Bergell

wemme vom Malojapass us is Bergell abe luegt

s Dorf Soglio

dr Palascht Castelmur und en alti Schteibrugg

d Staumuur vom Albignasee

S Bergell (im Bergeller Dialäkt Val Bargaja, italiänisch und rätoromanisch Val Bregaglia) isch es Taal vo de Alpe, wo deils im Bündnerland und deils z Italie lyt.

Geografy

Es isch eis vo de Bündner Süüdtääler, so wie s Misox, s Puschlaaf und s Münschtertaal. S Taal ghört zum grössere Deil zu dr Schwiiz, und do isch dä ganz Taalabschnitt jetz i der Gmaind Bregaglia. Unden a Castasegna, em underschte Dorf vo Bregaglia, goot s Taal bis uf Kleewe (uf iteliänisch Chiavenna) abe; das isch i dr iteliänische Provinz Sondrio. Zwüsche dr Gränze und Kleewe sind d Gmeinde Villa di Chiavenna und Plurs.

Mängmol tuet me i dr Umgangssprooch au nur dr schwiizerisch Deil vom Taal als Bergell bezeichne.

Dur s Taal abb flüsst d Maira, wo im undere Deil z Italie Mera heisst. Dr Fluss foot im Sytetaal Val Forno bi Maloja als Bärgbach aa, wo dört obe zerscht dr Name Orlegna het und usem Fornogletscher chunt.

Sprooch

Dr Bergeller Tieläkt heisst «Bargaiot». Er isch e Mundart vo dr alpynlombardische Sprooch.

Lueg au

• gnaueri geografeschi und gschichtlechi Beschrybig im Artikel: Bregaglia

Literatur

• Adolf Collenberg: Bergell. In: Historisches Lexikon vo dr Schwiiz.

Weblink

 Commons: Bergell – Sammlig vo Multimediadateie

• Website vom Daal Bergell und vo dr Gmaind Bregaglia