BMW 4
BMW 4 — серыя кампактных прэстыжных аўтамабіляў BMW, выпуск якіх пачаўся ў ліпені 2013 года. Серыя ўяўляе сабой кузавы купэ і кабрыялет, якія аддзяліліся ад BMW 3 серыі. Акрамя звычайных аўтамабіляў, з 2014 года выпускаецца таксама спартыўная версія BMW M4. Папярэднікам цяперашняга пакалення (F32 (купэ)/F33 (кабрыялет)/F36 (чатырохдзвернае купэ)) з'яўляецца BMW E92/E93, якое адносілася да BMW 3 серыі.
З'яўленне
Жаданне вылучыць купэ сярэдняга класа ў асобную серыю BMW выказала яшчэ ў 2011 годзе[1]. Тады ж была абвешчаная дата з'яўлення (2013 год) і тыпы кузаваў. Праз год, у ліпені, журналістам удалося засняць тэсціруемую замаскіраваную версію M4[2]. У пачатку 2013 года, на Паўночнаамерыканскім аўтасалоне ў Дэтройце быў паказаны канцэпт-кар аўтамабіля. На Такійскім аўтасалоне быў паказаны канцэпт версіі M4, а таксама версія кабрыялет.
Затым, на Франкфурцкім аўтасалоне была паказана канчатковая версія[3]. У сярэдзіне 2013 года пачаўся выпуск звычайнай версіі купэ. У снежні, спартыўная версія была рассакрэчаная: сталі вядомыя знешнасць аўтамабіля і рухавік[4]. Афіцыйна прадстаўлена яна была на Паўночнаамерыканскім аўтасалоне 2014 года. Версія Gran Coupe была прадстаўлена ў лютым 2014 года[5].
Характарыстыкі
4 серыя пабудавана на базе новага пакалення BMW 3 серыі (нягледзячы на тое, што ў іх няма ні адной агульнай кузаўны панэлі[6]).
Для аўтамабіляў даступна некалькі варыянтаў 2- і 3-літровых бензінавых і дызельных рухавікоў канфігурацыі l4 і l6 з заднім або поўным прывадам, а таксама з выбарам 6-ступеністай механічнай ці 8-ступеністай аўтаматычнай скрынак перадач.
- Шыны — пярэднія - 225/50 R17 94V, заднія - 225/50 R17 94V
- Дыскі — пярэднія - 7,5 J x 17 лёгкасплаўныя, заднія - 7,5 J x 17 лёгкасплаўныя
- Пярэдняя падвеска — незалежная, тыпу Макферсан, спружынная
- Задняя падвеска — незалежная, шматрычагавая, спружынная
- Рулявое кіраванне — электраўзмацняльнік руля
- Пярэднія тормазы — дыскавыя, вентыляваныя
- Заднія тормазы — дыскавыя, вентыляваныя
- Дыяметр развароту — 11,3 м
Галерэя
-
Выгляд ззаду
-
Інтэр'ер
Заўвагі
- ↑ Дзеля прэстыжу BMW зменіць назвы ў двухдверок першай і трэцяй серыі (рус.). drive.ru (15 чэрвеня 2011). Праверана 2 верасня 2014.
- ↑ Купэ BMW M4 выйшла на першыя тэсты (рус.). drive.ru (19 ліпеня 2012). Праверана 2 верасня 2014.
- ↑ BMW at the 2013 Frankfurt International Motor Show (IAA) (англ.). press.bmwgroup.com (10 October 2013). Праверана 2 верасня 2014.
- ↑ BMW M3 і M4 рассакрэчаныя датэрмінова (рус.). topgearrussia.ru (11 снежня 2013). Праверана 2 верасня 2014.
- ↑ BMW прадставіла 4-Series Gran Coupe (рус.). topgearrussia.ru (2 лютага 2014). Праверана 2 верасня 2014.
- ↑ Тэст-драйв: BMW 435i Coupe (рус.). topgearrussia.ru (9 верасня 2013). Праверана 2 верасня 2014.