Гэта актуальная вэрсія старонкі Рэліктавае выпраменьваньне, захаваная ўдзельнікам 180.254.192.203(гутаркі) у 04:24, 11 траўня 2023. Гэты адрас зьяўляецца сталай спасылкай на гэтую вэрсію старонкі.
Існаваньне рэліктавага выпраменьваньня было прадказана тэарэтычна ў рамках тэорыі Вялікага выбуху. Хоць у цяперашні час многія аспэкты першапачатковай тэорыі Вялікага выбуху былі перагледжаны, асновы, якія дазволілі прадказаць тэмпэратуру рэліктавага выпраменьваньня, засталіся нязьменнымі. Лічыцца, што рэліктавае выпраменьванне захавалася з пачатковых этапаў існаваньня Сусьвету й раўнамерна яе запаўняе. Экспэрымэнтальна ягонае існаваньне было пацьверджана ў 1965 годзе. Нараўне з касмалягічным чырвоным зрушэньнем, рэліктавае выпраменьваньне разглядаецца як адно з галоўных пацьверджаньняў тэорыі Вялікага выбуху.