Раланда дэ Тэла
Хеліядора Раланда дэ Тэла-і-Кантас (14 верасня 1888 - 9 кастрычніка 1967) - іспанскі ваенны дзеяч, брыгадны генерал, удзельнік Рыфскай вайны і грамадзянскай вайны ў Іспаніі .
Біяграфія
Нарадзіўся ў Гомеане (правінцыя Луга). Паходзіў з сям'і заможных сялян. Паступіў у Таледскую пяхотную акадэмію. Служыў у Іспанскім Марока, удзельнічаў у Рыфскай вайне, падчас якой атрымаў некалькі ўзнагарод[1].
З моманту стварэння Другой іспанскай рэспублікі ў 1931 годзе дэманстраваў вялікую варожасць да новага рэжыму[2]. У 1932 годз ўдзельнічаў ў Санхурхадзе[3], няўдалым дзяржаўным перавароце пад кіраўніцтвам генерала Санхурха[4], за што дэпартаваны ў Вілу Сіснерас(Іспанская Сахара). Амніставаны ў 1934 годзе.
Пасля ліпеньскага паўстання 1936 года і пачатку грамадзянскай вайны далучыўся да нацыяналістаў[5]. На чале калоны ўдзельнічаў у Эстрэмадурскай аперацыі, бітвах за Мерыду[6] і за Бадахос[7].
У ходзе баёў пад Мадрыдам ўзначальваў войскі нацыяналістаў на фронце Усера і пад Сьюдад Універсітарыяй. Падчас гэтых падзей быў паранены[8]. Пасля папраўкі змагаўся на Эбра і ў Каталоніі.
12 ліпеня 1940 года быў прызначаны камандзірам 81-й дывізіі[9]. У 1941 годзе заняў пасаду ваеннага губернатара Бургоса[10]. Пазней стаў ваенным губернатарам Луга[1].
У 1943 годзе за адміністрацыйныя парушэнні быў пазбаўлены ўсіх воінскіх узнагарод. Прычыны заключаліся ў тым, што Тэла выкарыстоўваў транспартныя сродкі і ваенны персанал на сваёй мукамольнай фабрыцы[11] . Па іншай версіі, гэта адбылося з-за манархічных поглядаў генерала[11].
Крыніцы
- ↑ а б Heli Rolando de Tella y Cantos: Galegos
- ↑ Gustau Nerín (2005); pág. 40
- ↑ Ramón Tamames (1974); pág. 192
- ↑ Ramón Tamames (1974); pág. 193
- ↑ Hugh Thomas (1976); pág. 403
- ↑ Hugh Thomas (1976); pág. 404
- ↑ Hugh Thomas (1976); pág. 408
- ↑ BOE núm. 543 (17 de abril de 1938)
- ↑ BOE núm. 212 (12 de julio de 1940)
- ↑ BOE núm. 29 (29 de enero de 1942)
- ↑ а б Paul Preston (2008); pág. 151
- Nerín, Gustau (2005). La guerra que vino de África. Barcelona: Crítica SL. p. 107. ISBN 84-8432-618-7.
- Preston, Paul (2008). El Gran manipulador. La Mentira cotidiana de Franco. Ediciones B S.A. ISBN 9788466638296. Consultado el 10 de abril de 2012.
- Tamames, Ramón (1974). Historia de España Alfaguara VII. La República. La Era de Franco. ISBN 9788420620510.
- Thomas, Hugh (1976). La Guerra Civil Española. Barcelona: Ed. Grijalbo. ISBN 84-253-2767-9.