Zakiah Daradjat

Prof. Dr. Hj. Zakiah Daradjat (6 Nupimbir 1929 – 15 Januari 2013 ) adalah ahli psikulugi Islam Indunisia. Sidin bagawi di Departeman Agama Indonesia lawasnya hudah 30 tahun matan 1964. Sidin mahabisakan sisa umurnya jadi guru besar ilmu psikulugi di Universitas Islam Negeri (UIN) Syarif Hidayatullah Jakarta.

Imbah manuntungakan pandidikan doktor di Mesir wayah 1964, Zakiah mambagi waktu bagawi lawan mambuka praktik kunsultasi psikulugi. Sidin suah diparacaya manjadi Direktur Pendidikan Agama wan Direktur Pembinaan Perguruan Tinggi Agama Islam di Kamantrian Agama, sidin batanggung jawab atas kabijakan duwa iksistinsi lambaga-lambaga pandidikan Islam.

Pamikiran Zakiah Daradjat di bidang pandidikan agama banyak mampangaruhi wajah sistim pandidikan di Indunisia. Sidin umpat malahirkan kabijakan hanyar parihal madrasah dalam Surat Keputusan Bersama (SKB) Tiga Mantri (Mantri Agama, Mendikbud, wan Mendagri) wayah 1975. Malalui surat kaputusan ngitu, Zakiah mahandaki paningkatan panghargaan gasan status madrasah, salah sabutingnya ialah mambarii pangatahuan umum 70 parsin duwa pangatahuan agama 30 parsin. Aturan nang dipakai sampai wayah ini di sakulah-sakulah agama Indunisia ngini mamungkinkan lulusan madrasah mana haja kawa ditarima di sakulah atawa parguruan tinggi umum.

Zakiah marupakan sabutingannya bibinian di Dewan Pertimbangan Agung rahatan 1983–1988 wan sudah jadi angguta MPR-RI rahatan 1992–1997. Salaya ngitu, sidin ialah bibinan panambayan nang manjabat Katua Majelis Ulama Indonesia (MUI), jadi katua bidang urusan kaluarga wan kakanak wayah kapimpinan Hasan Basri.