Шматгадовазялёны кусцік вышынёю 10—20 см з доўгім паўзучым разгалінаваным сцяблом, сцелецца па зямлі, даўжыня да 1 м. Лісце дробнае, вузкаэліптычнае. Кветкі дробныя, адзінкавыя, зрэдку па 2—3 ў пазухах лісця, ружовыя або цёмна-чырвоныя. Плод — шарападобная шыза-чорная ягадападобная касцянка.
Плады ядомыя, кіславатыя, з пурпуровым сокам, маюць вітамін С, андрамеда-таксін, фарбавальныя і дубільныя рэчывы. Настой з травы ўжываецца ў народнай медыцыне.