ཞབས།།ཡེ་ཤེས་རིན་ཆེན་བློ་གྲོས་མཆོག་ལྡན་ལ། །གསོལ་བ་འདེབས་སོ་མཆོག་གི་དངོས་གྲུབ་སྩོལ། །ཤེས་རབ་བཟང་དང་ནམ་མཁའི་རྣལ་འབྱོར་པ། །རྒྱལ་དབང་རྗེ་དང་ངག་དབང་ཆོས་རྒྱལ་ཞབས། །ངག་གི་དབང་ཕྱུག་ཀུན་མཁྱེན་པད་དཀར་ལ། །གསོལ་བ་འདེབས་སོ་མཆོག་གི་དངོས་གྲུབ་སྩོལ། །མི་ཕམ་ཆོས་རྒྱལ་བསྟན་པའི་ཉི་མ་དང་། །ལྷ་དབང་བློ་གྲོས་ངག་དབང་རྣམ་རྒྱལ་ཞབས། །བསོད་ནམས་འོད་ཟེར ངག་དབང་རྒྱལ་མཚན་ལ། །གསོལ་བ་འདེབས་སོ་མཆོག་གི་དངོས་གྲུབ་སྩོལ། །ཤཱཀྱ་རིན་ཆེན་ཡོན་ཏན་མཐའ་ཡས་དང་། །འཇམ་དབྱངས་རྒྱལ་མཚན་པྲ་ཛྙཱ་དྷཱ་ཛའི་ཞབས། །ཤཱཀྱ་རྒྱལ་མཚན་འཇིགས་མེད་ཆོས་རྒྱལ་ལ། །གསོལ་བ་འདེབས་སོ་མཆོག་གི་དངོས་གྲུབ་སྩོལ། _{།ཅེས་རིང་བརྒྱུད་ཀྱི་གསོལ་འདེབས་དང་། ཉེ་བརྒྱུད་ལྟར་ན་ཀུན་མཁྱེན་པདྨ་དཀར་པོའི་རྗེས་སུ།} ཧེ་རུ་ཀ་དཔལ་ཤཱཀྱ་ཤྲཱི་དང་། །བསྟན་འཛིན་རྒྱ་མཚོ་བསོད་ནམས་བཟང་པོའི་ཞབས། །བཀའ་དྲིན་མཚུངས་མེད་རྩ་བའི་བླ་མ་ལ། གསོལ་བ་འདེབས་སོ་མཆོག་གི་དངོས་གྲུབ་སྩོལ། །བླ་མ་འོག་མ་འོག་མའི་གདུང་ཤུགས་ཀྱིས་གོང་མ་གོང་མ་རིམ་པ་བཞིན་འོད་དུ་ཞུ་ནས་རྩ་བའི་བླ་མ་ལ་ཐིམ་པར་གྱུར། _{ཅེས་བརྗོད་ཅིང་བསྒོམ། སྐབས་འདིར་སྤྲོ་ན། ཀུན་འདུས་ནོར་བུའི་ལུགས་ཀྱི་གསོལ་འདེབས་རྗེ་མ་ལུས་ཀུན་ཁྱབ་མ་སོགས་འདོན་པའམ། བསྡུ་ན།} མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་རིན་པོ་ཆེ་ལ་གསོལ་བ་འདེབས་སོ་ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐོབ་པར་བྱིན་གྱིས་བརླབ་ཏུ་གསོལ། _{།ཅེས་གསོལ་བ་ཅི་ནུས་སུ་བཏབ། དབང་བཞི་བླང་བ་ནི།} མཚན་རྣམས་ཡོངས་རྫོགས་བླ་མའི་སྐུ། །སྤྱི་བོར་ལུས་ཀྱི་ཐིག་ལེ་ལ། །ཞུགས་ནས་བུམ་དབང་དགའ་བའི་ཆུས། །སད་པའི་དྲི་མ་སྦྱང་དུ་གསོལ། །ལོངས་སྤྱོད་རྫོགས་པ་ཀུན་གྱི་སྐད། །མགྲིན་པར་ངག་གི་ཐིག་ལེ་ལ། །ཞུགསནས་གསང་དབང་མཆོག་དགའི་མེས། །རྨི་ལམ་བག་ཆགས་སྲེག་ཏུ་གསོལ།། དཔལ་ལྡན་བླ་མ་ཆོས་ཀྱི་སྐུ། །སྙིང་ཁར་སེམས་ཀྱི་ཐིག་ལེ་ལ། །ཞུགས་ནས་ཤེས་རབ་ཡེ་ཤེས་ཉིས། །གཉིད་འཐུག་མུན་པ་སེལ་དུ་གསོལ། །མགོན་པོ་ལྷན་ཅིག་སྐྱེས་པའི་སྐུ། །ལྟེ་བར་ཡེ་ཤེས་ཐིག་ལེ་ལ། །ཞུགས་ནས་བཞི་པའི་དབང་བསྐུར་བས། །འཕོ་མེད་ཐོབ་པར་བྱིན་གྱིས་རློབས། །དེ་ལྟར་བདག་དང་འགྲོ་རྣམསཀྱི། །ལུས་ངག་ཡིད་དང་ཡེ་ཤེས་ཚོགས། །རྡོ་རྗེ་བཞི་དང་མཉམ་སྦྱོར་བས། །སྐུ་བཞིའི་དབང་ཕྱུག་ཐོབ་པར་ཤོག །མཐར་བླ་མ་གདན་ཁྲི་དང་བཅས་པ་འོད་དུ་ཞུ་ནས་རང་ལ་ཐིམ་པར་གྱུར། _{།ཅེས་བརྗོད་ཅིང་བླ་མའི་སྐུ་གསུང་ཐུགས་དང་རང་གི་ལུས་ངག་ཡིད་གསུམ་དབྱེར་མེད་པ་བདེ་སྟོང་ལྷན་ཅིག་སྐྱེས་པའི་ངང་བསྐྱངས་ལ་མཉམ་པ་བཞག་གོ །དེ་ནས་བསྔོ་སྨོན་ཤིས་བརྗོད་ནི།} དགེ་བ་འདི་ཡིས་མྱུར་དུ་བདག། དཔལ་ལྡན་བླ་མ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །དཔལ་ལྡན་བླ་མའི་རྣམ་པར་ཐར་པ་ལ། །སྐད་ཅིག་ཙམ་ཡང་ལོག་ལྟ་མི་སྐྱེ་ཞིང་། །ཅི་མཛད་ལེགས་པར་མཐོང་བའི་མོས་གུས་ཀྱིས། །བླ་མའི་བྱིན་རླབས་སྙིང་ལ་འཇུག་པར་ཤོག །སྐྱེ་བ་ཀུན་ཏུ་ཡང་དག་བླ་མ་དང་། །འབྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང་། །ས་དང་ལམ་གྱི་ཡོན་ཏན་རབ་རྫོགས་ཏེ། །རྡོ་རྗེ་འཆང་གི་གོ་འཕང་མྱུར་ཐོབ་ཤོག། །ཕྱོགས་དུས་རྒྱལ་བ་སྲས་བཅས་ཐམས་ཅད་དང་། །ཁྱད་པར་དཔལ་ལྡན་འབྲུག་པ་ཡབ་སྲས་ཀྱིས། །བསྟན་འགྲོའི་དོན་དུ་སྨོན་ལམ་གང་བཏབ་པ། །དེ་རྣམས་ཐམས་ཅད་བདག་གིས་འགྲུབ་ནུས་ཤོག །དཀར་བརྒྱུད་བླ་མ་རྣམས་ཀྱི་བཀྲ་ཤིས་ཤོག། །ཡི་དམ་ལྷ་ཚོགས་རྣམས་ཀྱི༴། །དཔའ་བོ་མཁའ་འགྲོ་རྣམས་ཀྱི༴ །ཆོས་སྐྱོང་སྲུང་མ་རྣམས་ཀྱི༴ །མི་འགྱུར་ལྷུན་པོ་སྐུ་ཡི༴། ཡན་ལག་དྲུག་ཅུ་གསུང་གི༴ །མཐའ་བྲལ་འཁྲུལ་མེད་ཐུགས་ཀྱི༴། །རྒྱལ་བའི་སྐུ་གསུང་ཐུགས་ཀྱི་བཀྲ་ཤིས་ཤོག །སྟོན་པ་འཇིག་རྟེན་ཁམས་སུ་བྱོན་པ་དང་། །བསྟན་པ་ཉི་འོད་བཞིན་དུ་གསལ་བ་དང་། །བསྟན་འཛིན་དཔོན་སློབ་ཤིན་ཏུ་མཐུན་པ་ཡིས། །བསྟན་པ་ཡུན་རིང་གནས་པའི་བཀྲཤིས་ཤོག། _{ཅེས་པ་འདིའང་དཔལ་ལྡན་འབྲུག་པའི་བསྟན་པ་ལ་ཡིད་ཆེས་ཀྱི་དད་པ་ཅན་དྲག་ཤོས་སངས་རྒྱས་དབང་ཕྱུག་སོགས་དོན་གཉེར་ཅན་མང་པོས་བསྐུལ་བའི་ངོར། ཤཱཀྱའི་དགེ་སློང་ཡོན་ཏན་འོད་ཀྱིས་གཞུང་དོན་བསྡུསཏེ་བཀོད་པ་དགེ་ལེགས་སུ་གྱུར་ཅིག།}