歐洲聯盟
歐洲聯盟(英語:European Union,縮寫:EU),簡稱歐盟,是歐洲多國共同建立个政治搭經濟聯盟,現擁有27个成員國,正式官方語言有24種。歐盟是通過1993年簽訂个《馬斯特里赫特條約》後,垃拉歐洲共同體个基礎上,建立个政治聯盟。箇當中,使用頂多个是英文、法文搭德文。當今歐盟个運作,參考《里斯本條約》。政治浪也經常作為一個整體行動。歐盟拿成員國个邊界廢脫,弗設防,並執行單一貨幣,造成歐元危機搭歐洲難民危機,並引發英國獨立黨、法國國民陣線等團體脫離歐盟个需求。2020年1月31號,英國脫離歐盟。
歐元乃朝是19个成員國个官方貨幣,迭些國家一道構成歐元區,並且還準備繼續擴張歐元个使用範圍。弗過歐元並弗穩定。2008年之後,因為歐元个問題,造成歐洲經濟長期蕭條,邪氣是希臘等地中海國家,爆發著主權債務危機。
歷史[編輯]
1952年,西歐个法國、比利時、荷蘭、盧森堡、聯邦德國搭意大利成立歐洲鋼鐵聯盟,運作比較成功。1958年,又立在迭个基礎上,成立歐洲原子能共同體搭歐洲經濟共同體。1967年,成立歐洲共同體。1993年冷戰結束之後,拿歐洲共同體改組,形成乃朝个歐洲聯盟。立在迭个過程當中,歐盟个成員國也弗斷增加,先後有8趟擴充。從老早6个國家个經濟協定,發展成有國旗、國歌、總統、貨幣个類似國家機構。
組織結構[編輯]
歐盟个組織搭一個國家是邪氣相似个,比起聯合國,權力要大多哉。乃朝歐盟能夠干涉大部分歐洲國家个內政,控制伊拉个經濟政策搭外交政策。
- 歐洲理事會(英文:European Council),由成員國个政府首腦組成。
- 歐盟理事會(英文:Council of the European Union),由成員國个政府部長組成。
- 歐盟委員會(英文:European Commission),歐盟行政官僚機構。
- 歐洲議會(英文:European Parliament),少數直接選舉个機構,相當於下議院。
- 歐洲法院
- 歐洲央行
- 歐洲原子能共同體
成員國[編輯]
乃朝,歐盟有27个成員國。1950年六個創建國是:
21个成員國勒後頭一系列擴大浪潮中加入:
- 1973年
- 1981年
- 1986年
- 1995年
- 2004年
- 2007年
除落上頭个27國以外, 摩納哥、
安道爾等歐洲小國也搭歐盟簽訂仔特殊个協議。
歐盟一部分成員國个海外領地,如格陵蘭等,弗是歐盟个組成部分。
挪威來勒1972年搭1994年兩次勒國內進行加入歐盟个全民投票,儕嘸通過,因此至今弗曾加入歐盟。但挪威个「歐洲經濟區協定」(EEA)讓挪威享受歐盟成員國企業搭國民个同等待遇。