Energie

A Dampfmaschiin wandld Weame in mechanische Enagii um.

A Foarradldynamo wandld mechanische Enagii in elektrische Energii um.

A Feia wandlt kemische Enagii in Weame um.

Enagii oda Energie (oidgriachisch energon = innas Wiakn) is a physikalische Gress. Enagii brauchts ba jeda Vaendarung. Ba da Umwandlung vo Enagii entsteht Leistung. Enagii is demnoch gspeichade Vaendarung.

Enagii gibt's in an Haufa Foama. De Grundoahat vo da Enagii is as Joule.

A wichtigs Grundprizip vo de Natuawissnschoftn is da Enagiidahoidungssotz. Es sogt: Enagii ko weda gschoffa no zasteat wean. Enagii ko nua umgwandlt, transportiad und gspeichad wean. Beispuisweis ko Wind (kinetische Enagii) duach a Windradl in elektrischn Strom umgwandld wean und dea wieda in Hitz (Weameenagii) ban Kocha usw. Zweng dem Enagiisotz und zweng da Reibung is a Perpetuum Mobile, a Maschiin de wo ewig-und-drei-Dog ohne laffade Enagiezuafuah rennt, ned megli.

Sichtweisn vo Enagii

Enagii in da klassischn Mechanik

In da klassischen Mechanik is Enagii konsaviade Vaendarung, d.h. de Fehigkeit, Orbat z leistn. In da Orbat wead Enagii vo oana Foam in a andane Foam umgwandlt.

De kinetische Enagii is de Enagii, de wo im Begewungszuastand vo an Keapa enthoidn is.

Potenzielle Enagii oda Logeenagii griagt a Keapa duach a Log in an Kroftfäid, beispuisweis duach de Eadgravitation. Wann a Opfe vom Baam foit, nacha wead sei potenzielle Enagii in kinetische Enagii umgwandlt.

Enagii in da Themodynamik

Weame is a Enagiifoam. Thermische Enagii is de Enagii, de wo in da ungoadnetn Bewegung vo de Elementaraitzal (Atom, Molekui) gspeichad is.

Olle Enagiifoama kinan in Weameenagii umgwandld wean (easchda Haptsotz vo da Thermodynamik).

Weameenagie ko oba nua zan Tei in andare Enagiifoama ibagfiaht wean (zwoata Haptsotz vo da Thermodynamik), in Obhengigkeit vo Umgebungsfaktorn.

Literatua

• Jennifer Coopersmith: Energy – the subtle concept. Oxford University Press, 2010, ISBN 0-19-954650-9.
• Max Jammer: Energy. In: Donald M. Borchert (Hrsg.): Encyclopedia of Philosophy. Band 3. Thomson Gale, 2005, S. 225–234
• Marc Lange: Energy (Addendum). In: Donald M. Borchert (Hrsg.): Encyclopedia of Philosophy. Band 3. Thomson Gale, 2005, S. 234–237
• Yehuda Elkana: Discovery of the conservation of Energy, Harvard University Press 1974 (Vorwort I. Bernard Cohen)
• G. N. Alekseev: Energy and Entropy. Moscow: Mir Publishers 1986
• Benjamin Crowell [2003]: Light and Matter. Fullerton, California: Light and Matter 2011
• John S. Ross: Work, Power, Kinetic Energy. In: Project PHYSNET. Michigan State University. 23 April 2002.
• Smil, Vaclav: Energy in nature and society: general energetics of complex systems. Cambridge, USA: MIT Press 2008, ISBN 0-262-19565-8
• Walding, Richard,  Rapkins, Greg,  Rossiter, Glenn: New Century Senior Physics. Melbourne, Australia: Oxford University Press 1. Novemba 1999, ISBN 0-19-551084-4

Im Netz

 Commons: Enagii – Sammlung vo Buidl, Videos und Audiodateien

• Energie (af "Welt der Physik")