З Вікіпедыі, свабоднай энцыклапедыі
- У бразільскім штаце Рыу-Гранды-ду-Сул абвешчана надзвычайнае становішча з-за паводкі . (1 мая)
- Абрынуўся ўчастак хуткаснай дарогі у Мэйчжоу на поўдні Кітая. (1 мая)
- VII Усебеларускі народны сход пачаў сваю работу ў Мінску. (24 красавіка)
- NASA аднавіла атрыманне даных аб стане сістэм касмічнага апарата «Вояджэр-1», які пакінуў Сонечную сістэму. (20 красавіка)
- Моцныя дажджы і навальніцы прывялі да паводкі ў краінах Персідскага заліва. (16 красавіка)
- Разбураны пажарам гістарычны будынак Капенгагенскай біржы — Бёрсен. (16 красавіка)
- Літоўскі атлет Мікалас Алекна пабіў сусветны рэкорд у кіданні дыска, які трымаўся трыццаць восем гадоў. (14 красавіка)
- Іран і яго саюзнікі нанеслі ўдар балістычнымі ракетамі і дронамі па тэрыторыі Ізраіля. (13 красавіка)
- Поўнае сонечнае зацьменне назіралася у Паўночнай Амерыцы. (8 красавіка)
- З МКС вярнулася на Зямлю Марына Васілеўская, першая беларуская жанчына-касманаўт. (6 красавіка)
- Падчас штурму пасольства Мексікі ў Кіта затрыманы былы віцэ-прэзідэнт Эквадора Хорхе Глас[es]. (5 красавіка)
- На Тайвані здарылася землетрасенне, наймацнейшае за апошнюю чвэрць стагоддзя. (3 красавіка)
- ВПС Ізраіля нанеслі авіяўдар па консульстве Ірана ў Дамаску. (1 красавіка)
- Пасля сутыкнення з кантэйнеравозам абрынуўся мост у амерыканскім Балтымары. (26 сакавіка)
- У складзе экіпажа касмічнага карабля «Саюз МС-25» да МКС адправілася Марына Васілеўская, першая беларуская жанчына-касманаўт. (23 сакавіка)
- Здзейснены тэракт у «Крокус Сіці Холе» ў Краснагорску Маскоўскай вобласці Расіі, загінулі звыш ста сарака чалавек. (22 сакавіка)
- Узброеныя сілы Расіі нанеслі авіяцыйны ўдар па Украіне, пашкоджана і спыніла работу ДнепраГЭС. (22 сакавіка)
- Прэзідэнт В’етнама Во Ван Тхыонг адпраўлены ў адстаўку. (20 сакавіка)
- Прайшлі прэзідэнцкія выбары ў Расіі, перамогу атрымаў Уладзімір Пуцін. (17 сакавіка)
- Еўрапейскі парламент прыняў Рэгламент аб штучным інтэлекце. (13 сакавіка)
- 96-я цырымонія ўручэння кінапрэміі «Оскар» адбылася ў Лос-Анджэлесе, найлепшым фільмам названы «Опенгеймер» рэжысёра Крыстафера Нолана. (10 сакавіка)
- Швецыя стала трыццаць другім членам НАТА. (7 сакавіка)
- Здзейснены напады на турмы на Гаіці, узброеныя групоўкі змагаюцца за кантроль над Порт-о-Прэнсам, сталіцай краіны. (3 сакавіка)
- Прэм’ер-міністрам Пакістана абраны Шахбаз Шарыф. (3 сакавіка)
- Нідэрландка Фемке Бол другі раз за сезон абнавіла сусветны рэкорд у бегу на 400 метраў у памяшканні. (2 сакавіка)
- Расійскі палітык Аляксей Навальны пахаваны ў Маскве. (1 сакавіка)
- Выбары дэпутатаў Палаты прадстаўнікоў Нацыянальнага сходу Рэспублікі Беларусь. (25 лютага)
- 30-я цырымонія ўручэння прэміі Гільдыі кінаакцёраў ЗША адбылася ў Лос-Анджэлесе, спецыяльную ўзнагароду за ўклад у кінематограф атрымала Барбра Стрэйзанд. (24 лютага)
- Адбылася 77-я цырымонія прысуджэння прэміі BAFTA за дасягненні ў вобласці кінематографа, найлепшым фільмам названы «Опенгеймер» рэжысёра Крыстафера Нолана. (18 лютага)
- Пераможцам прэміі Цёткі за найлепшую кнігу для дзяцей і падлеткаў стаў Антон Францішак Брыль з кнігай «Мышыныя Каляды». (17 лютага)
- Расійскі палітык Аляксей Навальны памёр у зняволенні. (16 лютага)
- Александэр Стуб атрымаў перамогу на прэзідэнцкіх выбарах у Фінляндыі. (11 лютага)
- Зборная Катара ў другі раз стала пераможцам Кубка Азіі[en] па футболе. (10 лютага)
- Аляксандр Сырскі змяніў Валерыя Залужнага на пасадзе галоўнакамандуючага Узброенымі сіламі Украіны. (8 лютага)
- Спявачка Тэйлар Свіфт атрымала чацвёртую перамогу на цырымоніі «Грэмі» ў катэгорыі «Альбом года». (4 лютага)
- У Чылі абвешчана надзвычайнае становішча з-за лясных пажараў. (3 лютага)
- Былога прэм’ер-міністра Пакістана Імрана Хана і яго жонку прысудзілі да пазбаўлення волі за хуткае вяселле пасля разводу. (3 лютага)
- Арына Сабаленка ў другі раз запар выйграла жаночы Адкрыты чэмпіянат Аўстраліі па тэнісе. (27 студзеня)
- У Белгародскай вобласці пацярпеў крушэнне расійскі ваенна-транспартны самалёт Іл-76. (24 студзеня)
- Іран нанёс ракетны ўдар па пакістанскай правінцыі Белуджыстан. (16 студзеня)
- Аргенцінец Ліянель Месі стаў уладальнікам узнагароды ФІФА найлепшаму футбалісту 2023 года. (15 студзеня)
- ЗША і Вялікабрытанія нанеслі авіяўдары па пазіцыях хусітаў у Емене (12 студзеня)
- Прэм’ер-міністрам Францыі прызначаны Габрыэль Аталь, ён стаў самым маладым кіраўніком французскага ўрада. (9 студзеня)
- Пачаўся ўзброены канфлікт у Эквадоры паміж урадам і мафіёзнай групоўкай. (9 студзеня)
- У Кермане (Іран) падчас цырымоніі ў гадавіну гібелі Касема Сулеймані прагрымелі выбухі, загінулі людзі. (2 студзеня)
- Землетрасенне ў Японскім моры выклікала цунамі і прывяло да ахвяр у Японіі. (1 студзеня)
- Персанаж Мікі Маус з мультфільма «Параходзік Вілі» перайшоў у грамадскі набытак. (1 студзеня)