Basa Jepang
Basa Jepang (hurup Arab Gundul: بهاس جفڠ; Jepang: 日本語, latènnya: Nihongo) atawa Basa Nipong (hurup Arab Gundul: بهاس نيفوڠ) entu basa rasmi di negeri kijir Jepang. Basa Jepang ada punya penyablak dengen jumblah kurang lebi 128 juta orang di seantéro dunia.
Basa Jepang juga' dicablakin di berapa negeri nyang ada pernah jadi dia punya daèrah, kaya' Koréa Kidul èn Tiongkok. Enni basa juga' dicablakin di Amrik Serèkat (di Kaliporni èn Hawai) èn Brasil, gara-gara hijrahnya orang Jepang ke entu negeri. Cumanan, dia pada punya peranakan nyang disebut nisei (Jepang: 二世) kaga' pating pentès nyablak dalem entu basa.