江西省
江西省，是中華人民共和國一級行政區，簡稱贛，垃拉長江中下游南岸，東界浙江搭福建、北鄰安徽搭湖北，西連湖南，南毗廣東。境內最大河流為長江支流贛江，從南向北縱貫全境，注入中國第一大淡水湖——鄱陽湖。全省總面積166946.58平方公里。
江西省東面搭浙江、福建、北面挨牢安徽搭湖北，西面有羅霄山脈搭湖南分隔，南面通過客家地區連接廣東。2016年底人口4592.00萬人。省會是千年名城南昌。
| 江西省 | |
| 簡稱：贛 | |
| 省會 | 南昌 |
| 面積 - 總面積 - 占全國面積％ - % 水域面積 |
第17位 166000平方千米 2.21% xx% |
| 人口 - 總人口 (2003年底) - 占全國人口％ - 人口密度 |
第13位 4457萬 4.13% 251／平方千米 |
| 國內生產總值 - 總值 (20013年) - 占全國生產總值％ - 人均國內生產總值 |
第19位 14300億人民幣 2.46% 29880人民幣 |
| 行政區類別 | 省 |
 | |
歷史[編輯]
江西來勒古代是吳越搭楚國个爭奪地區，是典型个吳頭楚尾。來勒相當長个辰光內，並沒有自家特色的地方色彩。伊拉个歷史，搭東西兩方儕有邪氣大个關聯。
名字來歷[編輯]
江西省个簡稱贛，大體高頭出現來勒唐帝國个辰光。是「文章節義之邦」个意思。來勒公元733年，唐帝國个唐玄宗設置江南西道，之後若干年，迭个設置儕沒啥大个變動。所以，江南西道个建成江西就變成省份个名稱，字面高頭个意思是來勒江南西部个地區。又因為為江西頂大河流是贛江，所以也簡稱贛。贛江搭鄱陽湖對江西个作用，相當於湘江搭洞庭湖對湖南个作用。江西也稱為「贛鄱」大地。江西還有一個別名，叫做江右。這是因為來勒古代，中原人從長江以北往南面看，江西來勒江南个右部，正好搭江東來勒江南个左邊相對應。所以，江西來勒交關歷史文獻當中又稱為「江右」與江東（「江左」）相對應。弗過，現在老百姓已經弗大曉得江右个稱呼哉。
遠古[編輯]
來勒青銅器辰光時期，江西屬於長江流域文明个（獨立於古代黃河文明）一部分，受到鄰近發達文明个影響，農業搭青銅儕有發展，根據考證，江西境內也是世界浪頂早進行水稻耕作个地方（江西萬年縣个水稻種植已有一萬兩千多年的歷史[1]）。春秋戰國辰光，江西被周邊个強國先後納入統治，所以，又被稱為：吳（國）頭楚（國）尾，「襟三江而帶五湖，控蠻荊而引甌越」。
納入帝國[編輯]
秦始皇吞併六國之後，勢力往南進入長江地區，秦帝國設置九江郡（郡治並不在今天的九江，而是在安徽壽縣），來勒今江西境內設有7个縣。進行統治，弗過，个辰光江西境內主體民族還是百越人，北方帝國个移民邪氣少。
西漢初年，帝國朝廷開始設豫章郡（贛江原稱豫章江），郡治南昌（表示「昌大南疆」搭「南方昌盛」之意），江西從迭个辰光開始，才明確有行政區域建制。豫章郡下轄18縣，分別是南昌、廬陵、彭澤、鄱陽、餘淦、柴桑、贛、新淦、南城、宜春、雩都、艾、安平、海昏、歷陵和建成等，分布地域包括贛江、盱江、信江、修水、袁水沿岸，搭後世个江西省區大致相當。當今个南昌、贛州、吉安等主要都市，儕是從迭个辰光个縣城發展起來个。
漢武帝辰光，拿帝國劃分成為13个監察區，稱13部州，个辰光个江西搭江東一道，被劃把揚州部。
三國時期，江西地區被吳國收入統治範圍。吳越文化對江西產生影響。吳越人來勒江西个活動留下遺蹟，今日贛北地區還有當年周瑜个點將台。
西晉公元291年元年，被重新收入帝國統治範圍个江西地區，被西晉中央政府設置江州，主體是江西地區原有郡縣。
中世个開發[編輯]
來勒南北朝辰光，江西个開發比較緩慢，相對於旁邊个江東，湧入个北方逃難人口也弗多。到隋朝重新兼併南朝，隋煬帝改州縣制為郡縣制，个辰光，江西地區設有7郡24縣。
唐代，江西有一定个發展，有名个滕王閣序來勒唐朝初年完成。帝國來勒江西个行政區劃也慢慢增加，有8州37縣，8个州分別為：
貞觀元年唐太宗拿帝國核心地區設立10道監察區，江西屬於江南道。733年，唐玄宗拿道增加到15个，洪、饒、虔、吉、江、袁、撫、信8州隸屬於江南西道監察區。
五代辰光，江西地區被楊興密從鍾傳个兒子手中奪取。成為楊吳搭之後南唐（建都於今南京，後遷都於今南昌）這些江淮政權个穩固後方，江淮文化對江西產生邪氣大个影響。大量江淮地區個人口南下，進入贛江流域，老大个改變當地語言結構搭文化風貌，讓江西產生區別於東西兩面个自身文化特點。現在所講个江右文化，就是來勒迭个辰光逐步定型个。南唐對江西个通知邪氣重視，伊拉劃分出下等州个新行政區「軍」，劃江西為6州、4軍、55縣。交泰元年，南唐元宗決定建南都於洪州，並因此升洪州為南昌府。
宋元辰光个鼎盛[編輯]
宋朝辰光，江西文化獲得邪氣大个發展，儒學開始來勒鄉土廣泛傳播，產生交關有影響力个文學家搭政治家。唐宋八大家當中，江西就占據五人。來勒科舉考試當中，江西人也屢次創造優良成績，竟然可以搭一向優越个吳越人分庭抗禮。同時，書院文化業發展起來，有名个白鹿洞書院來勒宋代達到鼎盛。理學宗師陸九淵个出現，代表勒江右文化个巔峰。從中唐以來，江西个經濟文化方面得到了大發展。此後來勒宋元明三朝，江西曾經是中國最繁榮的省份之一。來勒農業，糧食，手工業如瓷器等經濟方面處於帝國領先地位，來勒在科舉考試中及第的人數以及商業等方面都名列全國前三名之內，搭江東（江浙）、四川行省大致相仿，明顯領先於附近的廣東、湖南等。[2]來勒行政區劃高頭，宋帝國來勒州之上改道為路，江西地區被置9州、4軍、68縣，其大部分隸屬於江南西路，另有一部分隸屬於江南東路，主要是上饒地區。 南宋末年，江右人文天祥率領軍隊抗擊元朝蒙古人搭色目人，寧死不屈，寫下交關盪氣迴腸个詩句，伊个死脫也標誌江西黃金時代个結束。
元朝來勒江西設置江西等處行中書省制度。轄區包括今江西絕大部分地區（原江西東北部分地區隸屬於江浙行省）以及今天廣東省个大部分。元行省下設路、直隸州、州（同縣級行政機構）和縣。江西行省下轄龍興、吉安、南康、贛州、建昌、江州、南安、瑞州、袁州、臨江、撫州、饒州、信州等13路和南豐、鉛山2直隸州以及48个縣、16个縣級州。
明清帝國[編輯]
明朝辰光，江西基本保留了元帝國个省區建制，但明帝國改行中書省成布政使司（習慣上仍然稱省），改路為府、改州為縣。江西成為江西布政使司，下頭个轄區有南昌、瑞州、饒州、南康、九江、廣信、撫州、建昌、吉安、袁州、臨江、贛州、南安13府，下轄78縣，地域基本等同當今个江西省。明太祖洪武年辰光，廣東單獨設省之後，江西个邊界搭現在相比儕變化老小。明帝國辰光，承宣布政使司、提刑按察使司、都指揮使司是江西布政使司的最高行政機關，三司分別由中央直接節制，分權而治，相互沒有統屬關係。另外，江西還有三位藩王（寧王、淮王和益王）分封在江西的南昌府、饒州府（鄱陽）和建昌府（南城）。江西个文化來勒明代也是比較發達，著名个作家湯顯祖搭權臣嚴嵩儕是江西人。
清朝改江西布政使司成江西省，行政區域基本承襲明建制。另外，來勒吉安府增設蓮花、南昌府增設銅鼓、贛州府增設虔南等3个縣級廳，同時，升寧都縣為省轄直隸州。巡撫來勒清帝國辰光，成為全省頂高行政長官，下頭設承宣布政使司和提刑按察使司，分管民政、財政與司法監察。
明清辰光，由於梅關和贛江是聯繫廣東搭長江流域最繁忙个南北交通線路，也帶動了沿線江西城市个繁榮。同時，因為明代江西填湖廣搭湖廣填四川个政策大批江西人向人口密度較低个湖南、湖北、廣東、廣西、雲南、貴州、四川等省移民，從事商業或農業等。在此期間形成个「江右」商幫來勒全國十大商幫當中位列第三。同時，江西个景德鎮為全國四大名鎮之一。
動亂辰光[編輯]
太平天國運動當中，江西受到邪氣大个打擊，來勒長毛作亂頭幾年，江西成為湘軍搭石達開會戰个主戰場，經濟搭社會儕遭到破壞。動亂結束之後，因為國門个打開搭原有經濟格局个變化，江西開始逐步衰落。
辛亥革命之後，江西成為軍閥反覆爭奪个地區。到1920年代末，贛南開始成為中國共產黨建立根據地个首選地。先後建立有名个井岡山革命根據地搭中央革命根據地。還成立所謂个中華蘇維埃共和國。1930年代，蔣介石看中江西廬山个避暑環境。每年夏天儕搭宋美齡來江西度假，還開展新生活運動。抗日戰爭爆發後，江西也受到牽連，弗過，大部分地區一直來勒國民黨个手裡。贛州等地區，到1940年代初期，還成為蔣經國个駐紮地。
1949之後[編輯]
1949年之後，江西發展比較緩慢，經濟規模搭人均收入儕推板周邊比較多（僅比安徽省好一點）。江西官僚主打紅色旅遊牌，讓外地人只曉得江西有蘇區。千年个文化搭豐富个旅遊資源儕沒哪能好好較開發。
地理[編輯]
地形[編輯]
江西屬於東南內陸丘陵地區，迭个省份三面環山，從空中看，可以被看成是一個朝背面開口个盆地。省份西面是幕阜山、九嶺山搭羅霄山脈；東面是懷玉山搭武夷山脈；南面是九連山搭大庾嶺，北面挨牢鄱陽湖搭長江，兩者當中有聞名全國个廬山（主峰漢陽峰海拔1474米）。江西个地理環境是丘陵為主，山地丘陵占全省面積个70％，中南部紅岩丘陵搭盆谷交錯，北半部是寬廣个平原，也是贛語个主要通行地區，被叫做鄱陽湖平原、鄱陽盆地或者豫章平原。江西頂高个山峰是搭福建臨近个武夷山脈黃崗山，海拔2158米。
接鄰省份[編輯]
水系[編輯]
長江个重要支流贛江是江西个母親河，贛江從南到北，流經整个江西省。鄱陽湖是江西，也是中國頂大个淡水湖，贛江、撫河、信江、鄱江搭修水等水匯入鄱陽湖後，注入北面个長江。江西重要个水庫包括西北面个修水柘林水庫搭贛江上游个萬安水庫。
氣候[編輯]
江西屬於亞熱帶季風氣候，1月平均氣溫4-9°C，7月平均氣溫27-30°C，年平均氣溫16-20°C。年降水量1200-1900毫米。
行政區劃[編輯]
因為人口相對來講比較少，江西个行政區劃並弗算老多，現在，江西管轄11个地級市，次一級包括廿个市轄區，十個縣級市，七十個縣
參考資料[編輯]
- ↑ 新華網江西頻道，《萬年仙人洞人種出世界首棵水稻 贛鄱是世界的稻作起源中心區 檔案，存勒互聯網檔案館當中。（2008年10月16號）》，2004年9月17日
- ↑ 張正田，〈淺談宋代江西健訟風氣與客家、江西先民的移民潮〉，《客家雜誌》，256(臺北)，2011.10，頁68。
| ||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||
