2024-yilgi Yozgi Olimpiada oʻyinlaridaboks boʻyicha musobaqalar 27-iyuldan 10-avgustgacha qadar boʻlib oʻtdi[1]. Musobaqada 248 nafar bokschi (124 erkak va 124 ayol) ishtirok etdi. 13 ta sovrinlar toʻplami oʻynaldi – 7 ta erkaklar va 6 ta ayollar[2]. Har bir vazn toifasida mamlakatdan faqat bitta sportchi qatnashdi. Anʼanaga koʻra, barcha yoʻnalishlarda yarim finalda magʻlub boʻlgan har ikki bokschi bronza medallarini qoʻlga kiritdi. Olimpiada oʻyinlarida ketma-ket ikkinchi marta bokschilar himoya dubulgʻalarisiz chiqish qilishdi, bu qoida ayollarga taalluqli emas edi.
2022-yil iyunda Xalqaro olimpiada qoʻmitasiXalqaro boks assosiasiyasini musobaqalarni tashkillashtirishdan chetlashtirdi, bu „moliyaviy, boshqaruv, etika, hakamlik va referilik sohalaridagi uzoq muddatli muammolar“ sababli amalga oshirildi. Xalqaro olimpiada qoʻmitasi musobaqalarga saralash uchun oʻzining mezonlarini belgiladi[3].
Har bir Milliy olimpiya qoʻmitasiga har bir sport turi boʻyicha bittadan sportchi qatnashishi mumkin edi. Oltita kishi (uchta erkak va uchta ayol) mezbon davlatga (Fransiya) va yana toʻqqiz kishi (toʻrtta erkak va beshta ayol) Uch tomonlama komissiya tomonidan taklifnoma boʻyicha ajratildi[4].