Energie

A Dampfmaschiin wandld Weame in mechanische Energie um.

A Foarradldynamo wandld mechanische Energie in elektrische Energii um.

A Feia wandlt kemische Energie in Weame um.

Energie oda Enagie (oidgriachisch: energon = innas Wiakn) is a physikalische Gress. Energie brauchts ba jeda Vaendarung. Ba da Umwandlung vo Energie entsteht Leistung. Energie is demnoch gspeichade Vaendarung.

Energie gibt's in an Haufa Foama. De Grundoahat vo da Energie is as Joule.

A wichtigs Grundprizip vo de Natuawissnschoftn is da Energiedahoidungssotz. Es sogt: Energie ko weda gschoffa no zasteat wean. Energie ko nua umgwandlt, transportiad und gspeichad wean. Beispuisweis ko Wind (kinetische Energie) duach a Windradl in elektrischn Strom umgwandld wean und dea wieda in Hitz (WeameEnergie) ban Kocha usw. Zweng dem Energiesotz und zweng da Reibung is a Perpetuum Mobile, a Maschiin de wo ewig ohne laffade Enagiezuafuah rennt, ned megli.

Sichtweisn vo Energie

Energie in da klassischn Mechanik

In da klassischen Mechanik is Energie konsaviade Vaendarung, d.h. de Fehigkeit, Orbat z leistn. In da Orbat wead Energie vo oana Foam in a andane Foam umgwandlt.

De kinetische Energie is de Energie, de wo im Begewungszuastand vo an Keapa enthoidn is.

Potenzielle Energie oda Logeenergie griagt a Keapa duach a Log in an Kroftfejd, beispuisweis duach de Eadgravitation. Wann a Opfe vom Baam foit, nacha wead sei potenzielle Energie in kinetische Energie umgwandlt.

Energie in da Themodynamik

Weame is a Energiefoam. Thermische Energie is de Energie, de wo in da ungoadnetn Bewegung vo de Elementaraitzal (Atom, Molekui) gspeichad is.

Olle Energiefoama kinan in Weameenergie umgwandld wean (easchda Haptsotz vo da Thermodynamik).

Weameenagie ko oba nua zan Tei in andare Energiefoama ibagfiaht wean (zwoata Haptsotz vo da Thermodynamik), in Obhengigkeit vo Umgebungsfaktorn.

Literatua

• Jennifer Coopersmith: Energy – the subtle concept. Oxford University Press, 2010, ISBN 0-19-954650-9.
• Max Jammer: Energy. In: Donald M. Borchert (Hrsg.): Encyclopedia of Philosophy. Band 3. Thomson Gale, 2005, S. 225–234
• Marc Lange: Energy (Addendum). In: Donald M. Borchert (Hrsg.): Encyclopedia of Philosophy. Band 3. Thomson Gale, 2005, S. 234–237
• Yehuda Elkana: Discovery of the conservation of Energy, Harvard University Press 1974 (Vorwort I. Bernard Cohen)
• G. N. Alekseev: Energy and Entropy. Moscow: Mir Publishers 1986
• Benjamin Crowell [2003]: Light and Matter. Fullerton, California: Light and Matter 2011
• John S. Ross: Work, Power, Kinetic Energy. In: Project PHYSNET. Michigan State University. 23 April 2002.
• Smil, Vaclav: Energy in nature and society: general energetics of complex systems. Cambridge, USA: MIT Press 2008, ISBN 0-262-19565-8
• Walding, Richard,  Rapkins, Greg,  Rossiter, Glenn: New Century Senior Physics. Melbourne, Australia: Oxford University Press 1. Novemba 1999, ISBN 0-19-551084-4

Im Netz

 Commons: Energie – Sammlung vo Buidl, Videos und Audiodateien

• Energie (af "Welt der Physik")