Degemer
Deuet mat oc'h war Wikipedia, holloueziadur digor, digoust, frank a wirioù, liesyezhek hag a c'hall bezañ gwellaet gant an holl
A bep seurt
|
Doare ar 25 a viz Mezheven 2024 ha Keleier ar vro.
Pennad ar miz : Morlaer A-wechoù ez aent ken pell hag aodoù Breizh-Veur zoken. War-lerc’h ma oa bet peurskarzhet ar vuzulmiz eus Spagn, e 1492, e oant aet d’en em staliañ en arvor ar Maghrib ha da ziazezañ eno stadoù bihan, emren diouzh an Impalaeriezh otoman. Er Mor Karib, er XVIvet kantved hag er XVIIvet kantved e voe stank ar vorlaeron ivez : flibisterien a reer eus ar re a a lakae en arigrap listri hag aodoù an trevadennoù spagnol. Daoust d’ar pezh a gonter er filmoù ne oa ket kalz a vorlaeron o tont da vezañ gwall binvidik. Ur vuhez rust ha dañjerus e oa o hini. Alies e veze dilennet o renerien gant ar bandennadoù morlaeron, a zibabe da vestr unan anezho en doa muioc’h a ampartiz pe a skiant-prenet. Rannet e veze ar preizhadennoù hervez doareoù resis ha pep hini en deveze ul lodenn. A-douez ar vorlaeron eo bet brudet anvioù ar Saozon Jack Rackham ha Samuel Bellamy, ar Vreizhadez Jeanne de Belleville ha meur a hini all c’hoazh. Un danvez awen eo bet ar vorlaeron evit ar skrivagnerien romantoù troioù-kaer. E dibenn an XIXvet kantved e voe klasket lakaat fin d’ar morbreizherezh gant ar stadoù bras a reas emglev etrezo evit se. Hogen morlaeron zo c’hoazh hiziv an deiz, e Meurvor Indez, dirak aodoù Somalia da skouer, pe c’hoazh e Mor Su Sina. Evit kenderc'hel da lenn : Morlaer
| |