Basa Banjar
| Basa Banjar | ||
|---|---|---|
| Dituturakan di | Indunisia, Malaysia | |
| Banua | Kalimantan Selatan (Indunisia)[1], Malasia | |
| Jumlah pamandir | 5.900.000 | |
| Rumpun basa | Austronesia | |
| Tulisan | Jawi, Latin | |
| Kode-kode basa | ||
| ISO 639-1 | Kadada | |
| ISO 639-2 | – | |
| ISO 639-3 | bjn | |
Basa Banjar (Jawi: بهاس بنجر) adalah sabuting bahasa Austronesia matan rumpun basa Melayik nang dituturakan ulih suku Banjar di
y di Kampung (Desa) Parit Abas, Mukim (Kecamatan) Kuala Kurau, Daerah (Kabupaten) Kerian, Negeri Perak Darul Ridzuan.[21]
Bahasa Banjar banyak dipangaruhi uleh bahasa Melayu, Jawa wan bahasa-bahasa Dayak.[22][23][24][25] Kasamaan leksikal bahasa Banjar lawan bahasa nang lain ngitu 73% lawan bahasa Indunisia [ind], 66% lawan bahasa Tamuan (Malayic Dayak), 45% denga bahasa Bakumpai [bkr], 35% lawan bahasa Ngaju [nij].[26] Hasil panalitian Wurm wan Willson (1975), hubungan kakarabatan antara Bahasa Melayu wan Bahasa Banjar mencapai angka 85 pirsin. Adapun kakarabatan lawan bahasa Maanyan sakitar 32 % wan lawan bahasa Ngaju 39 %, badasarakan panalitan Zaini HD1.[27] Bahasa Banjar baisi hubungan lawan bahasa nang digunaakan suku Kedayan (sabuting dialik dalam bahasa Brunei) nang tapisahakan salama 400 tahun wan bahasa Banjar rancak jua disambat Bahasa Melayu Banjar.[28] Dalam parkambangannya, bahasa Banjar ditengarai mangalami kontaminasi matan intervensi bahasa Indunisia wan bahasa asing.[29] Bahasa Banjar tamasuk katiguri mayu aman matan kapunahan ulihnya masih haja jua bahasa Banjar ngini digunaakan sabagai bahasa sahari-hari ulih masyarakat Banjar atawa pendatang.[30]. Biar nang tajadi panurunan panggunaan bahasa Banjar tapi laju panurunan ngini kada talalu anu jua.[31] Wayahini, Bahasa Banjar sudah mulai diajarakan disakulahan-sakulahan di Kalimantan Selatan sabagai muatan lukal.[32] Bahasa Banjar gin baisi jua sajumlah paribahasa.[33]
Alphabet
Vokal
| A | É | I | O | U |
Konsonan
| B | C | D | G | H | J | K | L | M | N | P | R | S | T | W | Y |
- Diftong
- Ng
- Ny
- Diftong campur
- Aw
- Ay
- Uy
- Tanda kutip
- '
