Буюк френк инкъилябы
Буюк Френк Инкъилябы (френкче Révolution française [ʁevɔlysjɔ̃ fʁɑ̃sɛːz]) — XVIII асырдагъы Френкистаннынъ ичтимаий ве сиясий системасы дучар олгъан энъ кучьлю денъишювлер. Денъишювлер нетиджесинде Френкистанда феодаль «Эски низам» (Ancien Régime) битирильген, ве о монархиядан азат ве мусавий акълы ватандашлар джумхуриетине чевирильди. Инкъиляпнынъ ресмий шиары — «Сербестлик, мусавийлик, агъа-къардашлыкъ» (Liberté, Égalité, Fraternité) эди.
Инкъиляп 1789 сенеси къуралайында Эски Низамнынъ девирмесинен ве онынъ ерине эсас къанунлы мутлакъиетни тесбитинен башланды. 1792 сенеси джевиз айында мутлакъиет ерине Биринджи Френк Джумхуриети кельди ве 1793 сенеси къара къыш айында къырал XVI Луи идам этильген эди. Бойледже 1799 сенеси бош айында Наполеон биринджи консул оларакъ сайлангъанынен башлангъан сиясий себатсызлыкънынъ девири башланды. Бу тарихны инкъиляп сонъу оларакъ къабул этелер.
Френк инкъилябы, френк тарихындаки энъ эмиетли вакъиалардан биридир ве френк джемиетинде буюк денъишмелернинъ себеби олгъан. Мутлакъиет ве асылзаделер девринден демократия деврине ве эалининъ девлет аятында умумий иштирак этмесине кечюв деври оларакъ гъарбий демократия тарихындаки баш чевирюв нокътасы оларакъ къабул этиле.