Баймаҡ
| Ҡала | |||
| Баймаҡ Баймаҡ | |||
| |||
| Ил | |||
|---|---|---|---|
| Федерация субъекты | |||
| Муниципаль район | |||
| Координаталар | |||
| Климат тибы |
континенталь | ||
| Милли состав |
башҡорттар (70 %), | ||
| Этнохороним |
баймаҡтар | ||
| Сәғәт бүлкәте | |||
| Телефон коды | 34751 | ||
| Һанлы танытмалар | |||
| Автомобиль коды |
02, 102 | ||
| ОКАТО коды | |||
| ОКТМО коды | |||
| Рәсми сайт | |||
| Ҡала сайты | |||
|
| |||
Баймаҡ — Башҡортостанда республика әһәмиәтендәге ҡала, Баймаҡ районының административ үҙәге.
Ҡала Ирәндек армытында, Көньяҡ Урал тауы битендә, Европа һәм Азия сигендә урынлашҡан.
Тарихы
Таналыҡ—Баймаҡ ҡасабаһы 1748 йылда Каниниколь һәм Преображен баҡыр иретеү заводтарының мәғдән базаһы булараҡ барлыҡҡа килә. Башҡорт ихтилалдары баҫтырылғас, ҡасаба батша карателдәре тарафынан яндырыла, мәғдән табыу туҡтатыла. XIX быуат урталарында Таналыҡ йылғаһы буйлап бөртөклө алтын табылғас, капиталист Жуков алтын приискыларын аса. Был төбәккә урыҫ халҡының күпләп күсеп килеүе ошо ваҡиға менән бәйле. Горяев, Андреев, Кабановтар һәм ЮУГАО инглиз компанияһы прииск хужалары булалар.
Таналыҡ—Баймаҡ ҡасабаһы 1922 йылда Бөрйән—Таналыҡ волосының үҙәге була. 1917 йылдың 7 ноябрендә эшсе депутаттар советы һәм ревком һайлана, уның председателе итеп Леонид Азанов тәғәйенләнә.
1928 йылда Баймаҡ эшселәр ҡасабаһы тип үҙгәртелә, ә 1938 йылда район әһәмиәтендәге ҡала статусы бирелә. 1992 йылда ҡалаға республика әһәмиәтендәге ҡала статусы бирелә.
Башҡортостан Президентының 1994 йылдың мартындағы указы нигеҙендә ҡала һәм район дөйөм территориаль-административ берәмек булып иҫәпләнә.
Халҡы
Ҡала һәм районда йәшәүселәрҙең ҙур өлөшө — башҡорттар.
Демографик торғонлоҡ — ҡала һәм райондың мәсьәләһе булып тора. Был халыҡтың күрше район һәм ҡалаларға күсеп китеүе менән бәйле.
|
Сәнәғәт ойошмалары
- Баймаҡ ҡойоу-механика заводы ААЙ
- Башкомбикорм ААЙ
- Башптицепром ААЙ
- ПМК Баймаҡ яуаплылығы сикләнгән ойошмаһы
Белем биреү учреждениелары
- 105-се һөнәри училищеһы
- Баймаҡ ауыл хужалығы техникумы
- Өфө йылылыҡ-энергетика техникумының Баймаҡ филиалы
