Gabbianu corsu
| |||||
|---|---|---|---|---|---|
| |||||
| Larus audouinii | |||||
| Classificazione scentifica | |||||
| Regnu | Animalia | ||||
| Divisione | Chordata | ||||
| Classa | Aves | ||||
| Ordine | Charadriiformes | ||||
| Famiglia | Laridae | ||||
| Generu | Larus | ||||
| Nome binuminale | |||||
| Larus audouinii Payraudeau, 1826 | |||||
| |||||
L' Acula marina corsa (Larus audouinii) hè un acellu chì face parte di a famiglia di i Laridae. A scuperta scentifica di l'acula marina corsa hè stata fatta per a prima volta in Corsica, in 1826, in u golfu di Vintilegne è in l'isulotti Bruzzi, da Charles Payraudeau. U nome latinu Larus audouinii hè statu datu in l'onore di u naturalistu francese Jean Victoire Audouin. L'acula marina corsa hè un acellu marinu, chì ùn friquenta ch'è u litturale è l'isulotti. À i ghjorni d'oghje, a populazione mundiale hè stimata à circa 20 000 coppii, tutti situati in l'areale di u Mare Terraniu. A populazione più impurtante si trova in Spagna, in u delta di l'Ebru. In la rigione di Catalogna, ci hè circa 16000 coppii. In u sessanta invece, a populazione mundiale tutale era stimata à 2000 coppii, è 'ssa spezia era tandu in traccia di sparisce.
L'acula marina corsa hè longa 45-55 cm. A so apertura alare hè 115-145 cm. Pesa da 600 à 800 grammi. A cuvata di l'acula marina corsa hè di dui o trè ovi, d'aprile o di maghju. I piulaconi sò allevati dopu durente 5 simane.
L'acula marina corsa pò essa cunfusa incù l'acula marina cumuna. Ma ci sò e differenze trà e dui spezie: l'acula marina corsa hè bizzichirossa, invece l'acula marina cumuna hè bizzichigialla. L'acula marina corsa hè dinù più chjuca è e so ale sò più strette ch'è quelle di l'acula marina cumuna. Infine, e patte di l'acula marina corsa sò grisge-verde, quand'elle sò gialle ind'è l'acula marina cumuna.
L'acula marina corsa manghja picculi pesci. Accade ancu ch'ella catturessi insetti maiori. Ma ùn friquenta micca i rumenzulaghji, cum'ella face l'acula marina cumuna.
Prutezzione
L'acula marina hè un acellu schersissimu è minacciatu di sparizione, ancu s'è a populazione mundiale tutale hà crisciutu un pocu 'ssi ultimi anni. Hè scritta annantu à a Lista Rossa di e spezie minacciate di l'IUCN. Hè prutetta da:
- a Cunvenzione di Berna : annessu II
- a Cunvinzione di Bonn : Annessu I
- a Cunvinzione di Barcilona: Annessu II du u protocollu
In Corsica
L'acula marina corsa hè prisente in Corsica. Hè ancu chjamata gabbianu corsu. Si stima ch'ellu ci hè un centu di coppii in Corsica. 'Sse populazione sò in Aiacciu in Asprettu, annantu à parechji isulotti cum'è Finuchjarola, a Giraglia è Capense, i Lavezzi è e Cerbicale. A culonia d'acule marine corse di u Capicorsu hè rimarchevule, è per via di quessa, l'isulotti Finuchjarola anu ottinutu u statutu di Riserva naturale. Difatti, l'acula marina corsa hè diventata une di i simbuli di u Capicorsu.
E minacce per a populazione di l'isula d'acula marina corsa venenu in particulare di l'accriscimentu recente di a populazione d'acule marine cumune. Difatti, l'acula marina corsa soffre di 'ssa abundenza d'acule marine cumune, perchè li pò manghjà i so ovi o i so piulaconi, ma li pì dinù catturà e so prede. Un' antra minaccia per l'acula marina corsa, vene da a ghjente chì sbarcanu annantu à i siti ind'ella hè arrighjunata, ancu quand'ellu hè difesu. Chì hè impurtante chì 'ssi acelli ùn fussini micca diranghjati, perchè accade chì tandu, l'adulti fughjenu da u nidu, lascendu i so piulaconi soli, chì ponu tandu esse catturati da i so predatori.
Da vede dinù
- l' acula
- l' acula marina
- l'avifauna di Corsica
Referenze
- Thibault, Jean-Claude, Acelli di Corsica - Les oiseaux de Corse, 1983, PRNC (in francese)
- L'acula marina corsa