Vorsm
Lidnanznam
| |
| Valdkund | Venäma |
| Eläjiden lugu (2021) | 10,162 ristitud |
| Pind | 22,78 km² |
| |
| Telefonkod | +7−83 171-xx-xxx |
| Avtokod | 52, 152 |
| Aigvö | UTC+3 (MSK+0) |
Vorsm (ven.: Во́рсма) om Venäman lidn Alalidnan agjan päivlaskmas. Se om Pavlovon rajonan pala (lidnankund edel vn 2020 semendkud).
Istorii[vajehta | vajehtada tekst]
Voräs'man tahond mainitase 14.-15. voz'sadoil. Eländpunkt mainitase ezmäižen kerdan vl 1588 kuti Vorsmankülä (ven.: село Ворсма). Sijaline mahuz om vägitoi, järg savi da savik, i 18. voz'sadaspäi pästtas raudasižid tegesid sijaližes soraudaspäi: raudad, veičed, luklod, tuikutimed, sabläd, medicinine instrument.
Vspäi 1926 Vorsm oli žilon statusanke. Vl 1955 se sai lidnan statusad. Tehtihe NSTÜ:n veičiden enambust arni neciš lidnas. Pästtas veičid (kuz' edheotandad) da medicinižid ladlusid tähäsai. Vspäi 2014 mülütihe Vorsmad Venäman monolidnoiden nimikirjuteshe hüvänke socialiženke olendanke. Mugažo leibänedheotand radab.
Geografijan andmused[vajehta | vajehtada tekst]
Lidn sijadase Kišm-jogen randoil (ven.: Кишма / Ворсма 71 km pitte, Okan oiged ližajogi). Jogi läbitab Toskank-vezivaradint lidnan päivnouzmas (Vorsmanjärv, 1,26 km²).
Lähembaine lidn om Pavlovo kümnes kilometras päivlaskmha avtotedme. Matkad Alauz'lidnhasai om 62 km pohjoižpäivnouzmha avtotedme. Vorsm-raudtestancii sijadase 15 km lodeheze lidnaspäi.
Tobmuz[vajehta | vajehtada tekst]
Vorsman lidnankund oli olmas vspäi 2004, lidn oli sen üks'jäižeks eländpunktaks.
Lidnankundan tobmuden pämez' oli sen Duman ezimez'. Vadim Šilin radoi Duman ezimehen. Dum om tühjitadud vn 2020 sügüz'kuspäi. Lidnan Administracii om likvidiruidud vn 2021 vilukus. Sen jäl'gmäine pämez' oli Aleksandr Prokofjev (kül'mku 2015 — viluku 2021).
Eläjad[vajehta | vajehtada tekst]
Vl 1931 žilon eläjiden lugu oli 6 300 ristitud. Vn 2010 Venäman rahvahanlugemižen mödhe lidnan eläjiden lugu oli 11 620 ristitud, vn 2021 — 10 162 ristitud. Kaik 10 589 eläjad oli lidnas vl 2017. Kaikiš suremb lidnan ristitišt oli 13 968 eläjad vl 1979.
Ortodoksižen hristanuskondan ühesa pühäpertid[1] oma kaičenus i saudud lidnas: Ostrovojezerskii Stroican naižjumalankodi (päjumalanpert', kaks' jumalanpertid, kaks' časounäd) i koume jumalanpertid, nellänz' jumalanpert' om udessündutamižes.
Lapsiden opendusen aluzkundad oma severz'-se päivkodid, kaks' keskškolad (nomer 1 i 2), čomamahtoiden lapsidenškol, lapsiden sädamižen keskuz. Nened valdkundaližed sportobjektad oma avaitud Vorsmas: fizkul'turine tervehtamižkompleks, kaks' štarglavut, futbolklub stadionanke.
Galerei[vajehta | vajehtada tekst]
-
Lidnan administracijan sauvusenno (2009)
-
Ostrovojezerskii Stroican naižjumalankodi, vn 2013 nägu
-
Vorsman medicinižiden ladlusiden tegim vl 2007
-
Lidnan kul'turkeskuz (vn 2009 olend)
-
Zavjalovan ird (2009)
Homaičendad[vajehta | vajehtada tekst]
Irdkosketused[vajehta | vajehtada tekst]
- Lidnan territorialižen ohjanduzkundan lehtpoled Pavlovon ümbrikon tobmuden admpavlovo.ru-saital. (ven.)
 |
Vorsm Vikiaitas |
| Alalidnan agjan lidnad | ||
| Alauz'lidn | Arzamas | Balahn | Bogorodsk | Bor | Čkalovsk | Dzeržinsk | Gorbatov | Gorodec | Knäginino | Kstovo | Kulebaki | Liskovo | Lukojanov | Navašino | Pavlovo | Perevoz | Pervomaisk | Sarov | Semönov | Sergač | Šahunj | Zavolžje | Uren' | Vetlug | Viks | Volodarsk | Vorsm | ||