Дин вә мәғишәт (журнал)
«Дин вә мәғишәт» — төрки телендә донъя күреүсе ислам дине, йәғни мосолман журналы. 1906 йылдың декабренән Ырымбур ҡалаһында сыға башлай һәм 1918 йылдың башында туҡтай. Нәшер итеүсеһе Мәхмүт Хөсәйенов, мөхәррире башта З. Хәйруллин, һуңынан Ф. Дауытов.
Журнал нигеҙҙә ислам дине мәсьәләләрен сағылдыра һәм дин әһелдәренә төбәлеп сығарыла. Төп яҙышыусылары башҡорт мәктәп-мәҙрәсәләрендәге йәҙитселек хәрәкәтенә кире ҡарашта тора. Шул уҡ ваҡытта был журнал биттәрендә ислам тарихына, ислам фәлсәфәһенә һәм дини әҙәп-әхлаҡ мәсьәләлренә арналған мәҡәләләр урын ала.
Сығанаҡтар
- Хөсәйенов Ғ.Б. ХХ быуат башында милли матбуғат. — Башҡорт халҡының рухи донъяһы. Өфө «Китап», 2003 йыл, 383-384-се биттәр.