Акругі Ізраілю
(1) Паўночная, (2) Хайфская, (3) Цэнтральная, (4) Тэль-Авіўская, (5) Ерусалімская, (6) Паўднёвая
Акупаваныя тэрыторыі:
(A) Галанскія вышыні, (B) Юдэя і Самарыя і Палестынская аўтаномія
Тэрыторыя, пакінутая Ізраілем:
(C) Сэктар Газа
Тэрыторыя Ізраілю адміністрацыйна падзелена на 7 акругаў (па-габрэйску: מחוז махоз), 15 падакругаў (па-габрэйску: נפה нафа́) і 50 прыродных зонаў[1].
У сваю чаргу, зь сямі акругаў выдзяляюцца тры муніцыпальныя раёны: Ерусалімская, Тэль-Авіўская і Хайфская акругі — і чатыры гісторыка-геаграфічныя вобласьці: Паўночная, Паўднёвая, Цэнтральная, Юдэя і Самарыя.
Акруга Юдэя і Самарыя (Заходні бераг ракі Ярдан) знаходзіцца пад кантролем Цэнтральнай ваеннай акругі Арміі абароны Ізраілю ад часоў Шасьцідзённай вайны 1967 году, але яна афіцыйна непрызнаная ААН часьцінаю ізраільськай тэрыторыі[2]. Зрэшты такі ж спрэчны статус мае і падакруга Галан, у межах якой знаходзяцца Галанскія вышыні[3]. Cэктар Газа знаходзіўся пад ваенным кантролем Ізраілю з 1967 па 2005 год.
Акругі
| Нумар | Акруга | Адміністратыўны цэнтар | Падакругі | Колькасьць насельніцтва[4] |
|---|---|---|---|---|
| 1 | Ерусалімская | Ерусалім | Супадае з тэрыторыяй акругі | 1029300 |
| 2 | Паўночная | Назарэт | Цфат, Кінэрэт, Ізрээль, Ака, Галан[5] | 1304600 |
| 3 | Хайфская | Хайфа | Хадэра, Хайфа | 926700 |
| 4 | Цэнтральная | Рамла | Шарон, Пэтах-Тыква, Рамла, Рэхавот | 1894400 |
| 5 | Тэль-Авіўская | Тэль-Авіў | Супадае з тэрыторыяй акругі | 1295000 |
| 6 | Паўднёвая | Бээр-Шэва | Ашкелён, Бээр-Шэва | 1121600 |
| Юдэя і Самарыя[5] | Афіцыйна няма. Найбуйнейшы горад — Мадыін-Іліт | Падзяляецца на 8 ваенных раёнаў | 325500[6] |
Спасылкі
- ^ Цэнтральнае статыстычнае бюро Ізраілю
- ^ Рэзалюцыя Савета бясьпекі ААН 242 ад 22 лістапада 1967 году
- ^ Рэзалюцыя Савета бясьпекі ААН 497 ад 17 сьнежня 1981 году
- ^ Дадзеныя на 31 сьнежня 2011 году.
- ^ а б Мае статус "акупаваныя тэрыторыі"
- ^ Толькі грамадзяне Ізраілю
