قزوین
قزوین | ||||||||
---|---|---|---|---|---|---|---|---|
| ||||||||
اهالی | ۳۸۱،۵۹۸ نفر (2011) | |||||||
اهالی سیخلیغی | ۹۰۳۰ nəfər/km² | |||||||
نقلیات واسیطهسی کودو | ایران 79 | |||||||
سوی و دیل | آذربایجان تورکجه سی و فارسجا | |||||||
مذهب و دین | موسلمان شیعه | |||||||
ایجرا نومایندهسی | سیده حمیده زرآبادی ، داوود محمدی | |||||||
بلدیه باشچیسی | علی صفری |
قزوین(Qəzvin) ایران و آذربایجانین اسکی شهرلریندن بیریدیر کی قزوین اوستانینین و قزوین بولگهسینین مرکزیدیر. بو شهرین اهالیسی ۱۳۹۰-جی ایلده ۳۸۱٬۵۹۸ نفردیر کی بو باخیمدان اؤلکهنین ۲۱ اینجی شهری سایاگلیر.
سوی و دیل
قزوین شهرینین اهالیسینین چوخونلوغو تورکلردن و فارسلاردان عیبارتیدیر، تورکلر تورک دیلینی همدان و زنگان دیلچهسینه یاخین اولان، قزوین دیلچهسینده دانیشیرلار کی تورک دیلینین اؤزل بیر دیلچهلریندن دیر، فارسلار دا فارس دیلینی قزوین دیلچهسینده دانیشیرلار کی فارس دیلینین دیلچهلریندن بیریدیر. تورکلر و فارسلاردان سونرا، آز سایی دا تاتلار ، لورلار و کوردلر ده قزوین شهرینده یاشاییرلار. قزوین تورکلرینین چوخو آوشار، شاهسئون و خمسهلی طایفالاریندان اولماقلا، چوخلو هادیآباد، قویون مئیدان، کوشک قاپیسی، شیخآباد، دیمج و... محلهلرینده اولورلار.
سوقتلر
قزوینین سوقتلری نئچه بؤلمهیه بؤلونورلر:
- گلنکسل دادلیلار اوجوملهدن پاخلاوا.
- قورو و تزه مئیوهلر.
- اَلاۆرۆنلری.
قزوینه اؤزل اولان شیرینیاتلار
- چایچؤرَگی:قزوینین چای چؤرَگی بیر نوع گلنکسل و قورو شیرینیدیر کی قزوینلی قادینلار اونو نوروز بایرامی و ائلهَجهَدهَ آیری خاص گۆنلَرده بیشیریب،اۆزَرینه ایسه پوسته یوخسادا کۆنجود سَپَرلَر.
- نازیک چؤرَگی:بو دادلی چوخ سینمالی اولاراق باداملی،پۆستهلی و قوزلو شکیللرده بیشیریلر.
- پاخلاوا:قزوینده اۆچ شکیل پاخلاوا حاضیرلانیر کی باشقا یئرلرین پاخلاواسیایلا فَرقلیدیر.
- آتابَک شیرینیسی
- چرخی چؤرَگی
- قندلی چؤرَک
- نخودلو شیرینی
- نانبرنجی
- قوز چؤرَگی
- بادام چؤرَگی
- قوطاب
- قورابیه
- لبپیچ شیرینیشی
- بهشتی شیرینیسی
- نارگیل(کوکوناد) چؤرَگی
بؤلگهنین یئرلی مئیوهلری
بو بؤلگهده نار،اوزوم،آلما،ذغال و... کیمی یاش مئیوهلر اۆرَنیلیر.قورو مئیوهلردنده فیندیق،قوز، قزوین پۆستهسی و یئمیشینین آدینی چکمک اولار.
اَل اۆرونلَری
قزوینین اَل اۆرونلریندن خالچا،کیلیم، دَیَرلی اَلیازمالار، گیوه توخوماق و... اؤرنک گؤسترمک اولار. [۱]
گؤرمهلی یئرلر
- آلا قاپی سارایی
- چهل ستون تیکینتیسی
- میمون قالا
- ایمام زادا حۆسین بیناسی
- قزوینین اۆستاؤرتۆلۆ بازاری
- قجر حامامی
- تهران قدیم قاپوسو
- اووچو(درب کوشک)قاپوسو
- گراند هتل بیناسی
- باراجین منطقهسی
- حمدالله مستوفی تۆربهسی
- حاج رحیم حامامی
- پیغمبریه بیناسی
- عتیق مسجیدی
- مسجدالنبی
- کانتور کیلسهسی
- رفیع کیلسهسی
- باغ سپهدار
بیرده باخ
- قزوین تورک لهجه سی
- قزوین فارس لهجه سی
- آذربایجان (تاریخی اراضی)
- آذربایجان
- تبریز تورک لهجه سی
- زنجان تورک لهجه سی
- همدان تورک لهجه سی
- آذربایجان تورکلری