庫頁島

樺太と周辺の地形

庫頁島，日本嗰講法叫樺太（日文：樺太／からふと），羅宋嗰講法叫薩哈林（俄語：Сахали́н），是一座立在東北亞个島嶼，立在北海道島个北面。迭个島嶼外形狹長，資源豐富。乃朝屬於羅宋管轄，行政高頭屬於薩哈林州，有人口50萬左右。

立在清朝辰光，滿清帝國對此地施加影響。弗過，無直接統治過。到19世紀，日本搭羅宋先後擴張到迭个島嶼。到1870年代，日本放棄對迭个島嶼个所有權，交換千島群島所有權。到1905年日俄戰爭結束之後，又重新獲得迭个島嶼南面个控制權。弗過，第二次世界大戰結束之後，整个島嶼又回到蘇聯个控制下頭哉。