Lis recensions a son un mût par condividi lis tôs opinions sui components adizionâi che tu âs instalât e doprât. Il nestri grup di moderazion si risierve il dirit di refudâ o gjavâ dutis lis recensions che no rispietin chestis liniis vuide.

Sugjeriments par scrivi une buine recension

Sì:

• Scrivi come che tu stessis contant a un amì la tô esperience cul component adizionâl.
• Scrivi recensions sintetichis e claris.
• Dâ detais specifics e utii. Par esempli:
  • Il component adizionâl funzionial te maniere che tu ti spietavis?
  • Ce funzions âstu preseât e cualis mancul?
  • Lu cjatistu util?
  • Isal facil di doprâ?
  • Continuarâstu a doprâ chest component adizionâl?
• Prime di publicâ la recension, piert un tic di timp par tornâ a lei la tô recension e corezi i erôrs di batidure.

No:

• Inserî recensions di une peraule, come: “Biel!”, “maraveôs”, “oribil”.
• Publicâ problemis tecnics, richiestis di supuart o sugjeriments par gnovis funzionalitâts. Se disponibii, dopre i canâi di supuart specifics par ogni component adizionâl. Tu puedis cjatâju te sezion “Altris informazions” te sbare laterâl su la pagjine dedicade ai detais dal componente.
• Scrivi recensions par components adizionâi che no tu âs provât di persone.
• Doprâ lengaç volgâr, soç o che al pues vignî interpretât come odeôs.
• Includi codiç HTML, colegaments, codiç sorzint o tocs di codiç. Lis recensions a àn di vê nome test.
• Fâ afermazions falsis, discreditâ i autôrs dal component adizionâl o insultâju in mût personâl.
• Includi direzions e-mail, numars di telefon o altris detais personâi tiei o di altris.
• Publicâ recensions su components adizionâi svilupâts o rapresentâts di te o de tô organizazion.
• Criticâ un component adizionâl parcè che al è progjetât par fâ une determinade robe. Par esempli lassâ une recension negative di un component adizionâl che al mostre publicitâts o che al tire dongje dâts cuant che al è stât creât di pueste par chê reson, o che al à bisugne di tirâ dongje dâts par funzionâ.

FAQ (domandis frecuentis) su Recensions

Cemût puedio segnalâ une recension problematiche?

Se tu cjatis recensions discutibilis, segnalile fasint clic su “Segnale cheste recension”. Il grup di moderadôrs al valutarà, in base aes liniis vuide des recensions, se eliminâ la recension o ripristinâle sul sît.

O soi un autôr di components adizionâi, puedio rispuindi aes recensions?

Sì, i autôrs di components adizionâi a puedin dâ une singule rispueste par recension. Par continuâ la conversazion o lâ insot cul argoment vierç une discussion sul forum.

O soi un autôr di components adizionâi, puedio eliminâ recensions o valutazions sfavorevulis?

In gjenar, no. Ma se la recension no rispiete lis liniis vuide delineadis sore, tu puedis fâ clic su ’“segnale cheste recension” par vêle moderade. Se une recension e inclût un reclam che nol è plui valit par vie di une publicazion di une gnove version dal component adizionâl, o podìn decidi di cancelâle.