Text:Hansl und Gretl

Vor am groußn Hoiz do hod a arma Hoizhauer gwohnt, der nix zum beißn und brecha ghobt hod und's dagig Broud kaam fia sei Wei und seine zwoa Kinda Hansl und Gretl glangt hod. Amoi hod a des nimma gschafft und hod nimma wieda gwußt in seina Nout. Wiare se in da Nocht im Bett umadumdraht hod, da hat sei Wei zu eam gsogt: "Mo, bass auf, moing in da Fria nimmst de zwoa Kinda, gibst jedn no a Stückal Broud und gehst auße ins Hoiz mit eana, diaf eine, do wos am dichtasten is, kendst a Feia o, gehst weg und losst se dortn, mia kinnan se ned lenga dafuadern." "Na Wei", hod da Mo gsogt, "des bring i ned über's Herz, meine eigna Kinda zu de wuiden Viecha zbringa, de wos boid im Hoiz dareißn dadn." "Wennst as ned machst, miassma olle vahungern." Sie hod rumbenzt, bis a Ja gsogt hod.

De zwoa Kinda warn a no wach zwecks dem Hunga und hom ois ghert, wos d'Muadda zum Vadda gsogt hod. De Gretl hod denkd, es war um se gscheng und hod furchtbar trenzt. Da Hansl oba hod gsogt: "Sei staad, Gretl, mach da nix draus, i woaß scho wos." So is a aufgstandn, hod sei Röckerl ozogn, Dia aufgmocht und is rausgschlicha. Da Mondschei war häj und de weißn Kieslstoana hom gleicht wia laudda Gäjdstückerl. Da Hansl hod se buckt und se de Roggdaschn voigstopft, so väj einebasst hom. Drauf is a hoam und hod zua Gretl gsogt: ""